Η Καινή Διαθήκη ΚΑΤΑ ΛΟΥΚΑΝ 10

1 Μετὰ δὲ ταῦτα ἀνέδειξεν ὁ κύριος ⸀καὶ*ἑτέρους ἑβδομήκοντα ⸀δύο†καὶ ἀπέστειλεν αὐτοὺς ἀνὰ δύο ⸁δύο‡πρὸ προσώπου αὐτοῦ εἰς πᾶσαν πόλιν καὶ τόπον οὗ ἤμελλεν αὐτὸς ἔρχεσθαι. 2 ἔλεγεν ⸀δὲ§πρὸς αὐτούς· Ὁ μὲν θερισμὸς πολύς, οἱ δὲ ἐργάται ὀλίγοι· δεήθητε οὖν τοῦ κυρίου τοῦ θερισμοῦ ὅπως ⸂ἐργάτας ἐκβάλῃ* εἰς τὸν θερισμὸν αὐτοῦ. 3 ὑπάγετε· ⸀ἰδοὺ†ἀποστέλλω ὑμᾶς ὡς ἄρνας ἐν μέσῳ λύκων. 4 μὴ‡βαστάζετε βαλλάντιον, μὴ πήραν, ⸀μὴ ὑποδήματα, καὶ μηδένα κατὰ τὴν ὁδὸν ἀσπάσησθε. 5 εἰς ἣν δʼ ἂν ⸂εἰσέλθητε οἰκίαν§ πρῶτον λέγετε· Εἰρήνη τῷ οἴκῳ τούτῳ. 6 καὶ ἐὰν ⸂ᾖ ἐκεῖ* υἱὸς εἰρήνης, ἐπαναπαήσεται ἐπʼ αὐτὸν ἡ εἰρήνη ὑμῶν· εἰ δὲ μήγε, ἐφʼ ὑμᾶς ἀνακάμψει. 7 ἐν αὐτῇ δὲ τῇ οἰκίᾳ μένετε, ἐσθίοντες καὶ πίνοντες τὰ παρʼ αὐτῶν, ἄξιος γὰρ ὁ ἐργάτης τοῦ μισθοῦ ⸀αὐτοῦ† μὴ μεταβαίνετε ἐξ οἰκίας εἰς οἰκίαν. 8 καὶ εἰς ἣν ἂν πόλιν εἰσέρχησθε καὶ δέχωνται ὑμᾶς, ἐσθίετε τὰ παρατιθέμενα ὑμῖν, 9 καὶ θεραπεύετε τοὺς ἐν αὐτῇ ἀσθενεῖς, καὶ λέγετε αὐτοῖς· Ἤγγικεν ἐφʼ ὑμᾶς ἡ βασιλεία τοῦ θεοῦ. 10 εἰς ἣν δʼ ἂν πόλιν ⸀εἰσέλθητε‡καὶ μὴ δέχωνται ὑμᾶς, ἐξελθόντες εἰς τὰς πλατείας αὐτῆς εἴπατε· 11 Καὶ τὸν κονιορτὸν τὸν κολληθέντα ἡμῖν ἐκ τῆς πόλεως ὑμῶν ⸂εἰς τοὺς πόδας§ ἀπομασσόμεθα ὑμῖν· πλὴν τοῦτο γινώσκετε ὅτι ⸀ἤγγικεν*ἡ βασιλεία τοῦ θεοῦ. 12 λέγω ὑμῖν ὅτι Σοδόμοις ἐν τῇ ἡμέρᾳ ἐκείνῃ ἀνεκτότερον ἔσται ἢ τῇ πόλει ἐκείνῃ.

13 Οὐαί σοι, Χοραζίν· οὐαί σοι, Βηθσαϊδά· ὅτι εἰ ἐν Τύρῳ καὶ Σιδῶνι ⸀ἐγενήθησαν†αἱ δυνάμεις αἱ γενόμεναι ἐν ὑμῖν, πάλαι ἂν ἐν σάκκῳ καὶ σποδῷ ⸀καθήμενοι‡μετενόησαν. 14 πλὴν Τύρῳ καὶ Σιδῶνι ἀνεκτότερον ἔσται ἐν τῇ κρίσει ἢ ὑμῖν. 15 καὶ σύ, Καφαρναούμ, ⸂μὴ ἕως οὐρανοῦ ὑψωθήσῃ§; ἕως ⸀τοῦ*ᾅδου ⸀καταβιβασθήσῃ†

16 Ὁ ἀκούων ὑμῶν ἐμοῦ ἀκούει, καὶ ὁ ἀθετῶν ὑμᾶς ἐμὲ ἀθετεῖ· ὁ δὲ ἐμὲ ἀθετῶν ἀθετεῖ τὸν ἀποστείλαντά με.

