Amasyʉ aga gikʉfuma kwa Jesu, ʉjʉ alɨ nɨ Mbepo ihaano na ibɨlɨ ɨsya Kyala,* 3:1 ƗMbepo ihaano na ibɨlɨ ɨsya Kyala Kokʉtɨ Mbepo Mwikemo. Bala kalata gwa Ʉbʉsetʉli 1:4, 16. nɨ ndondwa ihaano na ibɨlɨ: Nsimeenye ɨmbombo syɨnu. Abandʉ bikʉtɨ mulɨ nʉ bʉʉmi, looli mufwile. 2 Lembʉka! Nyingi syagiilwe kʉmyɨnu, na ɨsi mulɨ nasyo silɨ kɨfuki ʉkʉmalɨka! Po musitendekesye kanunu, paapo ngwaga ɨsi mukʉbomba sikafika muno Kyala gwangʉ ikʉlondela. 3 Lɨɨlɨno mukʉmbʉke ɨmanyisyo ɨsi mwalyambɨliile nʉ kʉsipɨlɨka. Musikole nʉ kʉpɨndʉka. Looli lɨnga mutikʉja maaso, ngwisa kʉmyɨnu bo ʉlwa nhɨɨji. Po mukabagɨla ʉkʉkamanya akabalɨlo aka ngwisa kʉmyɨnu.

4 Looli abandʉ banandɨ baliko ʉko kʉ Saliti, aba bakiinyasya mbʉtʉlanongwa. Abo bo aba bikwisa kwendaga pamopeene na niine bo bafwele ɨmyenda ɨmyelu, paapo babagiisye. 5 Ʉjʉ ikʉsitola ɨngelo, ikwisa kʉfwala ɨmyenda ɨmyelu. Ʉne andikʉjɨsoosyamo sikʉ ɨngamu jaake mwa kalata ʉgwa bʉʉmi,† 3:5 Kalata ʉgwa bʉʉmi jo kalata ʉjʉ Kyala asimbile ɨngamu ɨsya bandʉ aba bikwambɨlɨla ʉbʉʉmi bwa bwila na bwila. Bala kalata gwa Ʉbʉsetʉli 20:11-15. looli angʉjɨjoba ɨngamu jaake nkyeni mwa Taata na mbandʉmi baake.

6 Ʉjʉ alɨ nɨ mbʉlʉkʉtʉ, jo apɨlɨkege ɨsi Mbepo Mwikemo ikʉfibʉʉla ɨfipanga fya Kyala.”

Amasyʉ aga gikʉfuma kwa Jesu, ʉMwikemo, kangɨ gwa bwanalooli, ʉjʉ alɨ nɨ kiigʉlɨlo ɨkya bʉlagɨli ʉbwa malafyale Ndaabɨti.‡ 3:7 Ndaabɨti Bala kʉ Ɨsyakʉlɨngaania. Ʉmwene jo ʉjʉ lɨnga iigwile akajako ʉgwa kwigala, kangɨ lɨnga iigeele akajako ʉgwa kwigʉla. 8 Nsimeenye ɨmbombo syɨnu. Keeta, mbabɨɨkiile ʉlwigi ʉlʉ lʉlɨ bwasi nkyeni mmyɨnu, ʉlʉ akajako ʉjʉ abagiile ʉkwigala. Mmeenye mukaja na maka mingi, looli mulɨkolile iisyʉ lyangʉ, kangɨ mukajɨkaana ɨngamu jangʉ. 9 Namupɨlɨkɨsye! Ngʉbatwalɨla ʉmwe abandʉ baa Seetano, aba bikwijoba ʉkʉtɨ bandʉ baa Kyala,§ 3:9 Abandʉ baa Kyala NKɨgiliki bikʉtɨ ABajuuta. looli bakaja bo ʉlo. Ngʉbapela ʉkʉtɨ biise kʉkʉfugama nkyeni mmyɨnu, nʉ kʉmanya ʉkʉtɨ mbaganile. 10 Paapo mulɨkolile iisyʉ lyangʉ nʉ kʉʉmɨɨlɨla, niine ngʉbalɨndɨlɨla, musookemo nkabalɨlo akaa ngʉbɨlo, aka kasegeliile ʉkwisa kʉkʉbagela abandʉ abaa pakiisʉ kyosa.

