1 Padawoneka cinthu cakudabwisa kudzulu. Mkazi akhadabvala dzuwa, m'minyendo yace ikhadaponda pamwezi ndipo mumsolo mwace akhana ntsinga-msolo ya umambo yomwe ikhana nyenyezi khumi na ziwiri* Jen 37:9. 2 Iye akhana pathupi ndipo akhambakuwa na kuwawidwa, nakuti akhali pafupi kubala† Mik 4:10. 3 Pamwepo kudzulu kudawoneka cinthu cinango cakudabwisa. Pakhana nyangumi‡ Nyangumi: MuciPutikizi ambati: “Dragão”. mkulu mufuira akhana misolo minomwe (7) na nyanga khumi (10), akhadabvala ntsinga-msolo za umambo§ Mucirewedwe ca ciPutikizi ambati: “Coroa”. zinomwe (7) m'misolomo. 4 Adakwekweta na mcira wace cipande cibodzi ca bzipande bzitatu bza nyenyezi** Dan 8:10 za kudzulu, adazithusa padziko la pantsi. Ndipo Nyangumiyo adakhala patsogolo pa Mkazi ule omwe akhali pafupi kubala, kuti akabala am'khadzulire mwanayo. 5 Iye adabala mwana wacimuna†† Iza 66:7, omwe an'dzatonga madziko‡‡ Mas 2:9 yentse na mpsimbo ya utale. Ndipo mwanayo adadzompholedwa aciyendesedwa kuna Mulungu mpaka kumpando wace wa umambo. 6 Ndipo mkazi adathawira kucidambo, kumbuto yomwe Mulungu akhadam'kondzera mkaziyo, kuti kumweko akakhongobzedwe m'kati mwa ntsiku culu na madzana mawiri na makumi manomwe (1.260).

7 Pamwepo padadzawoneka nkhondo kudzulu. Migeri§§ Dan 10:13,21; 12:1; Jud 1:9 na anju zace adamenyana na Nyangumi, ndipo Nyangumimbo na anju zace adabwezera. 8 Tsono Nyangumi na anju zace adakundidwa, na tenepo adaluza mbuto yawo kudzulu. 9 Nyangumi mkulu adathusidwa kunja. Iye ndiye nyoka yakale yakucemeredwa Dyabu ayai Sathani omwe ambapumpsa dziko la pantsi lentse. Iye na anju zace adathusidwa padziko la pantsi.

10 Pamwepo ndidabva fala lamphambvu kudzulu, lakuti:

13 Pomwe Nyangumi adathusidwa padziko la pantsi, adayamba kufambira m'mbuyo Mkazi ule omwe adabala mwana wacimuna. 14 Mkaziyo adapasidwa maphapidwe mawiri ya mphungu ikulu, kuti iye akwanise kumbuluka kuyenda kumbuto yomwe akhadakondzeredwa mucidambo, komwe angadakhongobzedwa mkati mwa magole matatu (3) na miyezi mitanthatu (6)††† MuBibliya la Almeida mudanembedwa kuti: “Um tempo, tempos e metade de um tempo”. Nyang'anani kuna Cid 11:2. , kucitira kuti Nyoka ire ireke kumuwona. 15 Pamwepo Nyokayo idacosa madzi ninga mkulo pamulomo payene, kuti yakafike kuna Mkazi ule ndipo yakamuyererese. 16 Pamwepo mataka yadathandiza Mkazi ule, yadafungula mulomo yacikhudyula mkulo omwe Nyangumi adacosa pamulomo pace. 17 Nyangumi adakalipisidwa na Mkazi ndipo adacoka acikacita nkhondo na bzizukulu bza Mkazi ule bzomwe bzikhadasala, bzomwe bzikhateweza mitemo ya Mulungu ndipo bzikhakhulupirika pa umboni bwa Jezu.

18 Pamwepo Nyangumi adaimirira mumcenga wa m'nyandza.