1 ཡ་ཧུ་དཱ་ཡུལ་གྱི་མི་འདི་རྣམས་ནི་སྔར་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱིས་པཱ་པེལ་ལོན་ལ་བཙོན་དུ་ཁྲིད་པ་དང་། ད་ལྟ་ཁོ་རྣམས་བཙན་ཁྲིད་བྱས་པའི་ཡུལ་ནས་ཡར་ཐོན་ཏེ་ཡེ་རུ་སཱ་ལེམ་དང་ཡ་ཧུ་དཱའི་ཡུལ་དུ་སོ་སོའི་གནས་སུ་ཕྱིར་ལོག་པ་ནི་འདི་ལྟ་སྟེ། 2 ཁོ་ཚོ་ནི་ཟེ་རུ་པཱ་པེལ་དང་། ཡེ་ཤུ་ཨ། ནེ་ཧེམ་ཡཱ། སེ་ར་ཡཱ། རེ་ཨེ་ལ་ཡཱ། མོར་དོ་ཀཱ་ཡི། པིལ་ཤན། མིས་ཕར། པིག་ཝ་ཨི། རེ་ཧུམ། པ་ཨ་ནཱ་བཅས་མཉམ་དུ་ཕྱིར་ལོག་པ་སྟེ། ཡེས་ར་ཨེལ་གྱི་སྐྱེས་པ་རྣམས་ཀྱི་བསྡོམས་གྲངས་ནི། 3 ཕཱར་ཨོ་སིའི་བུ་རྒྱུད་ཉིས་སྟོང་བརྒྱ་དང་བདུན་ཅུ་དོན་གཉིས་ཡོད། 4 ཤེ་ཕད་ཡཱ་ཡི་བུ་རྒྱུད་སུམ་བརྒྱ་དང་བདུན་ཅུ་དོན་གཉིས་ཡོད། 5 ཨ་རཱའི་བུ་རྒྱུད་བདུན་བརྒྱ་དང་བདུན་ཅུ་དོན་ལྔ་ཡོད། 6 ཕཱ་ཧད་མོ་ཨབ་ཀྱི་རུས་རྒྱུད་དེ། ཡེ་ཤུ་ཨ་དང་ཡོ་ཨབ་ཀྱི་བུ་རྒྱུད་ཉིས་སྟོང་བརྒྱད་བརྒྱ་བཅུ་གཉིས་ཡོད། 7 ཨེ་ལཱམ་གྱི་བུ་རྒྱུད་ཆིག་སྟོང་ཉིས་བརྒྱ་ལྔ་བཅུ་ང་བཞི་ཡོད། 8 ཟད་ཐུའི་བུ་རྒྱུད་དགུ་བརྒྱ་དང་བཞི་བཅུ་ཞེ་ལྔ་ཡོད། 9 ཟག་ཀ་ཨི་ཡི་བུ་རྒྱུད་བདུན་བརྒྱ་དང་དྲུག་ཅུ་ཡོད། 10 པཱ་ནིའི་བུ་རྒྱུད་དྲུག་བརྒྱ་དང་བཞི་བཅུ་ཞེ་གཉིས་ཡོད། 11 པེ་བཱ་ཨིའི་བུ་རྒྱུད་དྲུག་བརྒྱ་དང་ཉེར་གསུམ་ཡོད། 12 ཨས་གད་ཀྱི་བུ་རྒྱུད་ཆིག་སྟོང་ཉིས་བརྒྱ་དང་ཉེར་གཉིས་ཡོད། 13 ཨ་དོ་ནི་ཀམ་གྱི་བུ་རྒྱུད་དྲུག་བརྒྱ་དང་དྲུག་ཅུ་རེ་དྲུག་ཡོད། 14 པིག་ཝ་ཨིའི་བུ་རྒྱུད་ཉིས་སྟོང་དང་ལྔ་བཅུ་ང་དྲུག་ཡོད། 15 ཨ་དིན་གྱི་བུ་རྒྱུད་བཞི་བརྒྱ་དང་ལྔ་བཅུ་ང་བཞི་ཡོད། 16 ཨ་ཏེར་གྱི་བུ་རྒྱུད་དེ། ཧི་ཟི་ཀི་ཡཱའི་བུ་རྒྱུད་དགུ་བཅུ་གོ་བརྒྱད་ཡོད། 17 པེ་ཙ་ཨིའི་བུ་རྒྱུད་སུམ་བརྒྱ་དང་ཉེར་གསུམ་ཡོད། 18 ཡོ་རཱའི་བུ་རྒྱུད་བརྒྱ་དང་བཅུ་གཉིས་ཡོད། 19 ཧ་ཤུམ་གྱི་བུ་རྒྱུད་ཉིས་བརྒྱ་དང་ཉེར་གསུམ་ཡོད། 