1 उवतो यीशु दिख्यो काय मालदार जान तान दान मोंदिर ने दान पेटीम टाकणे बाजरेनाह। 2 तेवी यीशु एक गेरीब रांडायेल बायकुह बी मोंदिर ने दान पेटी माय दुय आना टाकताली दिख्यो। 3 तेवी यीशु केयो, “मी तुमूह खेरीच केथु काय जी गेरीब रांडायेल बायकु आखाम रेन वोदार टाकेल हे। 4 काहाकाय मालदार तान वोदार माय रेन थोड़ोक दान टाकेल हेते, पुण जी रांडायेल बायकु फाय जीवणेन केरता जो एतो तो आखो टाक दियेल हे।”

5 जेवी थोड़ाक चेला मोंदिर ने बाराम वात केरने बाजरियेल एता, काय जा कोहला होबाता देगड़ा एने बोगवानाह आपेल चिजी केरीन हिगार मेल्यह, ते यीशु केयो, 6 “ज्य आखो तुमू एवी देखणे बाजरेनाह, पुण ओहला दिह आवती ते ज्या आखाह ओदार देती, एने न्या एक बी दिगोड़ नाय रेय।”

7 चेला यीशुह फुशा, “एय गुरू, ज्य आखो केवीह एय? एने ज्‍यु वातु पुरी एणेन टेम माय काय निसाणी रेय?”

8 यीशु केयो, “तुमू जोगवीन रिवो ठेगाहो मा, काहाकाय जुलूम माणहे मारो नाव लेन आवीन केती, ‘मी तोच हे,’ एने केती काय टेम आहने आव लागेल हे। पुण तुमू तान पासाण मा जात रिहो। 9 जेवी तुमू लेड़ाय एने देंगान खुबेर होमेलहो ते गाबराहो मा, काहाकाय ओहलो पेल एणेन जोरेवरी हे; पुण ती टेम माय चालोच खेतेम नाय एय।”

10 तेवी यीशु ताह केयो, “एक जाती दिहरी जाती पोर एने राज पोर राज लेड़ाय केरी, 11 एने मोट मोटला बुकम्प एती, एने जागा जागा काल पोड़ी एने बेमारी आवी, एने जुगाम रेन जुलूम बयंकर गेटना गेड़ती एने मोट मोटली निसाणी देखाय। 12 पुण ज्यो आखो एणेन पेल मार नावान कारेण तुमूह देरीन वेला केरावती, एने पोंचा माय होपती, एने जेली माय कोंडती, एने राजान एने आदिकारीन सामने ली जाती। 13 ती टेम माय तुमूह मारी हाजाली खोबरीन बाराम गोवाय देणेन टेम जुड़ जाय। 14  ✡ 21:14 लुका 12:11,12आमु आपणे आपाह किहीक वोचाड़हु ज्यान बाराम मोना माय पेलुच रेन फिकेर मा किरहो। 15 काहाकाय मी तुमूह ओहली इकेल एने बोल आपुह काय तुमरा आखा विरोदी तुमरी हेऱ्या सामनो एने जापाप नाय आप सेकती। 16 तुमरा आहख आबोख, एने बाहख, एने तुमरा गेरल्या एने जोड़ीदार बी तुमूह देरावती; एने तुमरे माय रेन थोड़ाक माणहाह माराव देती। 17 मार नावान कारेण आखा माणहे तुमू हेऱ्या दुसमोनाय केरती। 18 पुण तुमरे मुंडीन एक लेट्यो बी उखली नाय। 19 तुमू दिर खाहो ते तुमरा जीवाह वोचाड़ लिहो।

20 “जेवी तुमू यरूशलेमाह जुलूम सिपाया केरीन कोंडायेल दिखहो, ते सोमजी जाज्यो काय ज्यो खेतेम एण्यो हे। 21 ते जा माणहे यहुदिया माय एती ता बोयड़ा पोर नाह जाय; एने जा यरूशलेमान माय एती ता बाहेर निकेल जाय; एने जा गावा माय एती ता पोशा यरूशलेम हेयराम नाय जाय। 22 काहाकाय ता दिह डेंड आपणेन रेती, एने जो वचन माय लेख मेल्यह तो आखो पुरो एय जाय। 23 ता दिह्या माय जी पेटावाली एने आतल्या सोराह बुजो खावाड़तेय, त्युन केरता हाय, हाय! काहाकाय ता दिह्याम ज्यी देरती पोर जुलूम पिड़ा आवी एने ज्या माणहा पोर बोगवानान मोटलो राग बोड़की। 24 ता तालवारी केरीन माराय जाती, एने आरापी बोणीन आखा देसाम पोचाड़ाय जाती; एने टेम पुरो एणे वोर बिगेर यहुदिन माणहे यरूशलेमान माणहाह चेंदती।

25  ✡ 21:25 प्रकाशितवाक्य 6:12,13“दिह, एने चांद, एने ताराम निसाणी देखाय, एने देरीयो गेरजी एने जावटा आवती ते दुनियान आखा माणहे तेकलीत माय पोड़ीन गाबराय जाती। 26 बिय ने कारेण देरती पोर आवणी गेटनान वाट जोवते जोवते माणहान जीवाम जीव नाय रेय, काहाकाय जुगान ताकेत आलाड़ाय जाय। 27  ✡ 21:27 प्रकाशितवाक्य 1:7तेवी ता माणहान बेटाख ताकेत एने मोटली बोड़ाय हिऱ्यो वादला पोर आवताला देखती। 28 जेवी ज्‍यु वातु एणे बाज रेती, ते उबरीन तुमरो मुंड उपेर किरज्‍यो; काहाकाय तुमरो सुटकारो आहनेच रेय।”

29 यीशु ताह एक किस्सो बी केयो: “अंजीर ने जाड़ एने आखा जाड़ाह दिखो। 30 जिहकेरीन अंजीरान डिरा फुटने बाज जाथे, ते तुमू देखीन खुद जाण जातेह काय उनालो आहने हे। 31 तिहेच केरीन जेवी तुमू ओहल्यु वातु एताल्यु दिखहो, तेवी जाण जाज्यो काय बोगवानान राज आहने हे।

32 “मी तुमूह खेरीच केथु काय जाह वोर ज्‍यु आख्‍यु वातु पुऱ्यू नाय एय, ताह वोर ज्यी पिढीन माणहे खेतेम नाय एती। 33 जुग एने देरती टेल जाय, पुण मार वचन केदी नाय टेली।

34 “तानकेरता जोगवीन रिवो, तुमरो मोन साकवालो एन खुमारी माय नाय रेणु जुवे, एने जीवणान फिकरीह रेन मोंदड़ालो नाय एणे जुवे, नाहते ता दिह तुमरी पोर फासान गेत उचकाहुच आव जाती। 35 काहाकाय तो आखी देरती पोर रेणारे आखा माणहा पोर इहीचकेरीन आव पोड़ी। 36 तानकेरता जागताला रिवो, एने देर टेम विन्ता किरते रिवो; तेवी ज्यी आवणार आखी गेटनाह रेन वोचहो एने माणहान बेटाख ने ओंगाण उब रेणेन लायेक बुणो।”

37  ✡ 21:37 लुका 19:47यीशु दाड़ीन मोंदिर माय जाईन हिकाड़तालो, एने राती बाहेर जाईन जेतुन नावान बोयड़ा पोर रेया केरतालो। 38 एने दाड़ीन दिह उठ्यान वेगाच आखा माणहे यीशुन वात होमेलनेन केरता मोंदिर माय ता फाय आया केरताला।