3
Juguye pe yɛn mala maga,
Yɛnŋɛlɛ na shɔ
Yɛnŋɛlɛ na shɔ
1 Davidi Yɛnŋɛlɛ gbɔgɔyurugo, sanga ŋa ni wìla pye na fee mbe shɔ wi pinambyɔ Abisalɔmu wi kɛɛ† 3.1: 2 Sami 15.13–17.23.
2 Yawe Yɛnŋɛlɛ, na juguye pè lɛgɛ dɛ!
Lelɛgɛrɛ yiri na kɔrɔgɔ.
3 Lelɛgɛrɛ pe yɛn naga yuun na kanŋgɔlɔ fɔ:
«Yɛnŋɛlɛ li soo shɔ.»
Wɔnmatigiwɛn laga.
† 3.3: Ŋga kì yo fɔ wɔnmatigiwɛn laga, Eburuye sɛnrɛ ti ni, ki sɛnpyɔ wowi ŋa: Sela. Ki sɛnpyɔ wi kɔrɔ wi woro ma jɛn ma filige; ɛɛn fɔ ki kɔrɔ wi mbe ya pye fɔ mbe yarigbɔnrɔ ti yerege jɛnri mbege yaga yurugo kɔgɔ ko na, nakoma mbe yurugo ki yerege jɛnri mbege yaga yarigbɔnrɔ ti gbɔngɔ ko na. 4 Ɛɛn fɔ mboro wo na Yawe Yɛnŋɛlɛ, ma yɛn paa na tugurɔn sigeyaraga yɛn nala go singi.
Mboro ma yɛn na gbɔgɔwɔ pi tago ye,
màla yɔlɔgɔ ki yirige caw.
5 Mi ka gbele ŋgbanga mbe Yawe Yɛnŋɛlɛ li yeri lilan saga,
mbeli ta wa li yanwiga kpoyi ki na, li mala yɔn sogo.
Wɔnmatigiwɛn laga.
6 Mi ma sinlɛ ma wɔnlɔ;
mi ma yɛn ma yiri, katugu Yawe Yɛnŋɛlɛ lì tɔgɔ na ni.
7 Janwa gbɔlɔ na lì gbogolo mala maga lagapyew mbe to na na,
mi woro na fyɛ li yɛgɛ.
8 Yawe Yɛnŋɛlɛ, yiri!
Na Yɛnŋɛlɛ, na shɔ!
Katugu màla juguye pe ni fuun pe feele pe mbateere ti na,
mà poro mbele lepeele pe ŋgangala ke kaari.
9 Yawe Yɛnŋɛlɛ, mboro ma maa leele pe shoo;
ki yaga ma duwaw ma woolo pe na!
Wɔnmatigiwɛn laga.
†3:1 3.1: 2 Sami 15.13–17.23
†3:3 3.3: Ŋga kì yo fɔ wɔnmatigiwɛn laga, Eburuye sɛnrɛ ti ni, ki sɛnpyɔ wowi ŋa: Sela. Ki sɛnpyɔ wi kɔrɔ wi woro ma jɛn ma filige; ɛɛn fɔ ki kɔrɔ wi mbe ya pye fɔ mbe yarigbɔnrɔ ti yerege jɛnri mbege yaga yurugo kɔgɔ ko na, nakoma mbe yurugo ki yerege jɛnri mbege yaga yarigbɔnrɔ ti gbɔngɔ ko na.