1 Sanga ŋa ni Izirayɛli woolo pàa yiri wa Ezhipiti tara,

sanga ŋa ni poro Zhakɔbu setirige piile pàa yiri wa ki cɛnlɛ woolo mbele nambanmbala pe sɔgɔwɔ† 114.1: Ɛki 12.51;

2 Zhuda tara tìla kanŋga ma pye we Fɔ wi cɛnsaga kpoyi,

a Izirayɛli tara tì pye wi tara.

3 Naa kɔgɔje wìla Yɛnŋɛlɛ li woolo pe yan sanga ŋa ni, a wì si fe ma wɔ wa,

a Zhuridɛn gbaan tɔnmɔ pì sɔngɔrɔ puŋgo na† 114.3: Ɛki 14.21; Zhozu 3.16.

4 Yanwira tìla pye na yeni na kanni paa simbapɛnɛ yɛn,

a tinndiye paa yeni na kanni paa simbapiile yɛn.

5 Kɔgɔje, mboro wo feŋgala ma wɔ wa?

Zhuridɛn gbaan, mboro wo sɔngɔrɔkala puŋgo na?

6 Yanwira, yoro yewile kala na kanni paa simbapɛnɛ yɛn?

Tinndiye, yoro yewile kala na kanni paa simbapiile yɛn?

7 Tara, mboro mbaa seri Yawe Yɛnŋɛlɛ li yɛgɛ sɔgɔwɔ,

maa seri Zhakɔbu Yɛnŋɛlɛ li yɛgɛ sɔgɔwɔ!

8 Lo na li ma walaga ki kanŋga mbege pye lambaaga,

mbe waliŋguŋgo ki kanŋga mbege pye pulugo† 114.8: Ɛki 17.1-7; Nɔmbu 20.2-13.