1 عِسَ تٌ كٍلِ يُرُدّن، عَلَ شَشِلِ سّنِيّنشِ نُ فٌرٌشِ عَ مَ، عَ عِسَ شُن تِ فبٍنفبٍرٍنيِ رَ. 2 شِ تٌنفٌ نَانِ بُن مَ، عَ نُ نَ نَا، عِبُلِسَ نُ كَتَقٍ عَ رَتَنتَندٍ. عِسَ مُ سٍسٍ دٌن نَ وَشَتِ بِرِن بُن. نَ شِ كْنتِ تٌ كَمَلِ، كَامّ نُ نَ عَ مَ. 3 عِبُلِسَ نَشَ عَ قَلَ عَ بّ، «شَ عَلَ شَ دِ نَن عِ رَ، يَامَرِ قِ يِ فّمّ شَ قِندِ تَامِ رَ.» 4 عِسَ نَشَ عَ يَابِ، «عَ سّبّشِ كِتَابُي كُي، ‹مِشِ مُ بَلٌمَ تَامِ فبَنسَن شَ رَ.›»

5 عِبُلِسَ نَشَ قَ عَ شَنِن فٍيَ قَرِ، عَ دُنِحَ مَنفّيَ بِرِن مَسٍن عَ بّ كٍرٍنيِ رَ. 6 عَ نَشَ عَ قَلَ عَ بّ، «ﭑ يِ مَنفّيَ بِرِن قِمَ نّ عِ مَ عَ نُن عَ دَرِيّ، بَرِ مَ عَ سٌشِ ﭑ تَن نَن يِ. ﭑ قَن نْمَ عَ قِدٍ، ﭑ نَ وَ عَ قِقٍ نَشَن يٌ مَ. 7 نَ كُي، شَ عِ عِ قٍلٍن ﭑ بّ، عِ ﭑ بَتُ، ﭑ عَ بِرِن قِندِ مَ نّ عِ فبٍ رَ.» 8 عِسَ نَشَ عَ يَابِ، «عَ سّبّشِ كِتَابُي كُي، ‹عِ شَ عِ مَرِفِ عَلَ فبَنسَن نَن بَتُ، عِ شَ سُيِدِ عَ كٍرٍن نَن بّ.›»

9 عِبُلِسَ مَن نَشَ عَ شَنِن دَرِ سَلَمُ، عَ عَ تِ عَلَ شَ هْرْ مْبَنشِ قَرِ، يِرٍ عِتٍشِ. عَ نَشَ عَ قَلَ عَ بّ، «شَ عَلَ شَ دِ نَن لَنشِ عِ مَ، تُفَن بٍ رَ، 10 بَرِ مَ عَ سّبّشِ، ‹عَلَ يَامَرِ قِمَ نّ عَ شَ مَلٍكّيٍ مَ عِ شَ قٍ رَ، عٍ شَ عِ كَنتَ.› 11 عَ مَن سّبّشِ، ‹عٍ عٍ بّلّشّيٍ رَ سٌمَ نّ عِ بُن مَ، عٍ عِ رَتٍ عَلَكٌ عِ سَنيِ نَشَ دِن فّمّ رَ.›» 12 عِسَ نَشَ عَ يَابِ، «كِتَابُي مَن عَ مَسٍنشِ، ‹عِ نَشَ عِ مَرِفِ عَلَ مَتٌ.›»

13 عِبُلِسَ تٌ فّ كَتّ بِرِن نَبَدٍ عَ شَ عِسَ رَتَنتَن، عَ نَشَ كٍلِ عَ شُن مَ، هَن بٍينُن عَ شَ وَشَتِ فبّتّ شَ عَ لِ.

14 عِسَ نَشَ فبِلٍن فَلِلٍ بْشِ مَ. عَلَ شَشِلِ سّنِيّنشِ شَ سّنبّ نُ نَ عَ مَ. عَ شَ قٍ شِبَارُ نَشَ سِفَ رَيٍنسٍن نَ يِرٍ بِرِن. 15 عِسَ نُ مِشِيٍ شَرَنمَ عٍ شَ سَلِدٍيٍ كُي، بِرِن نُ عَ مَتْشْ.

