Jisas kub kemeidi kumudie maig siraderegeaga
22
(Sapta 22—24)
Judasde Jisas taba ferewarüngab kube gam diferebüre dora idafotuweaga
(Matyu 26.1-5 baba gam tugu Matyu 26.14-16 baba gam tugu Mak 14.1-2 baba gam tugu Mak 14.10-11 baba gam tugu Jon 11.45-53)
1 Kis 12.1-27Bret Yis Kene Keneb Dü Ere, baba dü ere Keriabüde Israelwar eungar nama büren baba utungegibgüdi yanbafaigen, baba taidebüregeaga. 2 Sng 2.2; Lu 20.19; Tu 4.27Bangar kobegegi taba ferewarie kabiab sibam ferewarkeab, ferefinaburure kimgüdi, Jisas orfotuwebüre erekobo fitawen.
3 Mt 26.14; Mk 14.10; Lu 4.13; Jo 13.2; 13.27Bangar Satande Judas gam kobum kaneaga, Judas nu Iskariot yanbawen. Nu daidaigegiwar gürena bede fogo aküre babawarüngab güre. 4 Bangar nu kümüna kobegegi taba ferewarie Keriabüb fatab maraipapangab agferegiwar keab dorageaga. Nu Jisas ninib kube gam diferebüre, erekobo fitawebüregeaga. 5 Sek 11.12Baba ferewar, Judas kegeudi ebebearudi, kegeam gürekoi düneregenangüdi banüm wawen. 6 Bangar Judas ninib doraure iogüdi, Jisas ninib kube gam diferebüre erekobo fitaweaga. Ferefinabur gin ere, güre sese Jisas keab büreregedige baba dagoweaga.
Daidaigegi aküre daba ekotagegin
(Matyu 26.17-25 baba gam tugu Mak 14.12-21 baba gam tugu Jon 13.21-30)
7 Kis 12.1-27Bret yis kene keneb dü ere taideaga. Baba dü gamnana, Dü Keriabüde Israelwar eungar nama büren baba utungebüre, sipsip fara nebüre orfotuweregen. 8 Bangar Jisasde, Pitaie Jonküre sugurungar kümünen, bangüdi nugeküre menüm wangeaga, “Ninaküre kümüna dü ere babab daba sigeab dugutuwane.” 9 Bangar nugekürede totowen, “Na sin kümüna arag dugutuwebüre wasigün?” 10 Bangar menüm wangeaga, “Edenan. Ninaküre fib ere gam taidarba, fere güre yag sumo erekokai kemeieregeaga baba, erekobo gam kaingeregeaga. Ninaküre daiudi kümüna fata iruweaga baba fata gam iruwane. 11 Bangüdi ninaküre fata babab eme menüm wawane, ‘Sibam sarigegide totoneaga, “Fata kurumeb baba arag büreaga? Ye igeab daidaigegiwar keab, dü Keriabüde Israelwar eungar nama büren baba utungegib daba neregenan.” ’ 12 Bangar fata kurumeb ere güre tag tutug, gotogegi kur tutug kekia büreaga baba abatarüngeregeaga. Ninaküre baba fata kurumeb gam daba dugutuwane.” 13 Lu 19.32Bana nugeküre kümünen, bangüdi daba daba Jisasde wangeaga baba sibenana kegewegin. Bangar nugeküre daba dugutuwegin.
Jisasde bret tugu wain mum tugu daidaigegi simai dünügeaga
(Matyu 26.26-30 baba gam tugu Mak 14.22-26 baba gam tugu 1 Korin 11.23-25)
14 Daba negi sese manage taideaga, bangar Jisas tag gam gotogeaga, bangar dora turewegi ferewar tugu nu keab gotogegin. 15 Bangüdi menüm wangeaga, “Dü Keriabüde Israelwar Eungar Nama Büren baba Utungegib Dü Ere gam, nini keab daba negi kürüna mediaga. Bangar kurie ige darab kemeieregün. 16 Lu 13.29; 14.15; Tu 10.41; IDT 19.9Ye wangün, ye daba meme maig neregürge, kümüna baba daba Keriabüb Koroba gam kürüna taidegi sese gamie.”
