1 Yahwedi nu’walaŋ wapumne indiŋ niŋguk, “Du kohone didimeniŋneŋkade itune memikgeye kayoge falipmeŋ yapmewaat.”

2 Yahwe adi Saiyon uŋoŋ hali nadigambune yokwet fee yabudokowaaŋ. Tiŋa indiŋ yolak. “Memikgeye maaŋ yabudokoweŋ.”

3 Du memikgeye gut mik titiŋdok uune metamgeye adi maaŋ nadifo tiŋa dukut noŋgoŋ wooŋ gehitubu-lodayaneeŋ. Unduŋ tiŋa Bepaŋ’walaŋ kweboboe foloŋ loneŋ. Timiŋ indigoŋ tuwot kilihikit adi bamholiŋa mitnekdi tubuhaikaune saŋiniŋ gitipmuŋ belak, wondok tuwot du maaŋ undugoŋ helemahelemaŋ saŋiniŋ gitipmuŋ beluwaaŋ.

4 Yahwe adi dutok mede yofafaŋe indiŋ tuguk, “Du adi Siloŋyot diniŋ Talitimeŋ Wapum* Siloŋyot diniŋ Talitimeŋ Wapumdi gulet kubugoŋ gineŋ nai kubugoŋ hogok Siloŋyot diniŋ Yotmaaŋ Uŋgoniŋ Hinehinek gineŋ fooŋ metam’walaŋ yom dapmandok dumuŋ heeŋ ninadi tuluguk. Melikisedek adi nabugoŋ dapmandapmaŋnit mokit hatiluwaaŋ.” Wapum adi undubo yooŋ undubo yooŋ mu tilak, unduŋ doktiŋa medeŋiŋ yolak undugoŋ biyagoŋ tibaak.

5 Wapum adi dukut yali gehitubu-kilitilak. Ala adi weleŋ gouye tilakneŋ nai uŋaniŋ me mapme heki gut mindobuŋa yehiwidihiŋa widihidapmaŋ tilak. 6 Adi metam nadisukilitihinit mokit heki’walaŋ yomhidok kibikoŋ tubu-udaneyembaak, tiŋa mik kwetneŋ uŋoŋ meeniŋ fee widihikumumbaak. Adi kwetkwet me mapme heki yehimoŋgofowaak.

7 Unduŋ tibaak kaŋ du wooŋ ime talik gagayeŋ wodilak u naaŋ saŋiniŋ tiŋa mik gineŋ fafaŋe tibaaŋ.