51
Hea’a Uurana
1 Eaubada e, u nuatoatoaegu em gadosisi miatahitahina debana eai,
em nuatoatoa lailai didigana debana eai egu awayagara bena u saugabaedi.
2 Girugu bena u deurigabaei
eo egu baaea arinai oa bena u hea’agu!
3 Paana egu awayagara abidi ea ata’o,
eo egu baaea hinage huia gamagari eau matagu eai i totoro.
4 Oa, oabom, ea hebaaeam,
saha i baaea oa matam eai, meta ea ginauriyao,
arinai em riba se dudurai ariri,
eo em hesanapu ribana nige abahegiruna.
5 Mamohoi baaea boeana eai se labasigu,
eo baaea eai hinage sinagu i abigu.
6 Hedeomi, oa u henua bena ao mamohoi eau nuagu eai;
arinai nuagu eamuyamuina eai bena sonoga oa u heatagu.
7 Hyssop arinai u hea’agu, eau hinage abo arinai ea a’a;
oa u deurigu, abo ea posiposi ariri abotai snow.
8 Kode eo nualolo arinai oa u hemonaugu;
siada wa oa u hetagodudi abo se kodelamposi.
9 Egu baaea bena u hetauyamuidi oa matam eai,
agu giru gamagarina bena u saugabaei.
10 Eaubada e, nua a’a oa u hetubu eau nuagu eai,
earua harihariuna eo duduraina u tore nuaboeagu eai.
11 Oa matam eai tabu u gabahesuaragu
eo em Earua Tabuna tabu u abihai arigu eai.
12 Em abihemauri kodena bena oa u leamauioi,
eo earua awaabina bena i bouisinigu.
13 Abotai tauawayagara em laulau abo ea heatadi,
eo tatao baabaaeadi abo se sinibui oa arim eai.
14 Eaubada e, osina giruna arinai bena oa u saguhaigu,
oa Eaubada egu mauri paana,
eo memenagu oa em abihemauri abo i wana helai.
15 Guiau e, sopagu oa u dabaridi,
eo awagu aihelahuim abo i hemasaraha.
16 Paana aitalasam taba nige oa i hekodem;
ena aitalasam gabugabuna ea leawa, taba nige nuam i lolo.
17 Aitalasam esega wa Eaubada i henua aririei iaede nua tamotamogoruna,
nua tamotamogoruna, dobidobina, Eaubada e, taba nige u isuewaei.
18 Em nualolo debana eai Siona bena oa u helolo;
Ierusalema ganana abo u hetorouioidi,
19 abotai aitalasam duduraidi debadi eai abo u nuawoiwoina,
aitalasam gabugabudi eo aitalasam gabugabudi maudoidi;
bulumakau abo se heaitalasamdi em aitalasam hatahatana eai.