1 འཁྱོག་པའི་སྲང་ལ་ཡ་ཝཱེ་ཞེན་ལོག༌ཅིང༌། །རྒྱ་རྡོ་དྲང་པོར་ཁོང་ཉིད་ཐུགས་དགྱེས༌སོ།། 2 ང་རྒྱལ་སླེབ་དུས་ངོ་ཚ་མཉམ་དུ༌འོང༌། །ཁེངས་སྐྱུང་མི་ལ་ཤེས་རབ་ལྡན་པ༌ཡིན།། 3 དྲང་པོའི་དྲང་བ་ཉིད་ཀྱིས་རང་ལ་ལམ་སྟོན༌ཞིང༌། །ལོག་སྤྱོད་ཅན་གྱི་གཡོ་སྒྱུས་རང་ཉིད་བརླག་པར༌བྱེད།། 4 དཀོན་མཆོག་ཐུགས་ཁྲོའི་ཉིན་མོར་ནོར་གྱིས་ཕན་མི༌ཐོགས། །དྲང་བདེན་ཁོ་ནས་འཆི་བ་ཉིད་ལས་སྐྱོབ་པར༌བྱ།། 5 སྐྱོན་དང་བྲལ་བའི་མི་ཡི་དྲང་བདེན་གྱིས། །རང་གི་བགྲོད་ལམ་བདེ་ཞིང་དྲང་བར་བྱེད། །མི་ངན་རང་གི་ངན་པས་བསྒྱེལ་བ༌ཡིན།། 6 དྲང་པོའི་དྲང་བདེན་གྱིས་ནི་རང་ཉིད༌སྐྱོབ། །གདུག་སྤྱོད་ཅན་རྣམས་འདོད་པ་ངན་པས༌ཟིན།། 7 ངན་པ་འཆི་བའི་དུས་སུ་རེ་བ༌ཡལ། །ནུས་པ་ཅན་གྱི་འདུན་པའང་མེད་པར༌འགྱུར།། 8 དྲང་པོ་བསྐྱབས་ནས་སྡུག་བསྔལ་ལས་ཐར༌ཞིང༌། །ངན་པ་དེ་ཡི་ཚབ་ཏུ་ལྟུང་བར༌འགྱུར།། 9 དད་མེད་རྣམས་ཀྱིས་སྨྲ་སྒོས་ཁྱིམ་མཚེས༌བརླག །དྲང་པོ་ཤེས་ཡོན་དབང་གིས་དེ་ལས༌ཐར།། 10 དྲང་པོ་འཕེལ་དུས་གྲོང་ཁྱེར་ཡོངས་སུ༌སྤྲོ། །ངན་པ་འཆི་དུས་ཀུན་གྱིས་དགའ་འབོད༌བྱེད།། 11 དྲང་པོའི་བྱིན་རླབས་ཀྱིས་ནི་གྲོང་ཁྱེར༌འདེགས། །ངན་པའི་སྨྲ་སྒོས་གྲོང་ཁྱེར་བརླག་པ༌ཡིན།། 12 གོ་བ་མེད་པས་ཁྱིམ་མཚེས་ལ་སྨད༌ཅིང༌། །བློ་རིག་ཅན་གྱིས་ཅི་ཡང་སྨྲ་བ༌མིན།། 13 ངག་ཀྱལ་ཅན་གྱིས་གསང་གཏམ་ཕྱི་ལ༌འཆོར། །གཞུང་རྒྱུད་དྲང་པོས་དོན་རྣམས་གསང་བར༌བྱེད།། 14 ལམ་སྟོན་མེད་པའི་མི་རིགས་ལྟུང་བར༌འགྱུར། །གྲོས་མི་མང་ན་རྒྱལ་ཁ་ལོན་ངེས༌ཡིན།། 15 རྒྱུས་མེད་འགན་ལེན་བྱེད་པར་གོད་ཆེ༌ཡང༌། །ཁག་འཁུར་ལེན་པར་སྡང་མཁན་བདེ་འཇགས༌ཡིན།། 