1 نَ تّمُي ﭑ نَشَ عَلَ شُي عِتٍشِ مّ، عَ نَشّ، «تَا كَنتَمَيٍ، وٌ شَ قَ وٌ شَ فٍرٍ سٌسٍيٍ رَ!» 2 شّمّ سٍننِ نَشَ مِنِ نَادّ قُفٍ بِرِ رَ، نَادّ نَشَن يَ رَقِندِشِ كْولَ مَ، بِرِن نُن عَ شَ فٍرٍ سٌسٍ رَ عَ بّلّشّ عِ. شّمّ فبّتّ نُ نَ عٍ يَ مَ، دُفِ قِيشّ رَفٌرٌشِ عَ مَ، سّبّلِ تِ سٍ نُ نَ عَ بّلّشّ عِ. عٍ نَشَ قَ، عٍ تِ سّرّشّبَدٍ قّ مَ، نَشَن يَءِلَنشِ وُرٍ فبٍيلِ رَ.

3 عِسِرَيِلَ مَرِفِ عَلَ شَ نْرّ نَشَ كٍلِ مَلٍكّيٍ سَوُرّيٍ شُن، عَ نُ مَفٌرٌشِ نَشٍيٍ قَرِ، عَ عَ شُن تِ بَنشِ سٌدٍ دّ رَ. عَلَتَلَ نَشَ نَ شّمّ شِلِ دُفِ قِيشّ رَفٌرٌشِ نَشَن مَ، سّبّلِ تِ سٍ نُ نَ نَشَن بّلّشّ، 4 عَ عَ مَسٍن عَ بّ، «عِ شَ عِ حّرّ دَرِ سَلَمُ تَا كُي تْنشُمَ سَقٍ رَ شّمّيٍ بِرِن تِفِ رَ، نَشٍيٍ نَ تْورْقٍ، نَشٍيٍ نَ وَقٍ يِ قٍ حَاشِيٍ شَ قٍ رَ نَشٍيٍ رَبَمَ دَرِ سَلَمُ.»

5 عَ مَن نَشَ عَ مَسٍن عَ بٌورٍيٍ بّ ﭑ يَ شْرِ، «وٌ بِرَ يِ شّمّ قْشْ رَ، وٌ شَ قَشّ تِ كِنِكِنِتَرٍحَ كُي! 6 وٌ شَ مِشِ بِرِن قَشَ، قٌرِيٍ، سّفّتَلَيٍ، سُنفبُتُنيِيٍ، فِنّيٍ نُن دِ مّدِيٍ. كْنْ تْنشُمَ نَ نَشٍيٍ تِفِ مَ، وٌ نٍيٍ لُ نَ! وٌ شَ يِ وَلِ قْلْ ﭑ مَ هْرْ مْبَنشِ سّنِيّنشِ يِرٍ.» نَ كُي عٍ نَشَ نَ قٌرِيٍ قَشَ نَشٍيٍ نُ تِشِ هْرْ مْبَنشِ يَ رَ. 7 عَ مَن نَشَ عَ مَسٍن عٍ بّ، «هَلِ عَ قِندِشِ قٍ سّنِيّنتَرٍ نَن نَ، وٌ شَ ﭑ مَ هْرْ مْبَنشِ شَ تّتّ رَقٍ بِنبِيٍ رَ! يَكْسِ، وٌ سِفَ!» نَ كُي عٍ نَشَ مِنِ، عٍ قَشّ بٍلٍبٍلٍ تِ تَا كُي.

8 عٍ نُ قَشّ تِمَ تّمُي نَشّ، ﭑ نَشَ ﭑ قٍلٍن بْشِ مَ ﭑ كٍرٍن. ﭑ نُ ﭑ مَوَقٍ عَلَ بّ عَ قَلَقٍ رَ، «ﭑ مَرِفِ عَلَتَلَ، عِ وَ مَ عِسِرَيِلَ بْنسْي بِرِن سْنتْقٍ نّ عِ شَ شْنّ كُي نَشَن نَ تٍقٍ دَرِ سَلَمُ تَا كُي؟» 9 عَ نَشَ ﭑ يَابِ، «عِسِرَيِلَ نُن يُدَ بْنسْي شَ يُنُبِ فبٌ! عٍ لُمَ قَشّ تِ رَ تّمُي بِرِن، عٍ قٍ تِنشِنتَرٍيٍ رَبَ بْشِ بِرِن كُي. عٍ نَشّ، ‹عَلَتَلَ بَرَ يِ بْشِ رَبٌلٌ، عَ مُ وٌن مَ قٍ تٌمَ سْنْن.› 10 نَ كُي ﭑ مُ كِنِكِنِمَ عٍ مَ قٍقٍ مَ. ﭑ عٍ شَ وَلِ حَاشِ سَرٍ رَفبِلٍنمَ نّ عٍ مَ عَ شْرْشْي رَ.»

11 نَ تّمُي نَ شّمّ دُفِ قِيشّ رَفٌرٌشِ نَشَن مَ، سّبّلِ تِ سٍ سُشُشِ نَشَن يِ رَ، عَ نَشَ فبِلٍن، عَ دّنتّفّ سَ عَ شّيمَ بّ، «ﭑ بَرَ فّ عِ شَ يَامَرِ رَبَدٍ.»