17 Ὑπέστρεψαν δὲ οἱ ἑβδομήκοντα ⸀δύο‡μετὰ χαρᾶς λέγοντες· Κύριε, καὶ τὰ δαιμόνια ὑποτάσσεται ἡμῖν ἐν τῷ ὀνόματί σου. 18 εἶπεν δὲ αὐτοῖς· Ἐθεώρουν τὸν Σατανᾶν ὡς ἀστραπὴν ἐκ τοῦ οὐρανοῦ πεσόντα. 19 ἰδοὺ ⸀δέδωκα§ὑμῖν τὴν ἐξουσίαν τοῦ πατεῖν ἐπάνω ὄφεων καὶ σκορπίων, καὶ ἐπὶ πᾶσαν τὴν δύναμιν τοῦ ἐχθροῦ, καὶ οὐδὲν ὑμᾶς οὐ μὴ ⸀ἀδικήσῃ* 20 πλὴν ἐν τούτῳ μὴ χαίρετε ὅτι τὰ πνεύματα ὑμῖν ὑποτάσσεται, χαίρετε δὲ ὅτι τὰ ὀνόματα ὑμῶν ⸀ἐγγέγραπται†ἐν τοῖς οὐρανοῖς.

21 Ἐν αὐτῇ τῇ ὥρᾳ ἠγαλλιάσατο ⸀τῷ‡πνεύματι ⸂τῷ ἁγίῳ§ καὶ εἶπεν· Ἐξομολογοῦμαί σοι, πάτερ κύριε τοῦ οὐρανοῦ καὶ τῆς γῆς, ὅτι ἀπέκρυψας ταῦτα ἀπὸ σοφῶν καὶ συνετῶν, καὶ ἀπεκάλυψας αὐτὰ νηπίοις· ναί, ὁ πατήρ, ὅτι οὕτως ⸂εὐδοκία ἐγένετο* ἔμπροσθέν σου. 22 ⸀πάντα†μοι παρεδόθη ὑπὸ τοῦ πατρός μου, καὶ οὐδεὶς γινώσκει τίς ἐστιν ὁ υἱὸς εἰ μὴ ὁ πατήρ, καὶ τίς ἐστιν ὁ πατὴρ εἰ μὴ ὁ υἱὸς καὶ ᾧ ⸀ἐὰν‡βούληται ὁ υἱὸς ἀποκαλύψαι.

23 Καὶ στραφεὶς πρὸς τοὺς μαθητὰς κατʼ ἰδίαν εἶπεν· Μακάριοι οἱ ὀφθαλμοὶ οἱ βλέποντες ἃ βλέπετε. 24 λέγω γὰρ ὑμῖν ὅτι πολλοὶ προφῆται καὶ βασιλεῖς ἠθέλησαν ἰδεῖν ἃ ὑμεῖς βλέπετε καὶ οὐκ εἶδαν, καὶ ἀκοῦσαι ἃ ἀκούετε καὶ οὐκ ἤκουσαν.

25 Καὶ ἰδοὺ νομικός τις ἀνέστη ἐκπειράζων ⸀αὐτὸν§λέγων· Διδάσκαλε, τί ποιήσας ζωὴν αἰώνιον κληρονομήσω; 26 ὁ δὲ εἶπεν πρὸς αὐτόν· Ἐν τῷ νόμῳ τί γέγραπται; πῶς ἀναγινώσκεις; 27 ὁ δὲ ἀποκριθεὶς εἶπεν· Ἀγαπήσεις κύριον τὸν θεόν σου ἐξ ὅλης ⸀τῆς*καρδίας σου καὶ ⸂ἐν ὅλῃ τῇ ψυχῇ† σου καὶ ⸂ἐν ὅλῃ τῇ ἰσχύϊ‡ σου καὶ ⸂ἐν ὅλῃ τῇ διανοίᾳ§ σου, καὶ τὸν πλησίον σου ὡς σεαυτόν. 28 εἶπεν δὲ αὐτῷ· Ὀρθῶς ἀπεκρίθης· τοῦτο ποίει καὶ ζήσῃ.

