15
Jezu na mwambo wa ciJuda
(Mko 7:1-23)
1 Pamwepo adabwera kuna Jezu afalizi anango na adziwi wa Mtemo, kucokera kuJerusalema, acimubvundza kuti: 2 “Thangwe ranyi wakupfundzira wanu alikuchola mwambo wa makolo? Pakuti ambasamba* Kuti mudziwisise fala lakuti kusamba, wonani mulivu la Mko 7:3 lini m'manja pakudya!”
3 Jezu adatawira kuti: “Ni thangwe ranyi imwepo mumbachola bzakutonga bza Mulungu muciteweza mwambo wanu? 4 Na tenepo Mulungu adati: ‘Lemekeza baba wako na mai wako’ † Eks 20:12; Deu 5:16 ndipo ‘Wakunyoza baba wace ayai mai wace bzin'funika kuti aphedwe’‡ Eks 21:17; Lev 20:9. 5 Tsono imwepo mumbatsimikiza kuti penu winango anirewa baba wace ayai mai wace kuti: ‘Thandizo lirirentse lomwe imwepo mukhafuna kutambira kuna ine ni cakupereka kwa Mulungu’, 6 iye an'kakamizidwa lini pomwe ‘kulemekeza baba wace’.§ Bzakunemba na manja bza kale bzinango bzimbathimizira kuti: “Ayai mai wace”. Na tenepoyo mwanyozera fala la Mulungu, thangwe ra mwambo wanu. 7 Imwe wacipha-maso! M'polofita Izaiya adalewa bwino mafala ya Mulungu thangwe ra imwe, pomwe adati:
8 “ ‘Mbumba imweyi imbandiremekeza na miromo,
tsono mitima yawo iri kutali na Ine.
9 Ambandipemba mwakusaya basa,
pakuti ambapfundzisa mitemo yakucokera
kwa wanthu ninga ni yangu’** Iza 29:13”.
10 Ndipo Jezu adacemera m'thithi acirewa kuti: “Bvani ndipo bvesesani. 11 Comwe cin'pita na pamulomo ndico lini ‘cimbasvipisa’ munthu, tsono comwe cimbacoka pamulomo pace cimweco ndico ‘cimbam'svipisa’ ”.
12 Pamwepo wakupfundzira adafendera kuna Iye acimuuza kuti: “Mun'dziwa kuti afalizi adakalipa pomwe adabva bzimwebzire?”
13 Iye adatawira kuti: “Muti uli wentse omwe Baba wangu wakudzulu alibe kuubzala un'dzazulidwa. 14 Asiyeni iwo, ni atsogoleri azimola†† Bzakunemba na manja bzakale bzinango bza kale bzimbalewa kuti ni azimola wakutsogolera azimola.. Penu zimola an'tsogolera zimola mwandzace, awiriwo an'gwera m'dindi”.
15 Pamwepo Pedru adam'kumbira kuti: “Tifotokozereni m'fananizo ule”.
16 Jezu adawabvundza kuti: “Kodi imwepo mukanati kubvesesa? 17 Mulikubvesesa lini kuti comwe cin'pita pamulomo ciniyenda m'mimba ndipo patsogolo pace cimbakataidwa kuthengo? 18 Tsono bzinthu bzomwe bzimbacoka pamulomo bzimbacokera mum'tima, ndipo ni bzimwebzi bzomwe ‘bzimbasvipisa’ munthu. 19 Pakuti mum'tima mumbacoka ndzeru zakuipa, kuphana, upombo, malume ya pamphasa, kuba, umboni bwakunama na kunyoza. 20 Bzinthu bzimwebzi ndibzo ‘bzimbasvipisa’ munthu. Tsono kudya alibe kusamba m'manja ‘kunimusvipisa’ lini”.
Mkazi wa kuKanani
(Mko 7:24-30)
21 Ndipo Jezu atacoka kumweko, adayenda kumbali ya Tiro na Sidoni. 22 Mkazi m'bodzi waciKanani, mbadwe yakumweko, adabwera kuna iye acimbakuwa kuti: “Mbuya, Mwana wa Davidi, ndibvereni ntsisi! Mwana wangu ana ciwanda ndipo ali kubonera kwene-kwene”.
23 Tsono Jezu alibe kumutawira fala. Pamwepo wakupfundzira wace adamufenderera acimukumbira kuti: “Muuzeni ayende, nakuti alikubwera mbuyo mwathu acimbakuwa”.
24 Iye adatawira kuti: “Ine ndatumidwa kuna aIjirayeri okha omwe ali ninga mabira yakutaika”.
25 Mkaziyo adabwera, adam'godamira acim'pemba adati: “Mbuya, ndithandizeni!”
26 Iye adatawira kuti: “Ni bwino lini kucosa pau za wana, ucithusira tunkhanda”.
27 Tsono mkaziyo adati: “Inde, Mbuya, tsono mpaka tunkhanda tumbadya mbvululu zomwe zimbagwa pakudyera mbuya watwene”.
28 Jezu adatawira kuti: “Mkaziwe cikhulupiriro cako ni cikulu! Bzicitike ninga momwe un'funira”. Ndipo nthawe imweireletu mwana wace adalimbisidwa.
Kutupisa pau kaciwiri
(Mko 8:1-10)
29 Jezu adacoka kumweko aciyenda m'mphepete mwa nyandza ya Galireya. Patsogolo pace adakwira paphiri acikhala. 30 Mthithi ukulu udayenda kuna Iye, adatakula wakupunduka, wakulemala, azimola, mabewewe na anango atenda azinji, aciwaikha m'minyendo mwace. Ndipo Iye adawacirisa. 31 Mbumba idadabwisidwa pomwe adawona mabewewe acirewa-lewa, wakulemala kulimbisidwa, wakupunduka acifamba ndipo azimola aciwona. Ndipo adatumbiza Mulungu wa Ijirayeri.
32 Jezu adacemera wakupfundzira wace aciwauza kuti: “Ndina ntsisi na mthithiyu. Palikupita ntsiku zitatu iwo ana Ine ndipo alibe cakudya. Nin'funa lini kuwayendesa na njala, thangwe angadzakomoke panjira”.
33 Wakupfundzira wace adatawira kuti: “Tiniziwona kuponi pau m'thengo muno, zomwe zin'kwana wanthu wentsenewa?”
34 Jezu adawabvundza kuti: “Muna pau zingasi?”
Iwo adatawira kuti: “Zinomwe na ntsomba zinango”.
35 Iye adauza mthithi kuti ukhale pantsi. 36 Patsogolo pace adatenga pau zinomwezire na ntsomba acitenda Mulungu, adaigwata aciipereka kuna wakupfundzira wace ndipo iwo adapasa mbumba. 37 Wentse adadya acikhuta. Ndipo adakhongobza bzakusala bzitundu bzinomwe bzakudzala. 38 Omwe adadya akhali amuna bzulu bzinai (4,000), pakusaya kulewenga akazi na wana. 39 Ndipo atamala kugonekana na mthithi, Jezu adapakira m'bote aciyenda kumbali ya Magadani.