17 Bangüdi noi wain mum güre düdi, Keriabure esegeaga. Bangüdi wageaga, “Nini meme dibenar ninag kodigo kabatagane. 18 Amure, ye wangün, mügar tugu kuri tugu ye wain mum maig neregürge, kümüna Keriabüb Koroba taideregeaga.” 19 Mt 26.26; Mk 14.22; Lu 24.30; 1 Ko 11.24*Bangüdi bret güre düdi, Keriabure esegeaga. Bangüdi tukaiudi daidaigegi simai dünügüdi wageaga, “Meme igeab mube, ninag sagüngebüre ye dünügün. Nini ye utungebüre bangafaigane.” 20 Jer 31.31-34; 1 Ko 10.16Nifotuwedibere, noi wain mum düdi babanüm kabianana geaga. Menüm wageaga, “Noi wain mum meme kontrak omo igeab kagi gamde idaun. Baba ninag sagüngebüre edogün.* Sibam ferewar gürekoi menüm utungen, dora keneb aküre kodigo büreaga baba dora, Luk nugede feiarge, kurie fere gürede feiaga. 21 Sng 41.9; Mt 26.21-23; Mk 14.18; Jo 13.21-22; 13.26Bangeagako, kegewenan, fere karau toib kube gam difürüyebüregeaga. Baba fere, ye keab tag meme gam gotogeaga. 22 Mt 26.24; Tu 2.23; 4.28Fereb Nono nu, erekobo nub egime Keriabüde uruageaga babanana daiweregeaga. Bangeagako, karau toib kube gam nu difereaga baba fere, nu dabnanai.” 23 Mt 26.22; Jo 13.22; 13.25Daidaigegi simai dora baba edüdi, siradüdi nuge nuge menüm totogen, “Wonide baba kabia gebeaga?”
Daidaigegi simai woni nu agferegi bürebeaga babaure dora maraigegin
24 Mt 18.1; Mk 9.34; Lu 9.46Bana daidaigegi simai woni nu nugengab agferegigüdi dora marai toaden. 25 Mk 10.42-45 Mt 20.25-27; Mk 10.42-44Bangar Jisasde menüm wangeaga, “Ferefinabur gürewarüngab erekokayautoi nini, yanim tutug babaure baba ferefinabur taungen. Bangar baba erekokayau toide sige ferefinabur gam tamari kabia gügab feregüdi, banüm yanim tutug. Bangüdi baba erekokayau toide menüm wagfaigen ferefinabur nini sinib büreasigmana. 26 Mt 23.11; Mk 9.35; Lu 9.48; 1 Pi 5.3Bangeagako, nini bangagana. Fere güre ninag kodigo agferegi büreaga baba, nu fere kuri büregi sibe taideregeaga. Bangar ninagüngab taba fere baba, nu ninag sagüngegi sarua fere sibe büreregeaga. 27 Mt 20.28; Lu 12.37; Jo 13.12-15; Fl 2.7Utungane. Woni nu agferegi? Fere gotogüdi daba neaga babade, ede sarua fere daba orudi ogura duweaga babade? Agferegi baba, fere gotogüdi daba neaga baba, nu gürena. Bangeagako, ye nini kodigo bürün baba, ninag sagüngegi sarua fere sibe bürün.
28 2 Ko 1.7; 2 Ti 2.12; Hi 4.15“Daba daba ye fururebüre tataigeaga baba, nini, ye keab bürenan, bangüdi uriaiarge. 29 Lu 12.32Emügade ninag taungegi fünai siaga banüm gürena, gürewar taungegi fünai yede dünügün. 30 Sng 49.14; Mt 19.28; 1 Ko 6.2; IDT 3.21Yeb koroba gamba, nini tag yeb gam gotogüdi, daba, yag neregenan. Bangüdi kur nama nama gam gotogüdi, Israelwarüngab gin gürena bede fogo aküre taungeregenan.”
Jisasde menüm wageaga, Pitade nuge nige duweregeaga
(Matyu 26.31-35 baba gam tugu Mak 14.27-31 baba gam tugu Jon 13.36-38)
31 Amo 9.9; 2 Ko 2.11; 1 Pi 5.8Bana Jisasde menüm wageaga, “Saimon, edün. Satan ninagüngab kob kainana fururebüre doragafotuweaga, fere wit ina düfotuwebüre wit büraibaraiwafaigen baba sibe. 32 Sng 51.13; Jo 17.9-11; 17.15; 17.20; 21.15-17Bangeagako, ye nag sagünebüre sibdibwafotun, bangar kob kainana nab kürüna fürügeregarge. Bangeagako, kob kainana nagüb fürügarba nag maig pirudi, oguradiba, bana awanmana mabünmana sogifürüngeregün.”