20 གིབ་བར་གྱི་བུ་རྒྱུད་དགུ་བཅུ་གོ་ལྔ་ཡོད། 21 པེད་ལེ་ཧེམ་གྱི་མི་བརྒྱ་དང་ཉེར་གསུམ་ཡོད། 22 ནེ་ཏོ་ཕཱའི་མི་ལྔ་བཅུ་ང་དྲུག་ཡོད། 23 ཨ་ན་ཐོད་པའི་མི་བརྒྱ་དང་ཉེར་བརྒྱད་ཡོད། 24 ཨས་མ་ཝེད་ཀྱི་མི་བཞི་བཅུ་ཞེ་གཉིས་ཡོད། 25 ཀིར་ཡཱད་ཡེ་ཨ་རིམ་དང་ཀེ་ཕི་རཱ། པེ་ཨེ་རཱོད་ཀྱི་མི་བསྡོམས་པས་བདུན་བརྒྱ་དང་བཞི་བཅུ་ཞེ་གསུམ་ཡོད། 26 རཱ་མ་དང་གེ་བཱའི་མི་བསྡོམས་པས་དྲུག་བརྒྱ་དང་ཉེར་གཅིག་ཡོད། 27 མིགས་མཱ་སི་ཡི་མི་བརྒྱ་དང་ཉེར་གཉིས་ཡོད། 28 པེད་ཨེལ་དང་ཨེ་ཡུ་ཡི་མི་བསྡོམས་པས་ཉིས་བརྒྱ་དང་ཉེར་གསུམ་ཡོད། 29 ནེ་བོའི་མི་ལྔ་བཅུ་ང་གཉིས་ཡོད། 30 མ་བིས་ཀྱི་བུ་རྒྱུད་བརྒྱ་དང་ལྔ་བཅུ་ང་དྲུག་ཡོད། 31 ཨེ་ལཱམ་གཞན་དེའི་བུ་རྒྱུད་ཆིག་སྟོང་ཉིས་བརྒྱ་ལྔ་བཅུ་ང་བཞི་ཡོད། 32 ཧ་རིམ་གྱི་བུ་རྒྱུད་སུམ་བརྒྱ་ཉི་ཤུ་ཡོད། 33 ལོད་དང་ཧ་དིད་དང་ཨོ་ནོའི་བུ་རྒྱུད་བསྡོམས་པས་བདུན་བརྒྱ་དང་ཉེར་ལྔ་ཡོད། 34 ཡེ་རུ་ཀོའི་བུ་རྒྱུད་སུམ་བརྒྱ་དང་ཞེ་ལྔ་ཡོད། 35 སེ་ན་ཨའི་བུ་རྒྱུད་སུམ་སྟོང་དྲུག་བརྒྱ་སུམ་ཅུ་ཡོད།

36 མཆོད་དཔོན་དག་ནི། ཡེ་ཤུ་ཨའི་ཁྱིམ་རྒྱུད་ཀྱི་ཡེ་དཱ་ཡའི་བུ་རྒྱུད་དགུ་བརྒྱ་བདུན་ཅུ་དོན་གསུམ་ཡོད། 37 ཨིམ་མེར་གྱི་བུ་རྒྱུད་ཆིག་སྟོང་ལྔ་བཅུ་ང་གཉིས་ཡོད། 38 ཕཱ་ཤུར་གྱི་བུ་རྒྱུད་ཆིག་སྟོང་ཉིས་བརྒྱ་བཞི་བཅུ་ཞེ་བདུན་ཡོད། 39 ཧ་རིམ་གྱི་བུ་རྒྱུད་ཆིག་སྟོང་བཅུ་བདུན་ཡོད།

40 ལེ་ཝི་པ་རྣམས་ནི། ཧོ་དབ་ཡཱའི་རུས་རྒྱུད་དེ། ཡེ་ཤུ་ཨ་དང་ཀད་མི་ཨེལ་གྱི་བུ་རྒྱུད་བདུན་ཅུ་དོན་བཞི་ཡོད། 41 མགུར་ལེན་མཁན་རྣམས་ནི། ཨ་སབ་ཀྱི་བུ་རྒྱུད་བརྒྱ་དང་ཉེར་བརྒྱད་ཡོད། 42 སྒོ་སྲུང་རྣམས་ནི། ཤལ་ལུམ་གྱི་བུ་རྒྱུད་དང་། ཨ་ཏེར་གྱི་བུ་རྒྱུད། ཏལ་མོན་གྱི་བུ་རྒྱུད། ཨག་ཁུབ་ཀྱི་བུ་རྒྱུད། ཧ་ཏི་ཏའི་བུ་རྒྱུད། ཤོ་བཱའི་བུ་རྒྱུད་བཅས་བསྡོམས་པས་མི་བརྒྱ་དང་སུམ་ཅུ་སོ་དགུ་ཡིན།

