1 Iwá̱n Jesús pe̱waꞌ tata̱tapo̱wij ka̱n mami̱xkui̱tilo, kijtoj:

—Se̱ ta̱gaꞌ kito̱gaꞌ u̱vajyoj. Kikola̱ltij, iwá̱n kichij se̱ pozo ka̱n mopa̱tzka uva. Kichij se̱ torre iga wel matachalo no̱ya̱n ka̱n onoꞌ u̱vajyoj.

’Iwá̱n kita̱ke̱waltij* 12:1 Ikuayo uva pox wejka̱wa, wel ta̱ki 20 años o má̱j, ijkó̱n iga wel kita̱ke̱waltij u̱vajyoj. Xikita glosario “Uva”. sekin tekipanowa̱nimej iwá̱n yajki wejka.† 12:1 Is 5:1-2 2 Kua̱ꞌ némiya yoksi uva, ite̱ko kiti̱tan se̱ mo̱nsoj, kijlij: “Xaj xiktajtanili̱ti yej nemi tekipanowaj iga mane̱makáka̱nya uva ke̱ꞌ nej ne̱toca̱rowa.” 3 Eꞌ yejeme̱n kiki̱tzkijkej iwá̱n kimagakej iwá̱n akimakakej nité̱. 4 Ite̱ko u̱vajyoj kiti̱tan seꞌ mo̱nsoj; eꞌ inó̱n no̱ kitewijkej, kikuajkua̱tzaya̱nkej iwá̱n kuajkuantas kijlijkej. 5 Kiti̱tan sewoꞌ, inó̱n sí este kimiktijkej. Má̱j má̱j kiti̱tan sekin, ino̱mej no̱ kimagakej iwá̱n sekin kimiktijkej.

6 ’Eꞌ kipiaya se̱ ipiltzi̱n yej poxsan kicho̱kilia̱ya iwá̱n kiti̱tan inó̱n, kijtoj: “Iní̱n sí nopiltzi̱n kiye̱ꞌitaskej.” 7 Eꞌ tekipanowa̱nimej, yejéme̱nsan kijtojkej: “Iní̱nyawaꞌ in yej yawi mochi̱wati ite̱ko iní̱n ta̱jli, yej ítajpa kikajte̱was, matikmiktí̱ka̱nya nokta iga maka̱wi íta̱l iga tejemej.” 8 Iwá̱n kiki̱tzkijkej, kimiktijkej iwá̱n kiki̱xtijkej ipan u̱vajyoj.

9 Iwá̱n Jesús tatajtan:

—¿Té a̱n kichi̱was ite̱ko mi̱jli? Wi̱ꞌ iwá̱n kimikti̱j ino̱mej tekipanowa̱nimej, iwá̱n inó̱n u̱vajyoj kimakas seꞌ tekipanowa̱nimej.

10 ’¿Ix ayí̱ꞌ ankitaj ka̱n ijkí̱n ijkuilijtoꞌ? Kijtowa:

12 Iwá̱n kinekiáj makipre̱sojwi̱ka̱n Jesús iga kimatikej iga yejemej nemi kikajkaktiáj. Eꞌ kimajmawilijkej yej ompa chapa̱ntoyaj, kikajtejkej iwá̱n yájkija.

13 Eꞌ despué̱j kiti̱tanilijkej sej sékinoꞌ más fariseojmej iwá̱n sekin yej kitokaj rey Herodes,‡ 12:13 Ini̱mej judiyojmej achi ken monamakakej iga kipale̱wia̱yaj rey Herodes yej de los romanos yej ti̱ltikmej yej kitaksayaj judiyojmej. ka̱nsan Jesús makijto tejté̱ iga wel makite̱lwi̱ka̱n. 14 Kua̱ꞌ ino̱mej asitoj, kijtojkej:

—Tamachtia̱ni, nikmatij iga tej ómpaya ken tikijtowa, iwá̱n tej ayá̱ꞌ tikchi̱wiliá caso ken mitzijliáj, tej nochi ijko̱nsan tikjuzga̱rowa; melá̱ꞌ iga titamachtiá yej Dio̱spa iyojwi. ¿Ix ye̱kti manikixta̱waka̱n impuesto iga rey César§ 12:14 Xikita glosario “César”. o ayá̱ꞌ? ¿Ix nikmakaskej o anikmakaskej?

