5
1 Nochipa kua̱ꞌ kita̱liáj se̱ ije̱fej sacerdo̱tejmej, kitapejpenaj iga makipale̱wi israeli̱tajmej iga maye̱ꞌonoka̱n iyi̱xtaj Dios. Inó̱n sacerdote kimaka ofrenda* 5:1 Nij tajtowa ken ónogoꞌ weyitio̱pan Jerusalén, iwá̱n ken ompa sacerdo̱tejmej kimiktíjkejoꞌ yo̱lka̱mej iga iyofre̱ndaj Dios. Ipan año 70, solda̱dojmej de Roma kixiti̱nkej weyitio̱pan Jerusalén, wa̱n ayꞌ má̱j wel ompa sacerdo̱tejmej kimiktiliáj yo̱lka̱mej iga Dios. Iní̱n kijto̱jneki iga mo‑ijkuiloj Hebreos kua̱ꞌ aya asi año 70. Iná̱n ayꞌ ka̱naj onoꞌ ni se̱ sacerdote judío yej kimiktiliá yo̱lka̱mej iga iyofre̱ndaj Dios. (Num 15) iwá̱n kimiktiá yo̱lka̱mej iga Dios, iga Dios makiperdona̱ro la gente yej kichij yej aye̱kti. 2 Iwá̱n se̱ sacerdote kimati iga kichí̱waoꞌ no̱ yej aye̱kti, inó̱n iga kikne̱liá yej akimatij siga ayompa nemij iwá̱n pojpolijtinemij. 3 Iwá̱n iga sacerdote no̱ kichi̱wa yej aye̱kti, kimiktiá se̱ yo̱lka̱ꞌ iga Dios makiperdona̱rowili yej kichij yej aye̱kti, iwá̱n kimiktiá seꞌ yo̱lka̱ꞌ no̱ iga Dios makiperdona̱rowili la gente.
4 Ni agaj isé̱ltisan moyokata̱liá iga mamochi̱wa ije̱fej sacerdo̱tejmej, sino que ino̱nwaꞌ Dios kitapejpena iwá̱n kimaka inó̱n ye̱ꞌtekipáno̱l, ijkó̱n ken kichij wa̱n Aarón. 5 Ijko̱nsan no̱ Cristo, ayá̱ꞌ igá̱najsan mochij ije̱fej sacerdo̱tejmej, sino que Dios kijlij:
Tej tinopiltzi̱n;
a̱man nej nimochij motaj.† 5:5 Sal 2:7
6 No̱ kanaj ijkí̱n ijkuilijtoꞌ itájto̱l Dios:
Tej nochipa tonos iga sacerdote,
ijkó̱n kensan Melquisedec.
7 Kua̱ꞌ Cristo onoya ipan ta̱jli este cho̱gaꞌ iga kitajtanilij Dios iga makima̱nawi iga amo mamiki. Iwá̱n Dios kitajto̱lkaguiꞌ Cristo iga nochipa kichij ken Dios kineki. 8 Inó̱n iga Cristo, malej iga iPiltzi̱n Dios, kua̱ꞌ kikno̱chijkej, kimatiꞌ iga kua̱ꞌ nemi kikno̱chi̱waj, nemi kichi̱wa ken kineki Dios. 9 Iwá̱n iga Cristo nóchiya kichij yej kineki Dios, pan Cristo nochi iná̱n wel moma̱nawiá yej kichi̱wa ken yéj kijtowa. 10 Iwá̱n Dios kita̱lij iga Cristo mamochi̱wa ije̱fej sacerdo̱tejmej ken katka Melquisedec.
Amo xikajte̱waka̱n iyojwi Dios
11 De iní̱n yej ma̱joꞌ wel katka manimitzijli̱ka̱n, eꞌ nikmati iga pox difícil iga manimitzijli̱ka̱n inewi, iga amejeme̱n ayá̱ꞌ ankinekij xikentende̱ro̱ka̱n. 12 Ikyay anmomachtijtokej itájto̱l Dios, welja katka xitamachti̱ka̱n; eꞌ ankinékijoꞌ sej mamitzmachti̱ka̱n itájto̱l Dios ken se̱ yej pé̱waoꞌ iga kitoka Cristo. Amochijkej sej ken anselikmej, ken kua̱ꞌ aya wel antakuaj, ankinekij sej xikoni̱ka̱n chi̱chiwala̱ꞌ. 13 Iwá̱n yej chí̱chi‑oꞌ, aya kimati siga kichi̱wa yej ye̱kti o yej aye̱kti iga xó̱lo̱oꞌ. 14 Yej welja kitapejpenaj yej kichi̱waj katiapa yej ye̱kti iwá̱n katiapa yej aye̱kti, ino̱nwaꞌ ken tikita yej welja takuaj iga yo̱léjkeja.
*5:1 5:1 Nij tajtowa ken ónogoꞌ weyitio̱pan Jerusalén, iwá̱n ken ompa sacerdo̱tejmej kimiktíjkejoꞌ yo̱lka̱mej iga iyofre̱ndaj Dios. Ipan año 70, solda̱dojmej de Roma kixiti̱nkej weyitio̱pan Jerusalén, wa̱n ayꞌ má̱j wel ompa sacerdo̱tejmej kimiktiliáj yo̱lka̱mej iga Dios. Iní̱n kijto̱jneki iga mo‑ijkuiloj Hebreos kua̱ꞌ aya asi año 70. Iná̱n ayꞌ ka̱naj onoꞌ ni se̱ sacerdote judío yej kimiktiliá yo̱lka̱mej iga iyofre̱ndaj Dios. (Num 15)
†5:5 5:5 Sal 2:7