33 Lu 22.54Bangar Pitade menüm waweaga, “Erekokai, ye naküre kakia gam kümünebüre dugutun. Bangüdi naküre kumebüre dugutun.” 34 Mt 26.34; Mk 14.30; Jo 13.38Bangar Jisasde wageaga, “Pita, ye wanün, mügar meme utumnonou kuaida maga ara yogarbere, na küi bede ye sibamgabgegüdi wageregün.”
Jisasde wageaga daidaigegi simai nini kegeamüb far kobar tugu far tugu keime asau tugu deregegin
35 Mt 10.9-10; Mk 6.8-9; Lu 9.3; 10.4Jisasde daidaigegi simai menüm wangeaga, “Nini egime igeab sarua gebüre sugurungun baba sese gam, nini kegeam far, far tugu kebe saguwegi tugu kemegigiraudi kümünarge. Baba sese gam nini daba güreure sigagenande kene?” Bangar wagen, “Kenenai.” 36 Lu 22.49Bangar menüm wangeaga, “Bangeagako, mügar, fere kegeam far tugu baba, deregeaga. Fere far tugu, nudaka deregeaga. Fere keime asau kene baba, nu nugeab enegi kuab kuab sugurudi kegeam düdi, keime asau güre murugeregeaga. 37 Ais 53.12; Lu 22.52Amure, Keriabüb budi gam dora menüm tugu, ‘Nu ferefinaburde fere kogi sibe kegewenwaib.’ Ye wangün, ferefinabur baba kabia ye gam geregen. Amure, daba daba gürenakuti ye gam taidegi Keriabüb budi gam büreaga baba, taideregeaga.” 38 Bangar wagen, “Erekokai, kegewe. Sin keime asau aküre mia büreaga.” Bangar menüm wangeaga, “Baba kainana.”
Jisas Oliv girtorub gam sibdibweaga
(Matyu 26.36-46 baba gam tugu Mak 14.32-42)
39 Lu 21.37; Jo 18.1Bana Jisas fib ere ebgadüdi, Oliv girtorub gam komeaga, nuge bata bata güfaigeaga baba sibe geaga. Bangar daidaigegi simaide daiwen. 40 Mt 6.13; 26.41; Mk 14.38; Lu 22.46Nu baba fib gam taidüdi, menüm wangeaga, “Nini sibdibwane, bangar fururegi nin gam taideregarge.” 41 Bangüdi, uriangüdi kütüb fanam kümüneaga, fere gürede kegenam fotuwar kümüna musuweregeaga babanüm gam sibe kümüneaga. Bangüdi oksosob orudi menüm sibdibweaga, 42 Mt 6.10; Jo 5.30; 6.38“Emüga, na mednarba, ye gam noi meme düfotuwe. Bangeagako, na yeb ututun daiwegena. Kene. Na nagüb ututun gürena daiwe.”
43 *Bangar fib nama gamnab dora dugurewegi güre, nu gam oguradi sogifuruweaga. 44 Jo 12.27; Hi 5.7Jisas mube kubwar, namana sogsogi sibdibweaga. Bangar egig nub, kagi sibe taidüdi kübüdim gam purotoweaga.* Sibam ferewar gürekoi menüm utungen, dora keneb aküre kodigo büreaga baba dora, Luk nugede feiarge, kurie fere gürede feiaga. 45 Nu sibdibwafotudi, siradüdi nugeab daidaigegiwar gam kümüneaga. Bangüdi daidaigegi simai kob kürüna koigüdi kin büren baba kegengeaga. 46 Bangar wangeaga, “Nini amure kinenan? Siradibe sibdibwane. Banaka fururegi nin gam taidar fürügeregenan banai.”