16 عِسَ نَشَ سِفَ نَسَرّتِ، عَ شُرُشِ دّننَشّ. مَلَبُ لْشْي مَ، عَ نَشَ سٌ سَلِدٍ كُي عَلْ عَ نُ دَرِشِ عَ رَ كِ نَشّ، عَ تِ، عَ شَ كِتَابُي شَرَن مِشِيٍ بّ. 17 عٍ نَشَ عَننَبِ عٍسَيِ شَ كِتَابُي سٌ عَ يِ. عَ تٌ عَ عِتَلَ، عَ نَشَ يِرٍ تٌ عَ سّبّشِ دّننَشّ،

20 عَ نَشَ قَ كِتَابُي مَكُنتَن، عَ عَ سٌ تَالِبِ يِ، عَ دْشْ. بِرِن عٍ يَ بَنبَنشِ عَ رَ سَلِدٍ كُي. 21 عَ نَشَ مَسٍنيِ تِ قْلْ عٍ بّ، «تٌ، يِ سّبّلِ نَشَن شَرَنشِ وٌ بّ يِ كِ، عَ بَرَ كَمَلِ.»

22 بِرِن نُ عَ شَ قٍ قَنيِ قَلَمَ، عٍ نُ كَابَ وْيّن قَنيِيٍ مَ نَشٍيٍ نُ مِنِمَ عَ كّرّ عِ. عٍ نَشَ سٌ عٍ بٌرٍ مَشْرِنقٍ، «يُسُقُ شَ دِ شَ مُ يِ كِ؟» 23 عِسَ نَشَ عَ قَلَ عٍ بّ، «ﭑ نَ عَ كٌلٌن وٌ يِ تَالِ سَمَ نّ ﭑ بّ، ‹سٍرِبَ، عِ يّتّ دَندَن.› وٌ مَن عَ قَلَمَ نّ ﭑ بّ، ‹مُشُ بَرَ قٍ نَشَن بِرِن مّ عِ نَشَن نَبَشِ كَثّرّنَمُ، عِ مَن شَ عَ مْولِ رَبَ عِ شْنيِ بٍ.› 24 ﭑ شَ نْندِ قَلَ وٌ بّ، نَمِحْنمّ يٌ مُ بِنيَمَ عَ شْنيِ تَن. 25 وٌ مَن شَ وٌ تُلِ تِ نْندِ رَ. كَاحّ فِنّ وُيَشِ نُ نَ عِسِرَيِلَ بْشِ مَ عَننَبِ عٍلِيَ شَ وَشَتِ، كَامّ تٌ سِن بْشِ مَ، تُنّ يٍ مُ بِرَ حّ سَشَن كِكٍ سٍننِ. 26 كْنْ عَلَ مُ عَننَبِ عٍلِيَ شّي عٍ تَن عِسِرَيِلَكَ فِنّيٍ سٍسٍ مَ، قٌ عَ تٌ عَ شّي كَاحّ فِنّ ندٍ نَن فبَنسَن مَ نَشَن نُ نَ سَرٍثٍتَ، سِدْن بْشِ مَ. 27 كُنّ كَنيِ وُيَشِ قَن نُ نَ عِسِرَيِلَ بْشِ مَ عَننَبِ عٍلِسٍ شَ وَشَتِ، كْنْ عَ مُ عٍ تَن سٍسٍ رَيَلَن، قٌ نَامَن سِرِيَكَ فبَنسَن، عَ نَ نَن نَيَلَن.»

28 عٍ تٌ يِ قٍيٍ مّ، مِشِ بِرِن نَشٍيٍ نُ نَ سَلِدٍ كُي، عٍ بْحّ نَشَ تٍ عِسَ شِلِ مَ. 29 عٍ نَشَ كٍلِ، عٍ عَ رَ مِنِ تَا قَرِ مَ. عٍ شَ تَا تٌ نُ تِشِ فٍيَ رَ، عٍ نَشَ عَ شَنِن يِرٍ ندٍ عٍ شَ عَ رَدِن يّ فٍلٍنيِ رَ. 30 كْنْ عِسَ نَشَ مِنِ عٍ تَفِ، عَ عَ شَ كِرَ سُشُ.

