1 عَلَتَلَ، ﭑ مَرِفِ نَ عِ تَن نَن نَ.

ﭑ عِ شِلِ مَتْشْمَ نّ عِ شَ قٍ مَكَابَشِيٍ شَ قٍ رَ،

عِ نَشٍيٍ نَتّشِ كَبِ تّمُي شْنكُيٍ دُفُتّفّحَ كُي.

2 عِ بَرَ مُشُ يَشُييٍ شَ تَا مَكَنتَشِ رَبِرَ،

عَ قِندِ فّمّ يٍنسٍنشِيٍ رَ نَشَن مُ تِمَ سْنْن.

3 نَ نَن عَ رَ حَمَ سّنبّمَيٍ عِ مَتْشْمَ نّ،

سِ حَاشِيٍ قَ عِ بِنيَدٍ.

4 عِ قِندِشِ مِسِكِينّ شَ كَنتَرِ نَن نَ،

يِرٍ مَكَنتَشِ تْورْ مِشِ لُمَ دّننَشّ.

عِ لُشِ عَلْ بَنشِ قَنيِ تُرُننَادّ كُي،

عَلْ بَفٍ نَشَن تِشِ سٌفٍ يَ مَ.

سِ حَاشِ مَنِيَشِ تُرُننَادّ نَن نَ نَشَن بْنبْمَ بَنشِ رَ،

5 عَ لُ عَلْ وُيٍنيِ نَشَن نَ فبٍنفبٍرٍنيِ مَ.

عِ حَمَنّ شَ سْنشْي رَشِنبٍلِمَ نّ،

عَلْ نُشُي نِينِ ندٍ بَمَ سٌفٍ شَ وُيٍنيِ رَ كِ نَشّ.

نَ حَمَ حَاشِ شَ سِفِ سَ دَنمَ نَ كِ نّ.

6 يِ فٍيَ قَرِ، عَلَتَلَ سّنبّمَ قَمَ نّ شُلُنيِ بٍلٍبٍلٍ تِدٍ،

حَمَ بِرِن شَ مِنسٍ نُن دٌنسٍ حْشُنمّيٍ لِ نَا.

7 يِ فٍيَ قَرِ، عَلَتَلَ قَمَ نّ مَقٍلٍنيِ بَدٍ بْنسْي بِرِن مَ،

8 عَ سَيَ شَ قٍ كَنَمَ نّ عَبَدَن.

وٌن مَرِفِ عَلَتَلَ يَيٍ مَقُرُكُمَ نّ يَتَفِ بِرِن مَ،

عَ عَ شَ حَمَ شَ يَافِ بِرِن بَ دُنِحَ يَ شْرِ.

عَلَتَلَ شُي نَن نَ كِ.

9 نَ لْشْي عٍ عَ قَلَمَ نّ،

«وٌن مَرِفِ عَلَ نَن يِ كِ وٌن وٌن شَشِلِ تِشِ نَشَن نَ.

عَ بَرَ وٌن نَكِسِ.

عَلَتَلَ نَن يِ كِ وٌن وٌن شَشِلِ تِشِ نَشَن نَ.

وٌن شَ سّيوَ عَ شَ كِسِ رَ.»

10 عَلَتَلَ شْنيّ لُمَ نّ يِ فٍيَ قَرِ،

كْنْ مٌوَبَكَيٍ مَبٌرٌنمَ نّ عَلْ سّشّ.

11 عٍ كَتَمَ نّ عٍ شَ عٍ بَ عَ يِ رَ،

كْنْ عَلَتَلَ عٍ شَ يّتّ عِفبٌيَ رَفٌرٌ مَ نّ،

عَ عٍ سّنبّ بِرِن حْن.

12 عَ عٍ شَ يِرٍ مَكَنتَشِيٍ رَبِرَ مَ نّ،

عَ نَ بِرِن بُتُشُن هَن عَ قِندِ شُبٍ رَ.

عَ عٍ شَ يّتّ عِفبٌيَ رَفٌرٌ مَ نّ قٍوٌ.