16 བུད་མེད་བྱམས་སེམས་ཅན་ལ་གུས་པ༌འཐོབ། །སྐྱེས་པ་གདུག་རྩུབ་ཅན་གྱིས་རྒྱུ་ནོར༌རྙེད།། 17 སྙིང་རྗེ་ཅན་གྱིས་རང་ལ་ཕན་འདོགས༌ཤིང༌། །གདུག་སྤྱོད་ཅན་གྱིས་རང་ལ་འཚེ་བ༌ཡིན།། 18 ངན་པས་རག་པའི་གླ་ཆ་རྫུན་མ༌ཡིན། །དྲང་བདེན་བྱེད་པར་ཏན་ཏན་རྔན་པ་འཐོབ།། 19 ཡུན་རིང་དྲང་བདེན་སྐྱོང་བར་ཚེ་སྲོག༌འཐོབ། །ངན་པ་སྙེག་མཁན་འཆི་བའི་གནས་སུ༌ལྷུང༌།། 20 གཡོ་སྒྱུའི་སེམས་ལ་ཡ་ཝཱེ་ཞེན་ལོག༌ཅིང༌། །སྤྱོད་པ་ཕུལ་བྱུང་ཅན་ལ་ཁོང་ནི༌དགྱེས།། 21 ངན་པར་ཉེས་ཆད་འཕོག་པ་གདོན་མི༌ཟ། །འོན་ཀྱང་དྲང་པོའི་བུ་རྒྱུད་ཐར་ངེས༌ཡིན།། 22 བུད་མེད་བྱད་བཟང་ཚུལ་དང་མི་མཐུན༌ན། །ཕག་གི་སྣ་བར་གསེར་གྱི་སྣ་གཅུ༌བཞིན།། 23 དྲང་པོའི་རེ་འདོད་ཐམས་ཅད་ཡིད་དུ༌འོང༌། །ངན་པའི་རེ་བས་ཁོང་ཁྲོ་སློང་བ༌འོ།། 24 གཏོང་ཕོད་ཅན་ལ་རྒྱུ་ནོར་འཕེལ་བ༌དང༌། །སེར་སྣ་ཚད་མེད་བྱེད་མཁན་དབུལ་བར༌འགྱུར།། 25 གཏོང་ཕོད་ཆེ་བའི་མི་ལ་འབྱོར་བ༌རྒྱས། །གཞན་ལ་ཕན་པར་བྱས་ན་རང་ལ༌ཕན།། 26 འབྲུ་རིགས་མཛོད་ལ་གསོག་པར་མི་ཡིས༌དམོད། །འབྲུ་རིགས་འཚོང་མཁན་མགོ་ལ་བྱིན་རླབས༌འཐོབ།། 27 འབད་པས་བཟང་པོ་བསྙེག་པར་བཟང་འཐོབ༌ཅིང༌། །ངན་པ་སྙེག་མཁན་ལ་ནི་ངན་པ༌འཁོར།། 28 རང་གི་ནོར་ལ་བརྟེན་མཁན་ཉམས་པར༌འགྱུར། །དྲང་པོ་ལོ་འདབ་སྔོན་པོ་བཞིན་དུ༌རྒྱས།། 29 རང་ཁྱིམ་སྡུག་ལ་སྦྱོར་བར་རླུང་ཙམ༌འཐོབ། །བླུན་པོ་མཁས་པའི་གཡོག་པོར་འགྱུར་བ༌འོ།། 30 དྲང་པོའི་འབྲས་བུ་སྲོག་གི་ལྗོན་ཤིང༌ཡིན། །ཤེས་རབ་ཅན་གྱིས་མི་སེམས་འགུག་པར༌ནུས།། 31 དྲང་པོར་འཇིག་རྟེན་འདི་རུ་ལན་འཕོག༌ན། །ངན་པ་དང་ནི་སྡིག་ཅན་ལྟ་ཅི༌སྨོས།།