1 Vi kata maa ni nuu Jitoꞌo ja ka kuu ni ñayiu ndaa,

chi luu ndevaꞌa kuu ja vi kata ñayiu guaꞌa.

2 Vi tee ni arpa ja ka ndakuantaꞌu ni nuu Jitoꞌo,

te vi kata ni jin xtnuu uxi tuchi.

3 Vi kata ni yaa jaa, te vi tee ni yaa vii ja ka saꞌa kaꞌnu ni ya,

te vi kana ni ja ka kusii ini ni.

4 Chi tnoꞌo ndaa kuu tnoꞌo Jitoꞌo,

te saꞌa ya ndiꞌi tniuu nagua ni kee yuꞌu ya.

5 Te kutoo ya ja saꞌa ndaa ya vi saꞌa guaꞌa ya,

te jandaꞌu ini ya oo ninii ñuyiu.

6 Chi jin tnoꞌo kaꞌan Jitoꞌo, te ni junkoo andivi,

te jin ja tiutachi ya, te ni ka junkoo ndiꞌi kimi.

7 Te maa ya ni ndatatutu ndute,

te ni tavaꞌa ya ndee nuu kunu ka nuu mar.

8 Ndiꞌi ñayiu ka oo nuu ñuꞌu na vi koyuꞌu niꞌnui Jitoꞌo,

te ndiꞌi ñayiu ñuyiu na vi chiñuꞌi ya.

9 Chi ni kaꞌan ya, te ndiꞌi ni junkoo,

te ni tatnuni ya, te ndiꞌi ka junkoo yutnu.

10 Maa Jitoꞌo saꞌa ja tu jiniuꞌu nagua ka ndakani ini ñuu naꞌnu ja vi saꞌi,

vi ndasama ya nagua ka skaka tnaꞌa ñayiu ja vi saꞌi.

11 Su ja ndakani ini maa Jitoꞌo ja saꞌa ya, chi nikuii nikani oo,

te ja kuini ya ja saꞌa ya, chi siun ni kosaꞌa ya.

12 Te na taꞌu na ndetu ñayiu ñuu ja maa Jitoꞌo kuu ia Dios mai,

vi na taꞌu na ndetu ñuu ja ni kaji maa ya ja saꞌa jajin ya.

13 Chi ndee andivi ndiaꞌa Jitoꞌo,

te jini ya ndiꞌi ñayiu.

14 Te ndee nuu oo ya ndiaꞌa ya ndiꞌi ñayiu ka oo ñuyiu.

15 Maa ya ni saꞌa anu ndiꞌi ñayiu,

te ndiaꞌa guaꞌa ya ndiꞌi nagua ka saꞌi.

16 Te ma kaku niꞌnu rey jin kuakuaꞌa soldado de,

te ni ma kaku tee ndee ini jin jandakui ndevaꞌa de.

17 Te kuai, chi tu jiniuꞌu ti ja skaku niꞌnu ti ñayiu,

te visi ndakui ndevaꞌa ti, su ma kuu skaku niꞌnu ti ni in ñayiu.

18 Su Jitoꞌo, chi jito jini ña ya jin ñayiu ka yuꞌu niꞌnu ya

vi ñayiu ka ndetu kaꞌnu ja kaꞌan ndaꞌu kaꞌan kee ña ya,

19 nagua ja skaku niꞌnu ña ya ja ma vi kui,

te koxteku ña maa ya kiuu ja koo soko.

20 Yoon, chi ka kukanu inio Jitoꞌo,

chi maa ya chituu ña vi jito jini ña ya.

21 Te ka kusii inio nuu ya,

chi ka kukanu inio ya ja ia ii kuu ya.

22 Te siun ni kokundaꞌu ini ña ni jin san,

nagua ka ndetu kaꞌnu ña san jin ni, vi Jitoꞌo san.