1 Le gucá'ana szren Dios dute̱ xel-la' dxebé,

2 Le gul-la ca naca xel-la' szren chee̱ le̱'.

Le gucá'ana szrene̱' gate dxue lá'anale Le̱'.

3 Le xe̱ Dios: “Dxebánele̱'e̱quezentu' ca zaj naca da nunu'.”

Ne̱ chee̱ xel-la' szren chee̱ xel-la' waca chiu' xuluzúa

4 Xúgute̱ bénneache zaj zra' dute̱ xe̱zr la xu xelúe

Tu xelúl-lazqueze̱' chee̱ Láquezu'.

5 Le da, lé'ele ca zaj naca da nun Dios.

Da zrébedxu zaj naca da be̱ne̱' chee̱ benne' ca'

6 Be̱ne̱' bexaca nísadau' xu bizre.

Guledé bénneache chee̱' ní'aze̱' naga nedxu de̱ tu xe̱gu situj.

Dxu'a nísadau' na' gubéle̱'e̱dxu lau Dios.

7 Dute̱ xel-la' waca chee̱' nna be'e̱ chadía chacanna.

Dxuxúequeze̱' ca da dxelún bénneache dute̱ xe̱zr la xu.

Benne' dxeledábague̱' Le̱' quebe xelezrué'equezne̱' xel-la' szren.

8 Le'e, bénneache, le gucá'ana szren Dios chee̱dxu,

ne le guzén bénneache ca da dxue lá'anale Le̱'.

9 Lé̱queze̱' bxue̱' dxi'u chee̱ naca bandxu,

ne quebe be̱'e̱ lataj cheajcházedxu.

10 Lué'queze bxu' netu' ca da be̱ntu', Dios.

Bdeu' netu' xel-la' zi' ca dxelún bénneache dxuludée̱'

11 Be̱nu' xeajchú'untu' tu lu xralaj.

Bda'u cúzruntu' tu xua zí'ile̱'e̱.

12 Be̱nu' guledé xíchajntu' benne' zaj zrie̱' bzrina' chee̱' ca'.

Gudentu' tu lu xi', ne tu lu nisa situj,

na' bebéaju' netu', ne bzu' netu' tu lataj naga zúantu'

13 Chú'uqueza' lu xu'u lizru' chee̱ guzézxea' béadu ca',

ne gunna' chiu' ca da guche̱be lazra' guna',

14 da na' guche̱be lazra' ca da gunnía'

15 Guzézxea' béadu ca', be̱ dxelanne lau' Lue',

ne guna' cuen zren chee̱ zríla'du ca' lau',

ne gutia' be̱zre ca', ne chivo biu ca' lau'.

16 Le da, xénele, xúgute̱le dxezrébele Dios,

na' guzenda' le'e ca da be̱ne̱' gúcale̱ne̱' neda'.

17 Du lazra' bláwizra' Le̱',

ne bca'ana szrénqueza' Le̱'.

18 La guzé̱ lazra' tu da cale̱la,

quebe ben Xránadxu chia'.

19 Da líqueze bene Dios chi'a.

Bze̱ nague̱' ca da gunábeda' Le̱'.

20 ¡Gaca báqueze Dios!

¡Quebe bzue̱' chalá'ala da bchálajle̱na' Le̱',