23
Yɛnŋɛlɛ yɔn sɛnrɛ nda tìla yo
Tiri naa Sidɔn cara ti wogo na
Tiri naa Sidɔn cara ti wogo na
1 Sɛnŋgbanra nda tìla yo Tiri† 23.1: Tiri naa Sidɔn cara tìla pye Fenesi tara ti cagbɔrɔ shyɛn to ta. Ki cara tìla pye wa kɔgɔje wi yɔn na. Tɔnmɔkɔɔrɔ yeresara la pye wa ki cara ti ni fun. Lelɛgɛrɛ tɔnmɔkɔɔrɔ tugbɔɔrɔ la pye na paan wa yarilɛgɛrɛ ni. ca ki wogo na.
Yoro Tarisisi ca tɔnmɔkɔɔrɔ tugbɔɔrɔ, yaa yuŋgbɔgɔrɔ gbelege gbele,
katugu Tiri ca kì tɔngɔ!
Yinrɛ woro wa naa, tɔnmɔkɔɔrɔ yeresaga woro wa naa!
Pe yirisanga wi ni wa Shipiri lɔgɔ fugo tara ti ni ma pan, pàa ki sɛnrɛ ti yo pe kan.
2 Yoro kɔgɔje yɔn tara fɛnnɛ, ye pyeri fyɛrɛ ti kala na,
yoro Sidɔn ca safari wafɛnnɛ, ye pyeri,
yoro mbele ye pitunmbolo pe maa yanri na kee na paan wa kɔgɔje wi na.
3 Yariluguro nda pàa pye na nuru wa Nili gbaan wi yɔn na,
ki yarilire nda pàa pye na kɔɔn wa gbaan wi yɔn na,
to tìla pye Sidɔn ca fɛnnɛ pe yarijɛndɛ tawa pi go ye.
Pe ca ko kìla pye cɛngɛlɛ sanŋgala ke safari wasaga ye.
4 Mboro Sidɔn ca, ki yala fɛrɛ mbɔɔn yigi,
mboro ŋa ma yɛn kɔgɔje yɔn tara cagbɔgɔ ŋga ki yɛn fanŋga ni we;
katugu pa kɔgɔje wì yo yɛɛn fɔ:
«Mi si selara yama jɛn, mi fa pyɔ se;
mi si pinambiile koro,
nakoma mbe sumborombiile gbegele† 23.4: Ki sɛnrɛ nda ti kɔrɔ wo yɛn fɔ Fenesi tara fɛnnɛ pe se ka yarijɛndɛ ta naa tunŋgo ŋga paa piin wa kɔgɔje wi ni ki fanŋga na. Lagamɛ pè kɔgɔje wi taanla jɛlɛ ŋa pè pɔri wa ni, katugu ki leele pàa pye naga sɔnri ndɛɛ kɔgɔje wi yɛn pe cɛnlɛ woolo pe jɔ..»
5 Na Ezhipiti tara fɛnnɛ paga ki sɛnrɛ ti logo,
na paga Tiri ca tolo wogo ki logo,
pe yaa la seri fyɛrɛ ti kala na.
6 Ye kɔgɔje wi kɔn ye kari wa Tarisisi ca,
yoro kɔgɔje yɔn tara woolo, yaa yuŋgbɔgɔrɔ gbelege gbele!
7 Ye ca ŋga kìla pye yɔgɔrimɔ ni, ko ki cɛn yɛɛn gbari?
Ki ca ŋga kì kan maga lɛ wa fafafa wa;
ca ŋga ki woolo pàa pye na tanri na kee fɔ lege,
ma saa yinrɛ kan ma cɛn wa cɛngɛlɛ kele yɛgɛ go na fanŋga na.
8 Ambɔ wìgi kala na li kɔn mali tɛgɛ Tiri ca ki mɛgɛ ni ma?
Ca ŋga kìla pye na wunluwɔ njagala ke kaan we,
ko ŋga ki safari wafɛnnɛ pàa pye na jate paa fanŋga fɛnnɛ yɛn,
ko ŋga ki pɛrɛfɛnnɛ pàa pye mɛgbɔgɔ fɛnnɛ laga dunruya wi ni we.
9 Yawe Yɛnŋɛlɛ na yawa pi ni fuun fɔ lo lìgi kala na li kɔn mali tɛgɛ,
jaŋgo mbe leele mbele pe maa pe yɛɛ gbogo, mbe pe yɛɛ gbɔgɔwɔ pi kɔ,
mbe legbɔɔlɔ mbele fuun pe yɛn laga dunruya wi ni pe tirige.
10 Yoro Tarisisi ca fɛnnɛ, ye yiri yaa ye tara ti fali,
paa yɛgɛ ŋga na Ezhipiti tara fɛnnɛ pe maa Nili gbaan yɔn tara ti fali we;
katugu tɔnmɔkɔɔrɔ yeresaga woro wa ye yeri naa.
