Namba
6
Tokolkatien koa pris keil asani min meatin keil
Namba 6:22-27
22 Iahova viteni min Mosis vit, 23 “Navong Eron ka natnali keitel telhesan tokolkatien min me-Isrel keil, keitel telhehiteni hemukok telhehit,
24 ‘Iahova hetokol kat kami ka helei kat kami.
25 Iahova hetahos min kami ka more envatien onen hel ven kami.
26 Iahova helele hetahos en kami ka hesan tomat onen hel ven kami.’
27 “Ka munak keitel telhesan tokolkatien min me-Isrel keil en isok, anatin eli, inau nitokol kat keil.”
Me-Isrel keil vasi umai ka metai keil one asan sanien votut keil min Iahova. Evus, Ahi vis Mosis helei kan koakeil amul en vatiamal onen Livae keke imai ikataun pris keil. Navong kei mumoni evus, amumon Anien ten Mul Laui. Koanek vi sua tai kati koa amemea ran out Isip. Evus, mahmah onen Ahi mea ka mulamun keil uva en out tai vesesal en out Kenan.