Judasde Jisas karaungab kube gam difereaga
(Matyu 26.47-56 baba gam tugu Mak 14.43-50 baba gam tugu Jon 18.3-11)
47 Mt 26.47; Mk 14.43; Jo 18.3Jisas doragadaiwarbere, fere gin ere oguren. Fere Judas gen baba, nu daidaigegi gürena bede fogo aküre babawarüngab güre, nude erekobo abatarüngeaga. Nu Jisas nur dokwebüre, Jisas iroto ogureaga. 48 Bangeagako, Jisasde menüm totoweaga, “Judas, na Fereb Nono nur dokwebüregün, bangar nab utun baba, baba kabia gamde nu karaungab kube gam diferebüregünde, io?”
49 Lu 22.36Daidaigegiwar Jisas keab büren baba, daba taidebüregeaga baba kegeudi, wagen, “Erekokai, na sin keime asau saka kiangeregenan güdigünde?” 50 Bangar nin kodigo gürede, keime asau düdi kobegegi taba ferewarüngab sarua mogoi oreaga, bangar keime asaude baba sarua mogoib kagub kube namayau katafotuwar musuweaga. 51 Bangeagako, Jisasde kegeudi wageaga, “Kabia baba mügar ebgade.” Bangüdi fere babab kagub gam kube difererar kagub maig namaweaga.
52 Lu 22.37; Jo 7.30; 8.20Bangar Jisasde, kobegegi taba ferewar tugu, Keriabüb fatab maraipapangab agferegiwar tugu, taba ferewar gam tugu, nuge bisigebüre oguren babawar gam dorageaga. Menüm wageaga, “Nini keime asau toi tugu at tugu düdi, fere güre betuka sibe bisigebüre ogurenande, io? 53 Lu 19.47; 21.37; Jo 12.27; Kl 1.13Ye dü itut nin keab Keriabüb fatab gübroime bürünwaib, bangeagako, nini ye gam kube diferarge. Bangeagako mügar meme sese gam, baba ninib sese. Mügar gituwegib sogi erekokaigeaga.”
Pitade wageaga,
nu Jisas sibamgarge
nu Jisas sibamgarge
(Matyu 26.57-58 baba gam tugu Matyu 26.69-75 baba gam tugu Mak 14.53-54 baba gam tugu Mak 14.66-72 baba gam tugu Jon 18.12-18 baba gam tugu Jon 18.25-27)
54 Sng 31.11; Lu 22.33Jisas doragafotuwarbere, bisigüdi igaiudi kümünen. Kobegegi taba fereb fata gam igaiudi kümüna iruwen. Bangar Pitade daingüdi kümüneagako, kütüb fanam büreaga. 55 Fere gürekoi fata babab gübroime keb karaudi, gotogen. Bangar Pita tugu ninkeab gotogeaga. 56 Tu 4.13Sarua finege gürede, Pita keb gam gotogüdi büreaga baba kegeweaga. Bangar sarua finege babade, nu gam agügüdi wageaga, “Baba fere tugu Jisas keab büreaganwaib.” 57 Bangeagako, Pitade kenegüdi wageaga, “Ye nu sibamgürge.” 58 Fanam bururudiba, fere gürede nu kegeudi wageaga, “Na tugu na ninib gin gamnab fere.” Bangeagako, Pitade wageaga, “Kenenai. Ye nub daidaigegige.” 59 Fanam bürbürdüdiba, fere gürede sogsogi menüm wageaga, “Kürüna kainana, nu Galili distriküb fere dogo. Meme fere tugu, nu keab büreaganwaib.” 60 Bangeagako, Pitade wageaga, “Na dora baba gün baba, ye kürüna sibamgürge.” Doragarbere pirikanana kuaida maga yogeaga. 61 Lu 22.34Bangar Erekokaide, Pita gam agügeaga. Bangar Pita, Erekokaide dorageaga baba dora maig utungeaga. Erekokaide Pita menüm waweaganwaib, “Mügar meme utumnonou, kuaida maga ara yogarbere, na küi bede menüm wageregün, na ye sibamgabge.” 62 Bangar Pita obugo füraboudi mereaga.
Jisas kuipariudi oregin
(Matyu 26.67-68 baba gam tugu Mak 14.65)
63 Fere Jisas debetawen baba, makirkir dora dudi oren. 64 Ude saka ege nub gomagataudi menüm totowen, “Mügar, kiari dora dorage. Fere noreaga baba, nu woni?” 65 Bangüdi kogi dora gürekoi epüra duwedige.