11 Yawe Yɛnŋɛlɛ lì li kɛɛ ki yirige kɔgɔje wi na,
li yɛn na wunluwɔ tara pyew ti tigile.
Lì konɔ kan leele pele yeri ma yo pe Kana tara fɛnnɛ† 23.11: Fenisi tara fɛnnɛ pàa pye Kana tara fɛnnɛ poro pele (Zhenɛ 10.15), wagati wa ni, pàa pye na safari wafɛnnɛ pe yinri fun Kana tara fɛnnɛ. pe malaga sigeyinrɛ ti jaanri.
12 Lì yo fɔ: «Yoro Sidɔn ca woolo, ye se ka yɔgɔri naa,
yoro mbele ye yɛn paa sumboro naŋambajɛɛn yɛn, ŋa pè sinlɛ wi ni fanŋga na.
Ye yiri ye kɔgɔje wi kɔn ye kari wa Shipiri lɔgɔ fugo tara ti ni, ye sa cɛn wa,
ɛɛn fɔ ali mbe ye ta wa ki laga ki na, ye se wogosaga ta.»
13 Ye Kalide tara fɛnnɛ pe tara ti wele,
pe cɛnlɛ lì kɔ ma wɔ wa.
Asiri tara fɛnnɛ pège laga ki shɔ maga pye yanyaara ti cɛnsaga.
Pè lugusara gbegele ma Babilɔni ca mbogo ki maga,
ma pe wunluwɔ yinrɛ ti jaanri, mari pye kataga.
14 Yoro Tarisisi ca tɔnmɔkɔɔrɔ tugbɔɔrɔ, yaa yuŋgbɔgɔrɔ gbelege gbele,
katugu pè ye malaga sigeca ki jaanri.
15 Ko wagati wo ni, leele pe yaa ka fɛgɛ Tiri ca ki na, fɔ sa gbɔn yɛlɛ nafa taanri ma yiri kɛ; ko yɛn wunlunaŋa nuŋgba yinwege yɛgɛlɛ yɔn. Na ki yɛgɛlɛ nafa taanri ma yiri kɛ ke ka ka ke yɛɛ yɔn fili, Tiri ca kala li yaa ka pye paa nanjaa ŋa wi sɛnrɛ ti yo wa yurugo ki ni, ma yo fɔ:
16 «Mboro nanjaa ŋa leele pè fɛgɛ ma kala,
ŋgɔni wa lɛ maa ca ki mari.
Maa ŋgɔni wi gbɔɔn jɛŋgɛ, maa yuuro lɛgɛrɛ koo,
jaŋgo nambala pe ta pe nawa to ma na naa.»
17 Na yɛgɛlɛ nafa taanri ma yiri kɛ ke ka ka toro mbe kɔ, pa Yawe Yɛnŋɛlɛ li yaa jatere pye Tiri ca ki na naa. Pa ca ki yaa sɔngɔrɔ naa, mbaa ki penjara mbasinnde woro ti taa; ki yaa ka koro mbaa nanjara piin wunluwɔ tara ti ni fuun ti ni laga tara ti na. 18 Ɛɛn fɔ ki tɔnli wo naa ki yaritara nda ti yɛn fyɔngɔ woro, ti yaa ka tɛgɛ ti yɛ Yawe Yɛnŋɛlɛ li kan. Pe se kari gbogolo ti yɛɛ na, pe se si kari tɛgɛ naa. Mbele pe yɛn na tunŋgo piin Yawe Yɛnŋɛlɛ li yɛgɛ sɔgɔwɔ, ti yaa ka pye poro woro, jaŋgo paa yaakara taa paa tinni, konaa paa yaripɔrɔ tiyɔnrɔ taa paa nii.
†23:1 23.1: Tiri naa Sidɔn cara tìla pye Fenesi tara ti cagbɔrɔ shyɛn to ta. Ki cara tìla pye wa kɔgɔje wi yɔn na. Tɔnmɔkɔɔrɔ yeresara la pye wa ki cara ti ni fun. Lelɛgɛrɛ tɔnmɔkɔɔrɔ tugbɔɔrɔ la pye na paan wa yarilɛgɛrɛ ni.
†23:4 23.4: Ki sɛnrɛ nda ti kɔrɔ wo yɛn fɔ Fenesi tara fɛnnɛ pe se ka yarijɛndɛ ta naa tunŋgo ŋga paa piin wa kɔgɔje wi ni ki fanŋga na. Lagamɛ pè kɔgɔje wi taanla jɛlɛ ŋa pè pɔri wa ni, katugu ki leele pàa pye naga sɔnri ndɛɛ kɔgɔje wi yɛn pe cɛnlɛ woolo pe jɔ.
†23:11 23.11: Fenisi tara fɛnnɛ pàa pye Kana tara fɛnnɛ poro pele (Zhenɛ 10.15), wagati wa ni, pàa pye na safari wafɛnnɛ pe yinri fun Kana tara fɛnnɛ.