125
Bab-Dummad e-dulemargi nakulediid
We-namaked, Jerusalénʼse-nakwe-nadapir, namakleged.
1 Dulemar Bab-Jehováʼgi-bensurmalad Sión-yalayobi gued.
Sión-yala degisadegu sii guoed, bipisaale ainirosulid.
2 Igi yarmar Jerusalén-ebirbukwananae,
deyobi, Bab-Jehová e-dulemar-edarbedii degisadegu gumogoed.
3 Dulemar-isgana, dule-nueganga degisadegu negsemai guosulid,
adi, melle dule-nuegan ibmar-isganamarse binsaed galemalagar.
4 Bab-Jehováʼye, dule-nueganga ibmar-nuegan be imake.
Dule-gwage-swilidikmaladga ibmar-nuegan be imake.
5 Bab-Jehováʼye, dule igar-isganaba-naddamaladdi,
dule-isganamarba bergued be imakmoga.
¡Israel-yargi neg-bogidikid nai be imaksun!