Kaunsilwarüngab ege gam, Jisas dora gam diferegin
(Matyu 26.59-66 baba gam tugu Mak 14.55-64 baba gam tugu Jon 18.19-24)
66 Sida taidarbere, ferefinaburüngab taba ferewar ogura guruwegin, kabiab sibam ferewar tugu kobegegi taba ferewar tugu nini keab guruwegin. Bangüdi Jisas igaiudi nugengab guruwegi gam oguradi, wagen, 67 Jo 3.12; 8.45; 10.24“Na wasige, na Keriabüde nugeab ferefinabur maig igaingebüre uruageaga baba ferede, kene?” Bangar wangeaga, “Ye wangürba nini kob kainanageregarge. 68 Ye dora gürekoire totongürba, nini yeb dora maig toweregarge. 69 Tu 7.56; Hi 1.3; 8.1Bangeagako, mügar tugu kuri sese gürenakuti tugu, Fereb Nono nu Keriab sogi ere tugub kube namayau gotogeregeaga.”
70 Lu 4.3; 4.9Bangar fere gürenakutide totowen, “Babaure nagüde, nag Keriabüb nonode, io?” Bangar wangeaga, “Ninagüde ba wagenan. Ye dogo.” 71 Bangar wagen, “Fere memeb kabiab dora pitoiegi ferewar yagüngegige. Dora baba, sube nugeabüde doragar sige edfotuwenan.”
22:1 Kis 12.1-27
22:2 Sng 2.2; Lu 20.19; Tu 4.27
22:3 Mt 26.14; Mk 14.10; Lu 4.13; Jo 13.2; 13.27
22:5 Sek 11.12
22:7 Kis 12.1-27
22:13 Lu 19.32
22:16 Lu 13.29; 14.15; Tu 10.41; IDT 19.9
22:19 Mt 26.26; Mk 14.22; Lu 24.30; 1 Ko 11.24
22:20 Jer 31.31-34; 1 Ko 10.16
*22:20 Sibam ferewar gürekoi menüm utungen, dora keneb aküre kodigo büreaga baba dora, Luk nugede feiarge, kurie fere gürede feiaga.
22:21 Sng 41.9; Mt 26.21-23; Mk 14.18; Jo 13.21-22; 13.26
22:22 Mt 26.24; Tu 2.23; 4.28
22:23 Mt 26.22; Jo 13.22; 13.25
22:24 Mt 18.1; Mk 9.34; Lu 9.46
22:25 Mk 10.42-45
22:25 Mt 20.25-27; Mk 10.42-44
22:26 Mt 23.11; Mk 9.35; Lu 9.48; 1 Pi 5.3
22:27 Mt 20.28; Lu 12.37; Jo 13.12-15; Fl 2.7
22:28 2 Ko 1.7; 2 Ti 2.12; Hi 4.15
22:29 Lu 12.32
22:30 Sng 49.14; Mt 19.28; 1 Ko 6.2; IDT 3.21
22:31 Amo 9.9; 2 Ko 2.11; 1 Pi 5.8
22:32 Sng 51.13; Jo 17.9-11; 17.15; 17.20; 21.15-17
22:33 Lu 22.54
22:34 Mt 26.34; Mk 14.30; Jo 13.38
22:35 Mt 10.9-10; Mk 6.8-9; Lu 9.3; 10.4
22:36 Lu 22.49
22:37 Ais 53.12; Lu 22.52
22:39 Lu 21.37; Jo 18.1
22:40 Mt 6.13; 26.41; Mk 14.38; Lu 22.46
22:42 Mt 6.10; Jo 5.30; 6.38
22:44 Jo 12.27; Hi 5.7
*22:44 Sibam ferewar gürekoi menüm utungen, dora keneb aküre kodigo büreaga baba dora, Luk nugede feiarge, kurie fere gürede feiaga.
22:47 Mt 26.47; Mk 14.43; Jo 18.3
22:49 Lu 22.36
22:52 Lu 22.37; Jo 7.30; 8.20
22:53 Lu 19.47; 21.37; Jo 12.27; Kl 1.13
22:54 Sng 31.11; Lu 22.33
22:56 Tu 4.13
22:61 Lu 22.34
22:67 Jo 3.12; 8.45; 10.24
22:69 Tu 7.56; Hi 1.3; 8.1
22:70 Lu 4.3; 4.9