1  Tayta Diosmi rasunpa rayga.

Llapan nasyun runacunapis sicsicyachun.

Paypaga jamananpis caycan querubín anjilcuna caycashanchömi.

Intëru cay pachapis sicsicyachun.* Éxo. 25.18–22; 1Sam. 3.3; Sal. 80.1; Isa. 37.16

2 Sionchöga Tayta Dios fiyupa munayniyojmi.

Tayta Diosga cay pachacho caj marcacunata llapantami munaynincho chararaycan.

3 Manchacuypaj, jatun munayniyoj Tayta Diosta alabay-llapa.

¡Tayta Diosga pasaypa santumi!

4 Gammi munayniyoj ray canqui Tayta Dios.

Allita ruraj cajta cuyanqui.

Gammi camacächishcanqui llapanpis iwal cananpaj.

Israel runacuna caycashanchöga gammi alli cajta rasun cajta rurashcanqui.

5 ¡Tayta Diosninchïta alabay-llapa!

¡Paypa ñaupanman llapaniqui gongurpacuy!

¡Tayta Diosga santumi!

6 Aaronwan Moisés cürancuna caran.

Samuelnami caran Tayta Diosta mañacoj.

Paycuna mañacuptin Tayta Diosnami yanapaj.

7 Paycunatami Tayta Diosga willaparan pucutay ichiraycajpita.* Éxo. 33.9

Paycunanami cumliran imata rurananpäpis willapashancunata. Laynincunatapis sumaj yachacuran.

8  Tayta Dios paycunataga mañacushuptiqui gam wiyarayquimi.

Paycunata perdunaj Diosmi carayqui.

Mana allita rurajcunatami ichanga castigarayqui.

9 ¡Tayta Diosninchïta alabay-llapa!

¡Paypa rispitädu jirca puntancho gongurpacuy-llapa!

¡Tayta Diosga pasaypa santumi!