8
गो आं दाक्शो नु बाक्चा दाक्नुङ
1 आं ममामी इ कली दूध तुंइशो आं लोक्ब नवे हना, इ कली लाङगाम ग्रुमुनु, पुक्पु पङ वा। मिनु सुइमी आं कली मरिम्शो मदेंम वा। 2 मिनु गो इ कली आं ममा आ खिं, आं जरमेसीशो कोठाम चाक्गु वा। मेकेर लाइश्शा ब्रोव़शो मार मार सुप्शो दारीम शांबु तूचा गेङ वा। मेको आं दारीम रे सेल्शो बाक्ब। ठेयब कुम्सो ३:४ 3 मेको आ पेरा गुइ आं पिया आगाम बाक्ब। मिनु मेको आ ग्युरा गुइमी आं कली मुप्शो बाक्ब। 4 ए यरूसलेम ङा तमीपुकी, गो इन कली, अरेनुङ। आंम दाक्चा क्येङा ङोंइती दाक्तीक कली मपोक्कीन। ठेयब कुम्सो २:६-७
आ गोठला कली दाक्तीक सक्ति
5 आंम दाक्शो मुर नु क्येम्सीशा, गोरशो रागी रे जाक्ब सु बाक्बा? गो स्याउ रवा आ पुंमी इन कली सेंताक्ङ। मेकेर इन ममामी इन कली कुरतु। मेकेर इन कली थिचा कली आल थितीक रोइ पाप्तु।
6 आं कली इन थुंमी छाप थोक्शो खोदेंशो पा वोतीन। इन गुइमी यो छाप थोक्शो खोदेंशो पा वोतीन। मारदे हना दाक्तीके, बेक्पाइक्ब खोदेंशो पा सक्ति पाइश्शो बाक्ब। मेको आ दाक्शो तुरस खोदेंशो मटीब नु शुश ब्रशो मी क्येङा यो शुश ब्राइब बाक्ब। मत्ती २२:३०; रोमी ७:२; उत्पत्ती २:२४; मत्ती १९:५-६; एफिसी ५:२८-३३ 7 शुश ब्वाक्कुमी दाक्तीक कली क्याम्ने मचाप्ब। बारशो खोलामी यो मेको कली योल्ने मचाप्ब। सुइ मुरुमी आंम दाक्तीक आ पा ङा खिं नु आ शोंप नेल्ल गेप्तु हना, मुरुमी मेको कली शुक्शी पाइनीम।
आ खिं लेश्शो
8 इं के आइक्च समी का बाक्ब। मेको आ दूध मुल सम्म मबाक्ब। मेको कली ग्युंबे पचा कली पुंइथ जाक्तेक्म हना, गो मार पय? 9 मेको गारो खोदेंशो बाक्त हना, मेको तारी चांदी के दरवार सेल्य वा। मेको लाप्चो खोदेंशो बाक्शो हना, मेको कली लेबानोन ङा लाइश्शो रवा आ फलेकमी सुशा वोइ वा।
10 गो गारो खोदेंशो नङ। मिनु आ दूध लाइश्शो खिं खोदेंशो बाक्ब। मोपतीके गो मेको कली आ थुं नाइक्पाइक्ब दुम्शो बाक्नुङ। 11 सोलोमन के बाल-हामोनमी अङगुर रू का बाक्त। मिनु मेकोम आ रू खाल पाइब मुर आन कली गेवा बाक्त। मिनु मेको बुम्था पाइब नेल्लेमी फल फुल आ पा ङा हजार का चांदी के शेकेल थाप्चा माल्बाक्मा बाक्त। शेकेल का ११.५ ग्राम चांदी के क्येट बाक्ब। 12 तन्न आं के यो अङगुर रू का बाक्ब। ए सोलोमन, मेको हजार का चांदी के शेकेल इन केन बाक्ल। मिनु सहे निक्शी शेकेल चहिं मेको फल फुल खाल पाइब आन के बाक्ल।
आं कली ला माल्शा ब्रेत्तो
13 अङगुर रूमी बाक्ब आं वारचपुकीम इ सेंदा नेंचा दाक्नीम। इ सेंदा आं कली नेंपाइय्यी। 14 आं दाक्शो मुर गे रीब पा मस्ला बाक्शो डांडा ङा किश्श खोदेंशो नु ठिटा रोकोश खोदेंशो दुमो।