43 མཆོད་གཡོག་ནི། ཙི་ཧཱའི་བུ་རྒྱུད་དང་། ཧ་སུ་ཕའི་བུ་རྒྱུད། ཏབ་བ་ཨོད་ཀྱི་བུ་རྒྱུད། 44 ཀོ་རེས་ཀྱི་བུ་རྒྱུད། སི་ཨ་ཧའི་བུ་རྒྱུད། ཕ་དོན་གྱི་བུ་རྒྱུད། 45 ལེ་བ་ནཱའི་བུ་རྒྱུད། ཧ་ག་བཱའི་བུ་རྒྱུད། ཨག་ཁུབ་ཀྱི་བུ་རྒྱུད། 46 ཧ་གབ་ཀྱི་བུ་རྒྱུད། ཤལ་མཱ་ཨིའི་བུ་རྒྱུད། ཧ་ནན་གྱི་བུ་རྒྱུད། 47 གིད་དེལ་གྱི་བུ་རྒྱུད། ག་ཧར་གྱི་བུ་རྒྱུད། རེ་ཨ་ཡཱའི་བུ་རྒྱུད། 48 རེ་ཙིན་གྱི་བུ་རྒྱུད། ནེ་ཀོ་དཱའི་བུ་རྒྱུད། ག་ཟམ་གྱི་བུ་རྒྱུད། 49 ཨུ་ཟཱའི་བུ་རྒྱུད། ཕཱ་སེ་ཨའི་བུ་རྒྱུད། པེ་སཱ་ཨིའི་བུ་རྒྱུད། 50 ཨས་ནའི་བུ་རྒྱུད། མེ་ཧུ་ནིམ་གྱི་བུ་རྒྱུད། ནེ་ཕུ་སིམ་གྱི་བུ་རྒྱུད། 51 པག་པུག་གི་བུ་རྒྱུད། ཧ་ཀུ་ཕཱའི་བུ་རྒྱུད། ཧར་ཧར་གྱི་བུ་རྒྱུད། 52 པ་ཟི་ལུད་ཀྱི་བུ་རྒྱུད། མེ་ཧི་དཱའི་བུ་རྒྱུད། ཧར་ཤའི་བུ་རྒྱུད། 53 པཱར་ཀོས་ཀྱི་བུ་རྒྱུད། སི་ས་རཱའི་བུ་རྒྱུད། ཐེ་མཱའི་བུ་རྒྱུད། 54 ནེ་ཙི་ཡཱའི་བུ་རྒྱུད། ཧ་ཏི་ཕའི་བུ་རྒྱུད་བཅས་ཡིན། 55 སོ་ལོ་མོན་གྱི་གཡོག་པོའི་བུ་རྒྱུད་ནི་སོ་ཏའི་བུ་རྒྱུད་དང་། སོ་ཕེ་རེད་ཀྱི་བུ་རྒྱུད། པེ་རུ་དཱའི་བུ་རྒྱུད། 56 ཡ་ཨ་ལའི་བུ་རྒྱུད། དར་ཀོན་གྱི་བུ་རྒྱུད། གིད་དེལ་གྱི་བུ་རྒྱུད། 57 ཤེ་ཕད་ཡཱའི་བུ་རྒྱུད། ཧད་ཏིལ་གྱི་བུ་རྒྱུད། ཕོ་ཁེ་རེད་ཧ་ཙེ་བཱ་ཡི་བུ་རྒྱུད། ཨ་མིའི་བུ་རྒྱུད་བཅས་ཡིན། 58 མཆོད་གཡོག་ཐམས་ཅད་དང་སོ་ལོ་མོན་གྱི་གཡོག་པོ་དག་གི་བུ་རྒྱུད་ཀྱི་བསྡོམས་གྲངས་ནི་མི་སུམ་བརྒྱ་དང་དགུ་བཅུ་གོ་གཉིས་ཡིན། 59 ཡང་ཐེལ་མེ་ཝཱ་དང་། ཐེལ་ཧར་ཤ། ཀེ་རུབ། ཨད་དོན། ཨིམ་མེར་ཡུལ་བཅས་ནས་ཡོང་བ་རྣམས་ཀྱིས་རང་གི་ཕ་མེས་ཀྱི་གདུང་རབས་ཡེས་ར་ཨེལ་ནས་ཆད་པར་ར་སྤྲོད་བྱེད་མ་ནུས་སོ། ། 60 