29 Ὁ δὲ θέλων ⸀δικαιῶσαι*ἑαυτὸν εἶπεν πρὸς τὸν Ἰησοῦν· Καὶ τίς ἐστίν μου πλησίον; 30 ὑπολαβὼν ⸀δὲ†ὁ Ἰησοῦς εἶπεν· Ἄνθρωπός τις κατέβαινεν ἀπὸ Ἰερουσαλὴμ εἰς Ἰεριχὼ καὶ λῃσταῖς περιέπεσεν, οἳ καὶ ἐκδύσαντες αὐτὸν καὶ πληγὰς ἐπιθέντες ἀπῆλθον ἀφέντες ⸀ἡμιθανῆ‡ 31 κατὰ συγκυρίαν δὲ ἱερεύς τις κατέβαινεν ἐν τῇ ὁδῷ ἐκείνῃ, καὶ ἰδὼν αὐτὸν ἀντιπαρῆλθεν· 32 ὁμοίως δὲ καὶ ⸀Λευίτης§κατὰ τὸν τόπον ἐλθὼν καὶ ἰδὼν ἀντιπαρῆλθεν. 33 Σαμαρίτης δέ τις ὁδεύων ἦλθεν κατʼ αὐτὸν καὶ ⸀ἰδὼν*ἐσπλαγχνίσθη, 34 καὶ προσελθὼν κατέδησεν τὰ τραύματα αὐτοῦ ἐπιχέων ἔλαιον καὶ οἶνον, ἐπιβιβάσας δὲ αὐτὸν ἐπὶ τὸ ἴδιον κτῆνος ἤγαγεν αὐτὸν εἰς πανδοχεῖον καὶ ἐπεμελήθη αὐτοῦ. 35 καὶ ἐπὶ τὴν ⸀αὔριον†ἐκβαλὼν ⸂δύο δηνάρια ἔδωκεν‡ τῷ πανδοχεῖ καὶ ⸀εἶπεν§ Ἐπιμελήθητι αὐτοῦ, καὶ ὅ τι ἂν προσδαπανήσῃς ἐγὼ ἐν τῷ ἐπανέρχεσθαί με ἀποδώσω σοι. 36 ⸀τίς*τούτων τῶν τριῶν πλησίον δοκεῖ σοι γεγονέναι τοῦ ἐμπεσόντος εἰς τοὺς λῃστάς; 37 ὁ δὲ†εἶπεν· Ὁ ποιήσας τὸ ἔλεος μετʼ αὐτοῦ. εἶπεν ⸀δὲ αὐτῷ ὁ Ἰησοῦς· Πορεύου καὶ σὺ ποίει ὁμοίως.

38 ⸂Ἐν δὲ‡ τῷ πορεύεσθαι ⸀αὐτοὺς§αὐτὸς εἰσῆλθεν εἰς κώμην τινά· γυνὴ δέ τις ὀνόματι Μάρθα ὑπεδέξατο ⸀αὐτὸν* 39 καὶ τῇδε ἦν ἀδελφὴ καλουμένη ⸀Μαριάμ† ἣ καὶ ⸂παρακαθεσθεῖσα πρὸς‡ τοὺς πόδας τοῦ ⸀Ἰησοῦ§ἤκουεν τὸν λόγον αὐτοῦ. 40 ἡ δὲ Μάρθα περιεσπᾶτο περὶ πολλὴν διακονίαν· ἐπιστᾶσα δὲ εἶπεν· Κύριε, οὐ μέλει σοι ὅτι ἡ ἀδελφή μου μόνην με ⸀κατέλειπεν*διακονεῖν; ⸀εἰπὲ†οὖν αὐτῇ ἵνα μοι συναντιλάβηται. 41 ἀποκριθεὶς δὲ εἶπεν αὐτῇ ὁ ⸀κύριος‡ Μάρθα Μάρθα, μεριμνᾷς καὶ ⸀θορυβάζῃ§περὶ πολλά, 42 ⸂ὀλίγων δέ ἐστιν χρεία ἢ ἑνός*· ⸂Μαριὰμ γὰρ† τὴν ἀγαθὴν μερίδα ἐξελέξατο ἥτις οὐκ ἀφαιρεθήσεται ⸀αὐτῆς‡