11 Ngwisa nakalɨnga. Mukole fiijo aka mulɨ nako, ʉmundʉ angiisa kʉnyaka ɨngɨga syɨnu ɨsya bʉtwa. 12 Ʉjʉ ikʉsitola ɨngelo, angʉmmbɨɨka ʉkʉja mbanda mu tempeli* 3:12 Ɨtempeli Bala kʉ Ɨsyakʉlɨngaania. ɨjaa Kyala gwangʉ. Atiisakʉsookamo ʉmo sikʉ. Kʉlɨ ʉjo, angʉsimba ɨngamu jaa Kyala gwangʉ, nɨ ngamu ɨjaa kaaja akaa Kyala gwangʉ. Akaaja ako akapya jo Jelusalemu ʉMpya,† 3:12 Jelusalemu ʉMpya Bala kʉ Ɨsyakʉlɨngaania. aka aakikʉsuluka ʉkʉfuma kʉmwanya kwa Kyala gwangʉ. Kangɨ kʉlɨ ʉjo angʉsimba jʉjʉʉne, ɨngamu jangʉ jɨla ɨmbya.

13 Ʉjʉ alɨ nɨ mbʉlʉkʉtʉ, jo apɨlɨkege ɨsi Mbepo Mwikemo ikʉfibʉʉla ɨfipanga fya Kyala.”

Amasyʉ aga gikʉfuma kwa Jesu, jʉla ʉjʉ jo Ameni, ʉnkeeti ʉngolofu kangɨ gwa nalooli, ʉNdagɨli gwa tʉndʉ toosa ʉtʉ atʉpelile Kyala: 15 Nsimeenye ɨmbombo syɨnu, ʉkʉtɨ ʉmwe mukaja batalalɨfu, kangɨ mukaja bapyʉ. Paakipo lɨnga mwalɨ batalalɨfu pamo lɨnga mwalɨ bapyʉ! 16 Looli paapo mulɨ bafugʉtɨfu, mukaja batalalɨfu kangɨ mukaja bapyʉ, angʉbateeka, musookemo nkanwa mmyangʉ. 17 Ʉmwe mukwijoba ʉkʉtɨ, ‘Tʉlɨ bakabi, twilʉndɨkiile ɨkyʉma kingi, tʉkaagɨlwa nafimo.’ Looli mukamanya ʉkʉtɨ ʉmwe mulɨ bafujufu, baa kʉpaakɨsigwa, mulɨ balondo, mulɨ bafwa maaso, kangɨ mulɨ kɨtali. 18 Nikʉbabʉʉla nikʉtɨ, mʉʉle kʉmyangʉ ɨsahabʉ ɨjɨ jeelʉsiigwe mmooto, ʉkʉtɨ muje bakabi baa nalooli. Kangɨ kanunu mʉʉle ɨmyenda ɨmyelu, mufwale, mwifise paapo mulɨ kɨtali, ʉkʉtɨ mulɨngajaga nɨ soni. Mʉʉle kʉmyangʉ ʉnkota ʉgwa kʉtoonyekesya mmaaso gɨɨnu, ʉkʉtɨ mukeetege kanunu.

19 Boosa aba mbaganile, ngʉbasoka nʉ kʉbafunda. Po mwijʉʉlege, mupɨndʉke. 20 Keeta, ʉne nɨɨmile pa kɨfigo, ngʉkʉkoolela. Ʉmundʉ gwesa ʉjʉ ikʉpɨlɨka iisyʉ lyangʉ nʉ kwigʉla ʉlwigi, angwingɨla kʉmyake, ʉne angʉlya pamopeene nagwe, joope pamopeene na niine. 21 Ʉjʉ ikʉsitola ɨngelo, angʉmmwitɨkɨsya ʉkʉtʉʉgala na niine pa kɨkota kyangʉ ɨkya bʉtwa, bo ʉlʉ ʉne naasitolile ɨngelo, ndɨnkʉtʉʉgala pamopeene na Taata pa kɨkota kyake ɨkya bʉtwa.

22 Ʉjʉ alɨ nɨ mbʉlʉkʉtʉ, jo apɨlɨkege ɨsi Mbepo Mwikemo ikʉfibʉʉla ɨfipanga fya Kyala.”