1 Iahova viteni mun min Mosis vit, “Kihise tumali Eron ka natnali keil telhemai: Natab, Apihu, Eliesar, ka Itamar. Kilei kan keil ran me-Isrel sav keil keke keil umon umen onak isuval pris keil. 2 Kumon eisin omon Eron koa tahos imok, hevinvin ven umen onen pris tai koa hesakin meatin keil ihouhou mini. 3 Ka kihise ruain koakeil koa nasan meteisau ten tatitilien min keil, imai itili eisin omon. Hevus, kiling hem en Eron hetie lati keke hekur umen onak hesuval pris tai onak.”