36
Xinoi da Êsau
1 Cô xinoi da Êsau, aih Êđôm.
2 Êsau yŏc piq toq mai, dìq 'bài con cadrì gùng Ca-na-an: Ađa, con cadrì Êlon, mangai Hêtit; Ô-hô-li-ba-ma, con cadrì Ana, xau pah miq da Xi-bê-ôn, mangai Hêwit. 3 Haq hadai yŏc Ba-sê-mat, con cadrì Ich-ma-ên, wa oh cadrì da Nê-ba-jôt.
4 Ađa xa-ông ca Ê-li-pha. Ba-sê-mat xa-ông Ruên. 5 Khoi èh, Ô-hô-li-ba-ma xa-ông ca Jêut, Jalam wa Côra. Cô 'bài con calô da Êsau khoi xa-ông ta gùng Ca-na-an.
6 Êsau 'nong dèh 'bài mai, 'bài con calô, con cadrì, wa dìq ca mangai ta hnem haq, 'bài ngè aban, wa cùng hang cla haq khoi broq loh ŏi ta gùng Ca-na-an, lam ta gùng 'noiq, hangai ca Jacôp, oh haq. 7 Ma jah 'màng aih, taiq wa oh daq cô i bàc cùng hang, calùh ngè aban bàc, gùng wa ma 'nang ŏi aih pi tôm tàu taneh abèq, 'màng aih wa pi jah ŏi pajùm. 8 'Màng aih, Êsau ŏi ta wang Sirò. Êsau aih Êđôm.
9 Cô xinoi Êsau, baq da wì mangai Êđôm ŏi ta wang Sirò.
10 Cô hiniq 'bài con calô Êsau:
Ađa, mai haq xa-ông ca Ê-li-pha. Ba-sê-mat hadai mai haq, xa-ông ca Ruên.
11 Con calô da Ê-li-pha, aih:
Têman, Ôma, Xêphô, Gatam wa Kêna.
12 Timna, mai yang da Ê-li-pha, xa-ông ca A-ma-lec, aih xau Ađa, mai Êsau.
13 Cô con calô da Ruên:
Nahat, Xêra, Samah, Michxa. Aih 'bài xau da Ba-sê-mat, mai da Êsau.
14 'Bài mangai cô con calô da Ô-hô-li-ba-ma, mai Êsau:
Con cadrì da Ana, xau pah miq Xi-bê-ôn.
Haq xa-ông ca Jêut, Jalam wa Côra ca Êsau.
Craq Broq Gàu ta Êđôm
15 'Bài xau da Êsau wìh wìa craq broq gàu,
aih 'bài con calô Ê-li-pha, con calô ramua da Êsau:
Craq Têman, craq Ôma, craq Xêphô, craq Kêna, 16 craq Côra, craq Gatam wa craq A-ma-lec. Aih 'bài craq broq gàu loh enh Ê-li-pha wa Ađa ŏi ta gùng Êđôm.
17 Cô 'bài con calô da Ruên, con Êsau:
Craq Nahat, craq Xêra, craq Samah wa craq Michxa. Aih mangai broq gàu da Ruên ŏi ta gùng Êđôm. Wì haq 'bài con calô Ba-sê-mat, mai Êsau.
18 Cô 'bài con calô da Ô-hô-li-ba-ma, mai Êsau, con Ana:
Craq Jêut, craq Jalam wa craq Côra.
19 Aih 'bài con calô da Êsau, aih Êđôm wa dìq ca craq broq gàu.
'Bài Con Calô da Sirò
20 Cô 'bài con calô da Sirò, mangai Hôrit, wì ta gùng aih:
'Bài da Lôthan, da Sôban, da Xi-bê-ôn wa da Ana, 21 Đisôn, Êxe wa Đisan. Wì aih craq broq gàu da con jàn Hôrit, con calô da Sirò ŏi ta gùng Êđôm.
22 'Bài con calô da Lôthan, aih:
Hôri wa Hêman. Oh cadrì da Lôthan, aih Timna.
23 'Bài con calô da Sôban, aih:
Anwan, Ma-na-hat, Êban, Shêphô wa Ônam.
24 'Bài con calô da Xi-bê-ôn, aih:
Aija wa Ana. Aih mangai khoi chaq hnoq diac tamŏc tôq ta nòi braih càn, jò haq ban lùa da baq haq, aih Xi-bê-ôn.
25 'Bài con calô da Ana, aih:
Đisôn wa con cadrì haq Ô-hô-li-ba-ma.
26 'Bài con calô da Đisôn, aih:
Hemđan, Êchban, Itran wa Kêran.
27 'Bài con calô da Êxe, aih:
Binhan, Xawan wa Acan.
28 'Bài con calô da Đisan, aih:
Uxò wa Aran.
29 Cô 'bài craq broq gàu da xinoi jàn Hôrit:
Lôthan, Sôban, Xi-bê-ôn wa Ana, 30 Đisôn, Êxe wa Đisan. Aih 'bài craq broq gàu da xinoi jàn Hôrit ŏi ta gùng Sirò.
'Bài Bùa da Gùng Êđôm
31 Cô hiniq 'bài bùa khoi wèq cwìang gùng Êđôm adroi ca jò jàn Is-ra-ên i bùa wèq cwìang:
32 Bêla, con calô da Bêô, wèq cwìang gùng Êđôm. Hiniq da phôq haq, aih Đin-ha-ba.
33 Jò bùa Bêla cachìt, Jôbap, con calô Xêra, mangai Bôxra thai haq.
34 Jò bùa Jôbap cachìt, Husam, mangai enh gùng da wì jàn Têman thai haq.
35 Jò bùa Husam cachìt, Hađat, con calô da Bêđat, thai haq. Bùa cô raq ma jêh 'blêq jàn Ma-đi-an ta đùng Moap. Hiniq phôq haq, aih Awit.
36 Jò bùa Hađat cachìt, Samla, mangai Ma-rê-cah, thai haq.
37 Jò bùa Samla cachìt, Saulò, mangai Rê-hô-bôt ŏi kenh Cròng Diac U-phra-tê, thai haq.
38 Jò bùa Saulò cachìt, Ba-an Hanan, con calô Atbô, thai haq.
39 Jò bùa Ba-an Hanan, con calô Atbô cachìt, Hađa thai haq. Hiniq phôq da haq, aih Pau. Mai haq Mê-hê-ta-bên, con cadrì da Matrêt, con cadrì Mê-xa-hap.
40 Cô hiniq 'bài craq broq gàu da Êsau, tiaq dèh cadraq wa nòi ŏi. Hiniq wì haq 'màng cô:
Timna, Anwa, Jêthêt, 41 Ô-hô-li-ba-ma, Êla, Pinon, 42 Kêna, Têman, Mipxa, 43 Mac-đi-ên wa Iram.
Dìq dŏng 'bài craq broq gàu cô da Êđôm, xinoi da Êsau, tiaq nòi wì.