1 Luku ile Jehovah winmir an wyirrewarre, ruwe, tuldar, wunyile pekin an. 2 Seventh nunkungai merildin itye Jehovah; lewin itye seventh nunkungai.

3 Wunyile Jehovah krunkun yan seventh nungge nunkeri nungge; kunduramb itye elli in ambe an Jehovah; kitye ellin nungge jehovald hi lamb uk itye lewin Jehovah nowaiy winwin.

4 Harnakar ellin generationar enggunauwurle wyirreald ruwald, yaral ar winmelin, nunkungai yaral God ile winmir enggun wyirre, ruwe;

5 Ngruwar Iamatyerar ngungkur ar kuringgun ruwungai, ngruwar ngune ngungkur itye kuringgun, ngungkur ile Jehovah nowaiy taiyir an parnar ruwangk, tarno korn lewin ruwungai, kalturamb an toone. 6 Wunyitye loru dlomari ruwenend, dlomari ile wurtuwarrin ityan ruwe.

7 Kile Jehovah winmin ityan korn tunungai wunyile Jehovah winkundun inangk kornald, tumbewarrin ile ityan; wunyitye korn tumbewallin, pangari lewin kinungai.

8 Jehovile winmin gardenowe Edenald, kile yuppun ityan korn gardenungai. 9 Jehovah ile yuppun an gardenungai nunkerar lamatyerar fruitald. Tumbewarrin lamatyeri yummun tunte gardenald; lamat yeri nglemuramb nunkeri wirrangi yummun tapangk ityan.

15 Wunyil.e Jehovah yuppun ityan korn gardenungai, moerpuramb ityan gardenowe. 16 Wunyile Jehovah taiyin ityan korn nginte tak our ngruwar fruitar. 17 Ncwaiy inde yan tak fruitowe lamatyerald nglemuramb nunkeri wirrangi; itye ellin yummun tunte gardenald. Ungunuk inde takkani ityan wunyel inde pornani, katyil.

18 Wunyile Jehovah yarnin luku, nowaiy itye nunkowarrin hil amb uk nowaiy ellin nape kornald; lewin itye an angk korn. Ngate el winmin an nape kin ambe.

19 Jehovile kaikundun an ngruwar yar ile winmir an tunuqgai, harnakar, pulyerar mame, winda wityeri, kile an kaikundun Adamangk, wunyile Adame krunkun an. 20 Kile an krunkun pulurar, mame; windawityeri. Nowaiy ile pindyin an nape in ambe an Adame.

21 Wunyile Jehovah winmin ityan Adame muwe watyeri. Wunyitye tantin Adame. Wunyile Jehovah pintamin naitye prewarre Adamald. 22 Jehovile yan winmin prewarre ungai mimine, wunyile reyin al itya.n Adamald. 23 Wunyile Adame yarnin Hityekatye ellin itye anauwe partpati, anauwe ngulde; wunyile krunkun ityan, mimine, hil amb uk, Jehovil winmir ityan kornungai.

24 Luku korn il nemmani al enggun yikkowalle narkowalle; kitye lewani al yan napungai; hengenekengk ellani yammalaitye ngulde.

25 Adame, Eve, kengk ngoppun merate, nowaiy engk kulyulainkin.