1  ✡ 21:1 2 पतरस 3:13ज्यान पासाण मी एक नोवालो जुग एने नोवाली देरतीह दिख्यो। काहाकाय पेल्लो जुग एने देरती आरताय जायेल एतो, एने देरीयो बी नाह रियेल एतो। 2  ✡ 21:2 प्रकाशितवाक्य 3:12तेवी पुशो मी चोखालो हियोर नोवालो यरूशलेम, बोगवानान उगे रेन आमरा वोवड़ान केरता तियार वोवड़ीन गेत हेरगाम रेन नेचो उतेरतालो दिख्यो। 3 पुशो मी राजगादि माय रेन कुणी तीबी मोठेस आयड़ीन ज्यो केतालो होमल्यो: “दिखो, एवी बोगवानान गेर माणहान विची माय हे! एने बोगवान ता हिऱ्यो रेय, एने ता तान माणहे एती। बोगवान खुद ता हिऱ्यो रेय, एने तान बोगवान एय। 4 बोगवान तान डोलाम रेन आखा आहवा नुस देय। एने ज्यान पासाण मोत, दुख, रेड़नो नाय रेय, एने पिड़ा बी खेतेम एय जाय। काहाकाय जुनाल्यु वातु एवी गायेब एय गीयो।”

5 पुशो जो राजगादि पोर बोह रियेल ईतो तो केयो, “दिखो, मी आखी वातुह नोवाली केर देथु!” एने तो माहु ज्यो बी केयो, “ज्यो लिख ली, काहाकाय ज्यी वातु खेरली एने बोरहान लायकीन हे।” 6 ज्यान पासाण तो माहु पोशो केयो, “ज्यी वात पुरी एय जायेल हे! मी अल्फा एने ओमेगा, सुरवात एने अन्त हे। जो कुण तिहल्यो हे ताह मी जीवणान जिरा माय रेन फुकेट पिणेन आदिकार आपुह। 7 जा माणहे जीत हासील केरी तास ज्‍यु वातुह मार फाय रेन सापड़ावती: एने मी तान बोगवान रेह, एने ता मार बेटा बेटी एती। 8 पुण बिणाराह, अविश्वास केरनारे, खाराब काम केरनाराह, खुन केरनाराह, सिनालो केरनाराह, जादु केरनाराह, मुरतीह पुजा केरनाराह, एने जुठ बोलनारान ईसो ता जोवरा माय रेय, जो आक्‍ठो एने गंदक केरीन हेलेगती रिथे, ज्यी दुसरी मोत हे।”

9 पोशो हात हेरोगदुता माय रेन एक फाय आखरी हात पिड़ा माय बोरायेल हात वाटका एता, तो मार हेऱ्यो आवीन माहु केयो, “न्या आव, मी तुवाह वोवड़ी मतलब मेंड्रान बायकुह देखाडुह।” 10 तेवी जीवान द्‍वारे मी ताबाम एनो, एने हेरोगदुत माहु एक मोटला एने उचाच बोयड़ा पोर ली गीयो। तो माहु चोखालो हियोर यरूशलेमाह देखाड्यो, तो बोगवाना फाय रेन हेरगाम रेन नेचो उतेरने बाजरियेल एतो। 11 एने बोगवानान बोड़ाय हेऱ्यो तो चोमेकणे बाजरियेल एतो। हियोर जुलूम मोंगालो देगड़ान, मतलब यशब ने गेत एने बिल्लोर ने गेत साप सुतरो चोमेकतालो। 12 ज्या हेयरान बितड़ा उचा एता एने बारा बायणा एता, एने ता बारा बायणा हेऱ्या राखवाली केरनेन केरता बारा हेरोगदुत एता। एने ता बायणा पोर इस्राएल ने बारा गेराणान नाव लिखेल एतो। 13 न्या माय रेन तीन बायणा दिह उगता उगे: उत्तर दिशान उगे तीन बायणा, दक्शिण दिशान उगे तीन बायणा, दिह बुड़ता उगे तीन बायणा एता। 14 ज्या हेयरान बितड़ा बारा पायान देगड़ा पोर बाणायेल एतो, एने एकेक पोर मेंड्रान बारा प्रेरितान नाव बारा लिखेल एतो। 15 जो हेरोगदुत माहु हिऱ्यो वातु केरने बाजरियेल ईतो, ता फाय हेयरा, बायणा, एने हेयरान बितड़ाह मोजणेन केरता होनान एक डेंगी एती। 16 हियोर चोवकट ने गेत एतो, तान लाम्बाय, चोवड़ाय बाराबोर एती। एने डेंगी केरीन हेयराह तो मोज लेदो: तो दुय एजार चार होव किलो मिटर निकल्लो, तान लाम्बाय एने चोवड़ाय बाराबोर एती। 17  * 21:17 उचो; नाहते मोठो। वचन 16 एने 17 माय, ग्रीक लेख माय बारा एजार मिटर कियेल हे, ज्यान जुलूम महत्व एय सिकेह।तेवी तो हेयरान बितड़ाह मोज्यो, ते तो एक होव चोवरेचाड़ीस मिटर निकल्लो, ज्यो माप माणहान माप ने गेत एतो जाह हेरोगदुत वापरेल ईतो। 18 हेयरान बितड़ो यशब नावान देगड़ा केरीन बुणेल एतो, एने हियोर साप सुतरा सिसान गेत चोखो होनान एतो। 19 एने ता हेयरान पाया आखी बातीन मोंगाला देगड़ा केरीन हिंगारेल एता। पिल्लो दिगोड़ यशब ने, दुसरो निलमणीन, तिसरो लालड़ीन, चोवथो पन्नान, 20 पाचवो गोमेद ने, साहवो माणिक्यन, हातवो पीतमणीन, आठवो पेरोज ने, नोववी पुखरान, दाहवो लहसनियान, आकरावो दुम्रकान्त ने, एने बारावो चंद्रकांत देगड़ान बुणेल एतो। 21 बारा बायणा बारा हिरान एता; एकेक बायणो एकुस हिरान बुणेल एतो। एने हेयरान सिड़ीक साप सुतरा सिसान गेत चोखो होनान एती।

22 तेवी मी हेयराम काल्लोस मोंदिर नाह दिख्यो, काहाकाय आखाह रेन ताकेतवालो मालीक बोगवान एने मेंड्रोस मोंदिर हे। 23 ता हेयराह दिह्यान एने चांदान उजालान जोरवुत नाह, काहाकाय बोगवानान तेज केरीन उजालो एणे बाजरेनोह, एने मेंड्रो तान दिवो हे। 24 देसा देसान माणहे तान उजाला माय चाला फिऱ्या केरती, एने दुनियान राजा जान तान मालदेन ता माय लावती। 25 ता हेयरान बायणा दिह्या केदी बी बोंद नाय एती, काहाकाय ता रात केदी नाय एय। 26 आखा देसान माणहे तान ईजुत एने मालदेन ता हेयरा माय लावती 27 पुण ता माय काल्ली बी एठी वोस्तु केदी बी रिग नाय सेकी, एने नाह खाराब काम केरनारे, एने नाह जुठ बोलणारे ता माय रिग सेकते। पुण तो माणुह ता हेयरा माय रिग सेकी जान नाव मेंड्रान जीवणान पुस्तेक माय लेखायेल हे।