20
Yɛnŋɛlɛ yɛnrɛwɛ
wunlunaŋa wi kan
jaŋgo wi cew ta wa malaga ki ni
wunlunaŋa wi kan
jaŋgo wi cew ta wa malaga ki ni
1 Yurukɔɔlɔ to wi sɛwɛ yurugo. Davidi Yɛnŋɛlɛ gbɔgɔyurugo.
2 Yawe Yɛnŋɛlɛ lɔɔn yɔn sogo wunlunaŋa, ma nandangawa pilige ki na!
Zhakɔbu Yɛnŋɛlɛ† 20.2: Zhakɔbu Yɛnŋɛlɛ: Ko kɔrɔ wo yɛn fɔ Izirayɛli woolo pe Yɛnŋɛlɛ le. lo jate laa ma go singi!
3 Mbeli ta wa li cɛnsaga kpoyi ki ni, li pan lɔɔn saga!
Li pan lɔɔn tɔgɔ, mbeli ta wa Siyɔn yanwira ti na we!
4 Li jatere wi koro ma yarikanra ti ni fuun ti na,
li yɛnlɛ ma saraga sogoworo ti na!
Wɔnmatigiwɛn laga.
5 Ŋga maa jaa wa ma kotogo na, ligi kan ma yeri!
Kagala ŋgele fuun mà kɔn ma tɛgɛ mbe pye, li ke yɔn ma kan!
6 Kona we yaa yɔgɔri ma cew tawa pi wogo na,
we yaa we dirapo wi yirige wa naayeri mbe we Yɛnŋɛlɛ li mɛgɛ ki gbɔgɔ.
Ŋga fuun maa yɛnri Yawe Yɛnŋɛlɛ li yeri, ligi pye ma kan!
7 Mìgi jɛn koni ma yo lere ŋa Yawe Yɛnŋɛlɛ lì sinmɛ kpoyi wo wi na maa wɔ, li maa shɔ;
mbeli ta wa li cɛnsaga kpoyi ki ni wa yɛnŋɛlɛ na, li ma wi yɛnrɛwɛ pi logo,
li yaa wi shɔ li yawa gbɔɔ pi fanŋga na.
8 Pele ma pe jigi wi taga pe malaga gbɔnwotoroye poro na,
pele ma pe jigi wi taga pe malaga gbɔnshɔnye poro na;
ɛɛn fɔ woro wo na, wè we jigi wi taga Yawe Yɛnŋɛlɛ, we Yɛnŋɛlɛ li mɛgɛ ko na.
9 Poro wo na, pe yɛn na gbali na woo na tuun;
ɛɛn fɔ woro wo na, we yɛn yeresaga ma koro ma yere kpanw.
10 Yawe Yɛnŋɛlɛ, cew kan wunlunaŋa wi yeri!
Na waga wi yeri wi we saga sanga ŋa ni, wi we yɔn sogo!