15 Eꞌ Jesús kimatiꞌ iga kima̱wetzi̱lti̱jnekiáj, kijtoj:

—¿Te iga anne̱proba̱rowaj? Xine̱wajliguili̱ka̱n se̱ tomi̱n, iga manikita.

16 Kiwajliguilijkej, iwá̱n kua̱ꞌ kitaꞌ, Jesús tatajtan:

—¿Iní̱n a̱ꞌyéj ixa̱yaꞌ iwá̱n a̱ꞌyéj ito̱ka̱ꞌ yej nigaj ijkuilijtoꞌ?

Yejemej kijtojkej:

—Rey César.

17 Iwá̱n Jesús kijtoj:

—Xikmakaka̱n rey César yej yéjpa itatki, iwá̱n xikmakaka̱n Dios yej yéjpa itatki.

Iwá̱n fariseojmej san tajtachi̱xtikajkej iga yej kijtoj.

18 Iwá̱n sekin saduceojmej* 12:18 Xikita glosario “Saduceo”. yajkij kitatoj Jesús. Yejemej kijtowaj iga yej mikij ayoꞌ ojpa‑isaj, iwá̱n ijkí̱n kitajtankej:

19 —Tamachtia̱ni, Moisés ne‑ijkuilowilijtikajkej iní̱n ley; siga se̱ ta̱gaꞌ miki, iwá̱n kika̱wa isiwa̱ꞌ, eꞌ ayá̱ꞌ kikajte̱wa nisé̱ ipiltzi̱n, iyikni̱n inó̱n yej miguiꞌ, kikuis inó̱n viuda iga ken kua̱ꞌ makipiá ipilowa̱n yej miguiꞌ. 20 Onoyaj siete tajta̱gaꞌ yej se̱san itajmej iwá̱n se̱san iye̱mej. Yej te̱ko̱ko achto mona̱miktij, eꞌ miguiꞌ kua̱ꞌ aya pilwaj. 21 Iwá̱n imá̱mil inó̱n yej miguiꞌ mona̱miktij iwá̱n yej katka isiwa̱ꞌ yej miꞌ, iwá̱n no̱ miguiꞌ, iwá̱n ayá̱ꞌ no̱ kikajtej ipilowa̱n. Iwá̱n ijko̱nsan no̱ mochij iwá̱n seꞌ imá̱mil. 22 Ijkó̱n ino̱mej siete, nochi mona̱miktijkaj iwá̱n ino̱nsan siwa̱ꞌ, iwá̱n ayagaj kikajtej ipiltzi̱n. Iwá̱n má̱j má̱j miguiꞌ no̱ siwa̱ꞌ. 23 In kua̱ꞌ ojpa‑isaskej yej miktokej, ¿katiapa a̱n de inó̱n siete mochi̱was iwé̱j in inó̱n siwa̱ꞌ?, iga na̱miktitoya iwá̱n inochimej.

24 Jesús kijtoj:

—Amejeme̱n ayompa antajla̱mikij iga ayá̱ꞌ anki̱xmatij itájto̱l Dios, niga yej wel kichi̱wa. 25 Kua̱ꞌ yej miktokej ojpa‑isaskej, ayꞌya mona̱mikti̱skej, niga ipilowa̱n ayoꞌ kina̱mikti̱skej, iga mochi̱waskej ken tikita iya̱ngelejmej Dios yej onokej ipan cielo yej no̱ ayá̱ꞌ mona̱miktiáj. 26 Eꞌ iga ojpa‑isaskej yej miktokej, ¿ix ayí̱ꞌ nokta ankilee̱rowaj ka̱n kén iga Dios tajtoj ipan se̱ witztako̱ꞌ yej we̱welo̱ntoya? Eꞌ Dios kijlij Moisés: “Nej niDio̱s, yej iDio̱spa no̱ Abraham, Isaac iwá̱n Jacob.”† 12:26 Kua̱ꞌ ijkí̱n kijtoj Dios, ikyay mikikej ini̱mej tajta̱gaꞌ. Ex 3:6 27 Dios ayéj iDio̱s yej miktokej, sino que iDio̱s yej isatokej; amejeme̱n ayompa antajla̱mikij.

28 Ompa asito no̱ se̱ yej tamachtiá ipan iley Moisés; yéj takaktoya kua̱ꞌ Jesús ta̱tapojtoya iwá̱n kimatiá iga ompay ken kijlij yej íwa̱n ta̱tapojtoya. Kitajtan:

—De inewi mandamiento yej onoꞌ, ¿katiapa a̱n yej achto?

