1 ﭑ شَنُنتٍنيِيٍ، وٌ نَشَ لَ شَشِلِ بِرِن نَ. وٌ شَ عَ مَتٌ عَ قَنيِ رَ شَ نَ شَشِلِ قَتَنشِ عَلَ نَن نَ، بَرِ مَ وُلٍ قَلّيٍ بَرَ فبٌ دُنِحَ نَشٍيٍ عٍ يّتّ قِندِشِ نَمِحْنمّيٍ رَ. 2 مِشِ نَشَن بِرِن لَشِ عَ رَ عَ عَلَ شَ مِشِ سُفَندِشِ عِسَ بَرَ قَ دُنِحَ مَ عَ عَدَ مَ كِ مَ، وٌ نْمَ نّ عَ كٌلٌندٍ عَ نَ كَنيِ تَن شَشِلِ قَتَنشِ عَلَ نَن نَ. 3 كْنْ مِشِ نَشَن بِرِن مُ لَشِ عِسَ رَ، نَ فبٍ شَشِلِ مُ قَتَنشِ عَلَ رَ، عَ قَتَنشِ عَلَ شَ مِشِ سُفَندِشِ يَشُي نَن نَ، وٌ بَرَ نَشَن مَ قٍ مّ، عَ عَ نَ قَقٍ دُنِحَ مَ. ﭑ شَ عَ قَلَ وٌ بّ، عَ حَن بَرَ قَ.

4 ﭑ مَ دِيٍ، وٌ تَن، عَلَ نَن فبٍ وٌ رَ. وٌ بَرَ نْ نَ نَمِحْنمّ وُلٍ قَلّيٍ رَ، بَرِ مَ عَلَ شَشِلِ نَشَن نَ وٌ قْشْ رَ، نَ سّنبّ فبٌ سٍنتَنّ شَشِلِ بّ نَشَن نَ دُنِحَ مِشِيٍ قْشْ رَ. 5 عٍ تَن دُنِحَ نَن فبٍ عٍ رَ. نَ نَن عَ رَ عٍ وْيّنمَ دُنِحَ كِ مَ، دُنِحَ قَ عٍ شُي سُشُ. 6 كْنْ وٌن تَن، عَلَ نَن فبٍ وٌن نَ. نَ نَن عَ رَ عَلَ كٌلٌنيِيٍ وٌن شُي سُشُمَ. عَلَ كٌلٌنتَرٍيٍ تَن مُ وٌن شُي سُشُمَ. نْندِ شَشِلِ نُن وُلٍ شَشِلِ تَفِ رَ سَمَ نَ كِ نّ.

11 ﭑ شَنُنتٍنيِيٍ، عَلَ تٌ بَرَ وٌن شَنُ نَ كِ، وٌن قَن لَن نّ وٌن شَ وٌن بٌرٍ شَنُ. 12 مِشِ يٌ مُ نَ نَشَن عَلَ تٌشِ، كْنْ شَ وٌن وٌن بٌرٍ شَنُ، عَلَ لُمَ نّ وٌن عِ. عَ شَ شَنُنتٍيَ كَمَلِمَ نّ وٌن عِ.

13 وٌن عَ كٌلٌن وٌن نُن عَلَ نَ عَ رَ، بَرِ مَ عَ بَرَ عَ شَشِلِ قِ وٌن مَ. 14 مُشُ تَن بَرَ عَ تٌ، مُشُ بَرَ قِندِ سٍيدٍ رَ، عَ بَبَ عَلَ عَ شَ دِ شّي نّ دُنِحَ مَ عَدَ مَدِيٍ رَكِسِدٍ. 15 مِشِ نَشَن عَ قَلَمَ عَ عِسَ قِندِشِ عَلَ شَ دِ نَن نَ، نَ كَنيِ نُن عَلَ نَ عَ رَ. 16 وٌن بَرَ عَلَ شَ شَنُنتٍيَ كٌلٌن، وٌن بَرَ لَ عَ رَ. عَلَ قِندِشِ شَنُنتٍيَ نَن نَ. مِشِ نَشَن حّرّ مَ شَنُنتٍيَ كُي، نَ كَنيِ نُن عَلَ نَ عَ رَ.

17 نَ كُي، شَنُنتٍيَ بَرَ كَمَلِ وٌن تَفِ، عَلَكٌ فَاشُي نَشَ لُ وٌن يِ رَ كِيتِسَ لْشْي، بَرِ مَ وٌن بِرَ مَ عِسَ شَ مِسَالِ قْشْ رَ يِ دُنِحَ بّندّ قُحِ قَرِ. 18 فَاشُي مُ لُمَ شَنُنتٍنيِيٍ تَفِ شَ عٍ شَ شَنُنتٍيَ بَرَ كَمَلِ. مِشِ فَاشُمَ حَشَنكَتّ نَن شَ قٍ رَ، كْنْ شَنُنتٍيَ كَمَلِشِ كَنيِ مُ فَاشُمَ. 19 وٌن نْمَ مِشِ شَنُدٍ، بَرِ مَ عَلَ سِنفٍ نَن بَرَ وٌن شَنُ. 20 مِشِ نَشَن عَ قَلَمَ عَ عَلَ شَنُشِ، كْنْ عَ لُمَ مِشِ شْن نَ، نَ كَنيِ بَرَ قِندِ وُلٍ قَلّ رَ. مِشِ نَشَن مُ قَتَ عَ بٌورٍ عَدَ مَدِ شَنُدٍ عَ نَشَن تٌمَ، نَ مُ نْمَ عَلَ شَنُدٍ عَ مُ نَشَن تٌشِ. 21 عَلَ وٌن يَمَرِشِ يِ نَن نَ؛ نَشَن عَلَ شَنُشِ، عَ شَ نُ عَ بٌورٍ عَدَ مَدِ قَن شَنُ.