31 عِسَ نَشَ فٌرٌ كَثّرّنَمُ، فَلِلٍ بْشِ تَا ندٍ. عَ تٌ نُ نَ مِشِيٍ كَوَندِقٍ مَلَبُ لْشْي، 32 عٍ نَشَ كَابَ عَ شَ شَرَنيِ مَ، بَرِ مَ عَ نُ وْيّنمَ مَنفّ سّنبّ نَن نَ. 33 نَ سَلِدٍ كُي، شّمّ ندٍ نُ نَ حِننّ نُ نَشَن قْشْ رَ. عَ نَشَ سْنشْي رَتٍ قْلْ، عَ فبٍلٍفبٍلٍ، 34 «عٍٍ! عِسَ نَسَرّتِكَ، عِ وَشِ مُنسٍ شْن مَ مُشُ بّ؟ عِ قَشِ مُشُ سْنتْدٍ نّ؟ ﭑ نَ عَ كٌلٌن مِشِ نَشَن لَنشِ عِ مَ. عَلَ شَ سّنِيّنتْي نَن نَ عِ رَ.» 35 عِسَ نَشَ وْيّن عَ مَ عَ شْرْشْي رَ، عَ عَ يَمَرِ، «عِ سَبَرِ. فبِلٍن يِ شّمّ قْشْ رَ.» حِننّ نَشَ شّمّ رَبِرَ بْشِ حَمَ تَفِ، عَ قَ فبِلٍن عَ قْشْ رَ. شّمّ مُ مَشْنْ هَلِ كٍرٍن. 36 بِرِن دّ نَشَ عِشَرَ، عٍ نُ قَ عٍ بٌرٍ مَشْرِن، «مَسٍنيِ مْولِ مُندُن يِ كِ؟ عَ حِننّيٍ يَمَرِ مَ نْي نُن سّنبّ رَ، نٍيٍ فبِلٍن مِشِ قْشْ رَ!» 37 نَ كُي، عِسَ شَ قٍ شِبَارُ نَشَ يٍنسٍن يّ نَ بْشِ رَبِلِنيِ يِرٍ بِرِن.

38 عِسَ تٌ مِنِ سَلِدٍ كُي، عَ نَشَ سِفَ سِمْن شْنيِ. سِمْن بِتَنيِ مُ نُ يَلَنشِ. عَ قَتٍ نُ فَنشِ عَ مَ. عٍ نَشَ عِسَ مَشَندِ عَ شَ عَ مَلِ. 39 عِسَ تٌ تِ عَ شُن مَ، عَ نَشَ وْيّن نَ قُرٍ مَ، قُرٍ نَشَ عَ بّحِن. عَ نَشَ كٍلِ كٍرٍن نَ، عَ كُرِ سٌ عٍ بّ.

40 سٌفٍ تٌ دُلَ، عٍ نَشَ قَ قُرٍ مَ مْولِ بِرِن نَ عِسَ شْن مَ. عَ نَشَ عَ بّلّشّ سَ عٍ مَ كٍرٍن كٍرٍن، عَ قَ عٍ رَيَلَن. 41 عَ نَشَ حِننّيٍ قَن كٍرِ مِشِ وُيَشِ قْشْ رَ. حِننّيٍ نُ قُرٍ مَيٍ بّحِنمَ، عٍ نُ فبٍلٍفبٍلٍ عٍ نُ عَ قَلَ، «عَلَ شَ دِ نَن نَ عِ رَ!» كْنْ عِسَ نَشَ عٍ يَمَرِ، عَ عٍ رَتْن وْيّنقٍ رَ، بَرِ مَ عٍ نُ عَ كٌلٌن عَ عَلَ شَ مِشِ سُفَندِشِ نَن عَ رَ.

42 نَ كُيٍ عِبَ، عَ نَشَ مِنِ، عَ سِفَ يِرٍ مَدُندُشِ ندٍ. حَمَ نَشَ عَ قٍن هَن عٍ عَ تٌ. عٍ نُ كَتَقٍ نّ عٍ شَ كَنكَن عَ مَ، عَ نَشَ قَ كٍلِ عٍ شُن. 43 كْنْ عَ نَشَ عَ مَسٍن عٍ بّ، «قٌ ﭑ شَ تَا فبّتّيٍ قَن كَوَندِ عَلَ شَ مَنفّيَ نِينِ شَ شِبَارُ قَنيِ رَ، بَرِ مَ ﭑ شّيشِ نَ نَن مَ.» 44 نَ كُي، عَ نُ كَوَندِ تِمَ سَلِدٍيٍ كُي يُدَيَ بْشِ مَ.