29 Jesús kijtoj:

—Yej má̱j achto mandamiento ijkí̱n kijtowa: “Taꞌ xikaki, gente de Israel, toTe̱ko Dios, yéjsan ise̱lti toTe̱ko. 30 Xikcho̱kili moTe̱ko Dios iga inewi moa̱lmaj, iwá̱n iga inochi moespí̱ritoj iwá̱n iga inewi motájpal iwá̱n yéj nochipa xikejla̱nto.”‡ 12:30 Dt. 6:5 Ini̱nwaꞌ in yej má̱j achto mandamiento. 31 Iwá̱n onoꞌ sewoꞌ áchisan ijko̱mpa, kijtowa: “Xikcho̱kili mokni̱n kensan tej timocho̱kiliá.” Ateyi seꞌ mandamiento yej má̱j vale̱rowa ken ini̱mej.

32 Iwá̱n inó̱n yej tamachtiá ipan la ley kijlij:

—Ompay ken tikijtoj Tamachtia̱ni iga onoꞌ se̱san Dios, iwá̱n ateyi seꞌ ken yéj. 33 Iwá̱n iga matiknekika̱n toDio̱s iga inewi toa̱lmaj, iga inewi toespí̱ritoj iwá̱n iga inewi totájpal, iwá̱n yéj nochipa matikejla̱ntoka̱n iwá̱n matikcho̱kili̱ka̱n tokni̱n kensan tejemej timocho̱kiliáj. Iga ijkó̱n mochi̱wa má̱j vale̱rowa que nochi ofrenda yej motatiá iga momaka Dios.

34 Kua̱ꞌ Jesús kitaꞌ iga ómpaya ken kijtoj, kijlij:

—Ali̱nsan poliwi iga Dios marreina̱ro ipan tej.

Iwá̱n ayoꞌ agaj má̱j mi̱xe̱wij iga kitajtajtan.

35 Jesús tamachtijtoya tio̱pan; kijtojtoya:

—¿Te iga yej tamachtiáj ipan la ley kijtowaj iga Cristo ipiltzi̱n David? 36 Porque David kijtoj kua̱ꞌ kitajto̱lmáꞌ iyEspí̱ritoj Dios, kijtoj ijkí̱n:

Iwá̱n yej po̱lijtoyaj kiye̱ꞌkaktoyaj.

38 Jesús ijkí̱n tamachtia̱ya:

—Amo mamitzkajkaya̱waka̱n yej tamachtiáj ipan iley Moisés, puej kiye̱ꞌmatij iga makinenti̱ka̱n sota̱ntzótzol, iwá̱n kinekij makisaluda̱ro̱ka̱n tajkoa̱ltepe̱ꞌ. 39 Yejeme̱n mota̱li̱jnekij tio̱pan‑ijtiꞌ ipan ye̱ꞌasie̱ntoj ka̱n mota̱liáj yej má̱j tayaka̱ntokej, iwá̱n ijko̱nsan no̱ kinekij makichi̱waka̱n ka̱n takualo, 40 iwá̱n kikui̱liáj ikalmej yej we̱wejmikikej, iwá̱n mopajpantiáj iga wejka̱waj iga ora̱dowaj. Yejeme̱n má̱j yawij kicastiga̱ro̱tij.

41 Se̱ ve̱j Jesús e̱watoya tio̱pan, kitztoya kén iga kakia̱yaj iyofre̱ndajmej ipan cajo̱n, iwá̱n miaꞌ yej motapialiáj kakia̱yaj komati tomi̱n. 42 Iwá̱n wa̱laj se̱ yej ayá̱ꞌ motapialiá iwá̱n ipan cajo̱n kakij o̱me tomi̱n de cobre yej ayá̱ꞌ pox vale̱rowa. 43 Iwá̱n Jesús kino̱tzaꞌ idisci̱polojmej, kijlijkej:

—Nimitznojma‑ijliáj iga iní̱n siwa̱ꞌ yej we̱wejmíꞌ, yej ayá̱ꞌ motapialiá, kakij má̱j que nochi yej nemi kakiáj tomi̱n ipan cajo̱mej; 44 puej nochi kita̱lijkej yej kisobra̱rowaj; eꞌ yéj, malej ayá̱ꞌ motapialiá, kimáꞌ inewi yej kipiaya iga takua̱ya.