5
1 Kʉkʉtɨ mpuuti ʉnkʉlʉmba ikʉsʉngʉligwa ʉkʉfuma mmbandʉ, ikwɨma pabʉjo bwabo ʉbwa kʉmmbombela Kyala. Ikʉnsookesya Kyala ɨfyabʉpe ni ikemo, ɨfya kʉbasookesyapo abandʉ ʉbʉtʉlanongwa bwabo. 2 Abagiile ʉkʉbapelela ɨkɨsa abanine aba bakasyagania, na aba basobile, paapo ʉmwene joope moonywa. 3 Fyobeene joope ikʉlondigwa mpaka asoosye iikemo ʉkwisookesyapo ʉbʉtʉlanongwa bwake ʉmwene. Lɨnga abombile bo ʉlo, po abagiile ʉkʉsoosya iikemo ɨlya kʉbasookesyapo ʉbʉtʉlanongwa abandʉ abangɨ.* 5:3 Bala kalata gwa Abanyaleebi 16:11-19. 4 Kangɨ akajako ʉmundʉ ʉjʉ abagiile ʉkwibɨɨka ʉkʉja mpuuti nkʉlʉmba, looli ikʉsʉngʉligwa na Kyala mwene, bo ʉlʉ aasʉngʉliigwe Aaloni.† 5:4 Aaloni aalɨ gwamyabo gwa Moose. Aalɨ mpuuti ʉnkʉlʉmba ʉgwa kwanda. Bala kalata gwa Ʉkʉsooka 28:1-3.
5 Bʉbʉʉbo Kɨlɨsiti akaaliilondiile jʉʉjo ʉlwɨmɨko ʉlwa kʉja mpuuti ʉnkʉlʉmba, looli aasʉngʉliigwe na Kyala. Namanga ʉmwene Kyala aalɨmmbʉʉlile aatile,
“Ʉgwe ʉlɨ Mwanangʉ,
ʉmwisyʉgʉ ʉne ngʉpaapile.”‡ 5:5 Bala kalata gwa Ɨsabʉli 2:7.
6 Kangɨ pabʉngɨ mwa Kalata ʉMwikemo aatile,
“Ʉgwe ʉlɨ mpuuti ʉgwa bwila na bwila,
bo muno aajɨɨliile Melekiseteki.”§ 5:6 Bala kalata gwa Ɨsabʉli 110:4. * 5:6 Melekiseteki aalɨ mpuuti ʉnkʉlʉmba ʉjʉ ammwipuutaga Kyala nkaaja akaa Jelusalemu bo Abulahamu mʉʉmi. Ʉmwene aalɨ mpuuti nkʉlʉmba mwene ʉgwa Kyala, bo Aaloni na baa ndʉjungu lwake baakaalɨ ʉkʉbɨɨkigwa ʉkʉja bapuuti bakʉlʉmba. Abulahamu ammwɨmɨkaga fiijo Melekiseteki paapo ʉbʉpuuti ʉbʉkʉlʉmba bwake bwabʉkɨndile ʉbwa Aaloni. Ɨnongwa sya Melekiseteki sipangiigwe mwa kalata gwa Ʉbwandɨlo 14:17-20.
7 Jesu bo alɨ nkiisʉ muno, aalaataga ʉkwipuuta nʉ kʉlɨla, paapo aameenye ʉkʉtɨ Kyala alɨ na maka agaa kʉmpoka mbʉfwe.† 5:7 Bala kalata gwa Matai 26:36-46. Kyala aapɨliike ɨnyiipuuto syake, kʉnongwa jaa kʉntiila Kyala kʉ lwijiisyo. 8 Na paapo aalɨ Mwana gwa Kyala, aakʉbiilwe, aamanyiile ʉlwijiisyo mu ngʉbɨlo.
9 Ʉkwendela mu ngʉbɨlo ɨsyo, Kyala aalɨmmbɨɨkile ʉkʉja nsita kwagɨlwa. Po kʉ njɨla ɨjɨ alɨnkʉja bwandɨlo bwa bʉpoki ʉbwa bwila na bwila, kʉ bandʉ aba bikʉntiila. 10 Kangɨ Kyala aalɨnsʉngwile ʉkʉja mpuuti ʉnkʉlʉmba, bo muno aajɨɨliile Melekiseteki.
Ɨsya kʉbasoka aba bikʉleka ʉkʉmmwitɨka Kyala
11 Tʉlɨ nasyo nyingi ɨsya kʉjoba ɨnongwa ɨsi, ɨsya Jesu ʉkʉja mpuuti ʉnkʉlʉmba, looli kʉkafu ʉkʉbalɨngaania ʉkʉtɨ musyaganie, paapo mukaja bengo ʉkʉsyagania. 12 Akabalɨlo aka mukʉlondigwa ʉkʉja bamanyisi baa biinɨɨnu, ngɨmba mukaalɨ mukʉlonda ʉmundʉ ʉgwa kʉbamanyisya ɨmanyisyo ɨsya isyʉ lya Kyala, ɨsya kʉbwandɨlo! Ʉmwe mulɨ bo abaana abafyele aba bikʉlonda ʉlʉkama, fyomma ɨfindʉ. 13 Namanga ʉmundʉ gwesa ʉjʉ ikonga geene amabeele, mwana mfyele ʉjʉ akiisibɨla ʉkʉsimanya ɨnunu nɨ mbiibi. 14 Looli abandʉ abakʉsi bo aba bikʉlya ɨfindʉ ɨfikafu. Bo aba kʉ bwisibɨle, babagiile ʉkʉsimanya ɨnunu nɨ mbiibi.
*5:3 5:3 Bala kalata gwa Abanyaleebi 16:11-19.
†5:4 5:4 Aaloni aalɨ gwamyabo gwa Moose. Aalɨ mpuuti ʉnkʉlʉmba ʉgwa kwanda. Bala kalata gwa Ʉkʉsooka 28:1-3.
‡5:5 5:5 Bala kalata gwa Ɨsabʉli 2:7.
§5:6 5:6 Bala kalata gwa Ɨsabʉli 110:4.
*5:6 5:6 Melekiseteki aalɨ mpuuti ʉnkʉlʉmba ʉjʉ ammwipuutaga Kyala nkaaja akaa Jelusalemu bo Abulahamu mʉʉmi. Ʉmwene aalɨ mpuuti nkʉlʉmba mwene ʉgwa Kyala, bo Aaloni na baa ndʉjungu lwake baakaalɨ ʉkʉbɨɨkigwa ʉkʉja bapuuti bakʉlʉmba. Abulahamu ammwɨmɨkaga fiijo Melekiseteki paapo ʉbʉpuuti ʉbʉkʉlʉmba bwake bwabʉkɨndile ʉbwa Aaloni. Ɨnongwa sya Melekiseteki sipangiigwe mwa kalata gwa Ʉbwandɨlo 14:17-20.
†5:7 5:7 Bala kalata gwa Matai 26:36-46.