1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ སྡུག་དུས་ཡ་ཝཱེས་བཀའ་ལན་གནང་བར༌ཤོག །ཡ་ཀོབ་དཀོན་མཆོག་མཚན་གྱིས་འདེགས་གྱུར༌ཅིག། 2 ཁོང་གིས་གནས་ཀྱི་མཆོག་ནས་རོགས་མཛད་ཅིང་། །ཛ་ཡན་ཡུལ་ནས་ཁྱོད་རང་སྐྱོར་བར༌ཤོག། 3 ཁྱོད་ཀྱི་མཆོད་པ་ཐམས་ཅད་དྲན་པ༌དང༌། །སྦྱིན་སྲེག་ཀྱང་ནི་ཁོང་གིས་བཞེས་གྱུར༌ཅིག། ༼ སེ༌ལཱ། ༽ 4 སེམས་ཀྱི་འདོད་མོས་ཁོང་གིས་བསྐངས་ནས༌ནི། །ཁྱོད་ཀྱི་འཆར་བཀོད་ཐམས་ཅད་བསྒྲུབ་པར༌ཤོག། 5 ཁྱེད་ཀྱི་རྒྱལ་ཁའི་རྐྱེན་གྱིས་དགའ་འབོད༌བྱེད། །དཀོན་མཆོག་མཚན་ནང་དར་ཆ་མཐོ་རུ༌བསྒྲེང༌། །ཡ་ཝཱེས་ཞུ་བ་ཐམས་ཅད་བསྐང་བར༌ཤོག། 6 ཡ་ཝཱེས་ཁོང་གིས་བྱུགས་པར་མཛད་པ༌ནི། །སྐྱོབ་པར་བྱེད་པ་ད་ལྟ་བདག་གིས༌རྟོགས། །ཁོང་གིས་དམ་པའི་གནམ་ནས་བཀའ་ལན༌གནང༌། །ཕྱག་གཡས་མཐུ་སྟོབས་ཀྱིས་ནི་ཁོ་རང༌སྐྱོབ།། 7 ཁ་ཅིག་ཤིང་རྟ་ཁ་ཅིག་དམག་རྟར༌བརྟེན། །རང་ཅག་བརྟེན་ཡུལ་དཀོན་མཆོག་ཡ་ཝཱེའི༌མཚན།། 8 དེ་དག་བསྒུར་ནས་ས་རུ་འགྱེལ༌ན་ཡང་། །རང་ཅག་ལངས་ནས་བརྟན་པོར་ཚུགས་པ༌ཡིན།། 9 ཀྱེ་ཀྱེ་ཡ་ཝཱེས་རྒྱལ་པོ་སྐྱོབ་པར༌མཛོད། །ང་ཚོས་འབོད་དུས་བཀའ་ལན་གནང་བར༌ཤོག།