92
1 Manè pôi Chuaq aih bìac dìq jaq lem,
calêu padèch hiniq Ìh aih bìac dìq jaq troq, Ôi Chuaq Ma Yi Ha'nhèq.
2 'màng aih daxroq nhèn anoi 'noh can xa-ŏch xam manoh loq waq da Chuaq;
wa jò daxèq anoi 'noh bìac loq wèq dèh bàu da Ìh;
3 broq nhŏc xam ranac lia 10 hadrang caxi wa xam ranac broc;
hadai broq nhŏc jah rawêh ranac cràu.
4 Ma jah 'màng aih Ìh, Chuaq ôi, bìac broq da Ìh,
khoi broq ca manoh au bùi, rìm bìac broq da tì Ìh broq ca au jah calêu padràu.
5 Ô Chuaq! Bìac da Ìh càn caiq dìq jaq.
Manoh hèm da Ìh jrùq dìq jaq.
6 Mangai awàt ùh nui hèm,
wa mangai blùng ùh 'nì loq bìac cô:
7 'nhac ca mangai dù plôh tìah ca nhat,
wa mangai broq tôiq jah padrŏng can,
aih teo đòiq wì haq jah 'bìq jêh đac hloi hloi.
8 Mahaq Ìh, Chuaq ôi, toq Ìh raq Chuaq ŏi ha'nhèq hloi hloi.
9 Waiq Chuaq, ngan cô wì mangai ma tagit ca Ìh,
ngan cô wì mangai ma tajraq hlài ca Ìh jah 'bìq jêh đac,
wa 'bài mangai broq tôiq èh 'bìq cadàu tac mac.
10 Mahaq Chuaq khoi broq ca aki da au jah dèch ha'nhèq, tìah ca aki 'bo brì,
au khoi jah xùt xam dàu neo.
11 Mat au jah hnoq mangai ma tagit ca au,
au hadai khoi tàng bàu da mangai dù tajraq ca au.
12 Mangai ta-atoq jah yòng càn tìah ca long rêq,
jah hon dêh bu dàng long hùang nam ta Liban.
13 Wì haq jah pìt ta hnem Chuaq,
jah yòng càn ta xàn hnem Boc Plình da bèn.
14 'Nhac ca khoi craq xôq ŏi loh plì,
jah tadêh tadon wa xenh hla.
15 Đòiq jah doi Chuaq, Haq lem jang,
Haq raq hmu xèm da au, ta haq ùh i cleq ùh ta-atoq.