དེ་རྣམས་ནི་དི་ལཱ་ཡའི་བུ་རྒྱུད་དང་། ཏོ་བི་ཡཱའི་བུ་རྒྱུད། ནེ་ཀོ་དཱའི་བུ་རྒྱུད་བཅས་བསྡོམས་པས་མི་དྲུག་བརྒྱ་ལྔ་བཅུ་ང་གཉིས་ཡིན། 61 མཆོད་དཔོན་དག་གི་བུ་རྒྱུད་ནས་ཧ་བཱ་ཡཱའི་བུ་རྒྱུད་དང་། ཧག་ཀོས་ཀྱི་བུ་རྒྱུད། པཱར་ཟི་ལ་ཨིའི་བུ་རྒྱུད་བཅས་ཡོད་དེ། པཱར་ཟི་ལ་ཨི་བྱ་བ་དེས་གིལ་ཨད་པའི་པཱར་ཟི་ལ་ཨི་ཞེས་པ་དེའི་བུ་མོ་ཆུང་མར་བླངས་པས། དེའི་མིང་བཞིན་དུ་བཏགས། 62 དེ་དག་གིས་རང་གི་རུས་རྒྱུད་ཀྱི་གདུང་རབས་བཙལ་ཡང་མ་རྙེད། དེའི་ཕྱིར་དེ་རྣམས་མི་གཙང་བར་བརྩིས་ཏེ་མཆོད་དཔོན་གྱི་གྲལ་ནས་ཕུད། 63 ཡང་འགོ་དཔོན་གྱིས་ཁོ་ཚོར། མཆོད་དཔོན་ཞིག་གིས་ཨུའུ་རིམ་དང་ཐུའུ་མིམ་ལ་བརྟེན་ནས་ཐག་གིས་མ་བཅད་བར་དུ། ཁོ་རྣམས་ཀྱིས་དམ་པའི་ཟས་ཅི་ཡང་བཟའ་མི་ཆོག་པར་བསྐུལ། 64 འདུ་ཚོགས་འདིའི་བསྡོམས་གྲངས་ནི་བཞི་ཁྲི་ཉིས་སྟོང་སུམ་བརྒྱ་དྲུག་ཅུ་ཡིན། 65 གཞན་གཡོག་པོ་དང་གཡོག་མོ་བདུན་སྟོང་སུམ་བརྒྱ་སུམ་ཅུ་སོ་བདུན་ཡོད་པ་དང་། ཡང་མགུར་ལེན་མཁན་སྐྱེས་པ་དང་བུད་མེད་ཉིས་བརྒྱ་ཡོད། 66 རྟ་བདུན་བརྒྱ་སུམ་ཅུ་སོ་དྲུག་ཡོད། དྲེལ་ཉིས་བརྒྱ་བཞི་བཅུ་ཞེ་ལྔ་ཡོད། 67 རྔ་མོང་བཞི་བརྒྱ་སུམ་ཅུ་སོ་ལྔ་ཡོད། བོང་བུ་དྲུག་སྟོང་བདུན་བརྒྱ་ཉི་ཤུ་ཡོད། 68 ཚོ་དཔོན་འགའ་ཤས་ཡེ་རུ་སཱ་ལེམ་དུ་དཀོན་མཆོག་ཡ་ཝཱེའི་མཆོད་ཁང་དུ་སླེབས་ཚེ། དཀོན་མཆོག་གི་མཆོད་ཁང་དེ་སྔའི་རྨང་གཞི་སྟེང་ཡང་བསྐྱར་བཞེང་བའི་ཕྱིར་དུ་རང་མོས་ཀྱིས་འབུལ་བ་ཕུལ། 69 དེ་དག་གིས་རང་གི་ནུས་པར་བསྟུན་ནས་མཁར་བཟོའི་མཛོད་ཁང་ལ་གསེར་གྱི་དོང་ཙེ་དྲུག་ཁྲི་ཆིག་སྟོང་དང་། དངུལ་མཱེ་ན་ལྔ་སྟོང་། མཆོད་དཔོན་གྱི་གོས་བརྒྱ་བཅས་ཀྱི་འབུལ་བ་ཕུལ། 70 དེ་ནས་མཆོད་དཔོན་དང་། ལེ་ཝི་པ། མགུར་ལེན་མཁན། སྒོ་སྲུང་། མཆོད་གཡོག འབངས་མི་ཁ་ཤས་བཅས་སོ་སོ་རང་གི་གྲོང་ཁྱེར་དུ་གནས་པ་དང་། ཡེས་ར་ཨེལ་པ་རྣམས་རང་གི་གྲོང་ཁྱེར་དུ་གནས་སོ། །