*10:1 καὶ Treg RP ] – WH NA28

†10:1 ⸀δύο WH NA28 ] – Treg RP

‡10:1 ⸁δύο WH NA28 ] – Treg RP

§10:2 δὲ WH Treg NA28 ] οὖν RP

*10:2 ἐργάτας ἐκβάλῃ WH Treg NA28 ] ἐκβάλῃ ἐργάτας RP

†10:3 ἰδοὺ WH Treg NA28 ] + ἐγὼ RP

‡10:4 μὴ WH Treg NA28 ] μηδὲ RP

§10:5 εἰσέλθητε οἰκίαν WH Treg NA28 ] οἰκίαν εἰσέρχησθε RP

*10:6 ᾖ ἐκεῖ Treg RP ] ἐκεῖ ᾖ WH NA28

†10:7 αὐτοῦ WH Treg NA28 ] + ἐστίν RP

‡10:10 εἰσέλθητε WH Treg NA28 ] εἰσέρχησθε RP

§10:11 εἰς τοὺς πόδας WH Treg NA28 ] – RP

*10:11 ἤγγικεν WH Treg NA28 ] + ἐφʼ ὑμᾶς RP

†10:13 ἐγενήθησαν WH Treg NA28 ] ἐγένοντο RP

‡10:13 καθήμενοι WH Treg NA28 ] καθήμεναι RP

§10:15 μὴ ἕως οὐρανοῦ ὑψωθήσῃ WH Treg NA28 ] ἡ ἕως τοῦ οὐρανοῦ ὑψωθεῖσα RP

*10:15 τοῦ WH Treg NA28 ] – RP

†10:15 καταβιβασθήσῃ Treg RP ] καταβήσῃ WH NA28

‡10:17 δύο WH NA28 ] – Treg RP

§10:19 δέδωκα WH Treg NA28 ] δίδωμι RP

*10:19 ἀδικήσῃ NA28 RP ] ἀδικήσει WH Treg

†10:20 ἐγγέγραπται WH Treg NA28 ] ἐγράφη RP

‡10:21 τῷ WH Treg RP ] ἐν τῷ NA28

§10:21 τῷ ἁγίῳ WH Treg NA28 ] ὁ Ἰησοῦς RP

*10:21 εὐδοκία ἐγένετο WH Treg NA28 ] ἐγένετο εὐδοκία RP

†10:22 πάντα WH Treg NA28 ] Καὶ στραφείς πρός τούς μαθητάς εἶπεν πάντα RP

‡10:22 ἐὰν NA28 RP ] ἂν WH Treg

§10:25 αὐτὸν WH NA28 ] + καὶ Treg RP

*10:27 τῆς Treg NA28 RP ] – WH

†10:27 ἐν ὅλῃ τῇ ψυχῇ WH Treg NA28 ] ἐξ ὅλης τῆς ψυχῆς RP

‡10:27 ἐν ὅλῃ τῇ ἰσχύϊ WH Treg NA28 ] ἐξ ὅλης τῆς ἰσχύος RP

§10:27 ἐν ὅλῃ τῇ διανοίᾳ WH Treg NA28 ] ἐξ ὅλης τῆς διανοίας RP

*10:29 δικαιῶσαι WH Treg NA28 ] δικαιοῦν RP

†10:30 δὲ RP ] – WH Treg NA28

‡10:30 ἡμιθανῆ WH Treg NA28 ] + τυγχάνοντα RP

§10:32 Λευίτης WH Treg ] + γενόμενος NA28 RP

*10:33 ἰδὼν WH NA28 ] + αὐτὸν Treg RP

†10:35 αὔριον WH Treg NA28 ] + ἐξελθών RP

‡10:35 δύο δηνάρια ἔδωκεν WH Treg RP ] ἔδωκεν δύο δηνάρια NA28

§10:35 εἶπεν WH Treg NA28 ] + αὐτῷ RP

*10:36 τίς WH NA28 ] + οὖν Treg RP

†10:37 δὲ WH Treg NA28 ] οὖν RP

‡10:38 Ἐν δὲ WH Treg NA28 ] Ἐγένετο δὲ ἐν RP

§10:38 αὐτοὺς WH NA28 ] + καὶ Treg RP

*10:38 αὐτὸν NA28 ] αὐτὸν εἰς τὴν οἰκίαν WH; αὐτὸν εἰς τὸν οἶκον αὐτῆς Treg RP

†10:39 Μαριάμ WH NA28 ] Μαρία Treg RP

‡10:39 παρακαθεσθεῖσα πρὸς WH Treg NA28 ] παρακαθίσασα παρὰ RP

§10:39 Ἰησοῦ RP ] κυρίου WH Treg NA28

*10:40 κατέλειπεν WH Treg RP ] κατέλιπεν NA28

†10:40 εἰπὲ Treg NA28 RP ] εἰπὸν WH

‡10:41 κύριος WH NA28 ] Ἰησοῦς Treg RP

§10:41 θορυβάζῃ WH Treg NA28 ] τυρβάζῃ RP

*10:42 ὀλίγων δέ ἐστιν χρεία ἢ ἑνός WH ] ἑνὸς δέ ἐστιν χρεία Treg RP NA28

†10:42 Μαριὰμ γὰρ WH NA28 ] Μαρία δὲ Treg RP

‡10:42 αὐτῆς WH NA28 ] ἀπʼ αὐτῆς Treg RP