1 शाऊल स्तिफनुसान मोतीम बेचकायेल ईतो,

तेदिस रेन यरूशलेम वाली मोंडली पोर जुलूम सेताव आवो। तानकेरीन प्रेरिताह सोड़ीन आखा विश्वासी यहुदिया एने सामरीया देसा माय खोवलाय गीया। 2 एने थोड़ाक जा बोक्ती केरनारे एता ता स्तिफनुसाह माहणा माय मेल्या एने तानकेरता जुलूम रेड़ना।

3  ✡ 8:3 प्रेरितान काम 22:4,5; 26:9-11पुण शाऊल मोंडलीह उजाड़तालो; एने गेरा गेरा माय रिगीन विश्वासी एदम्याह, एने बायकुह गीहली गीहलीन जेली माय कोंडतालो।

4 जा विश्वासी माणहे खोवलाय जायेल एता, एने जाहरी बी गीया ताहरी ता हाजाली खुबेर होमलाड़तेन फिरना। 5  * 8:5 मुखी हियोर; थोड़ाक लेख माय एक हियोर।एने फिलीपुस नेचो सामरीया हेयरा माय जाईन माणहा माय मसीन पारचार केरने बाज गीयो। 6 तेवी ता फिलीपुसान वातु होमलीन एने जा चोमेत्कार तो देखाड़तालो, ताह देखीन एक एन वचना पोर मोन लागाड्या। 7 काहाकाय जुलूम माणहा माय रेन बुतड़ा जोरेस आयड़ीन बाहेर निकील गीया, एने जा लोखवा वाला एने पांगला माणहे एता, ता माय रेन जुलूम माणहे हुदरी गीया। 8 एने ता हेयराम जुलूम खुसी एनी।

9 मोकतास दिह्यान पेल ता हेयरा माय शिमोन नावान एक माणुह एतो, तो जादु केरीन सामरीयान माणहाह बोंगलाड्या केरतालो। एने सोताह मोटलो माणुह सोमेजतालो। 10 आतल्या रेन डावाला वोर तान मान मेलीन केताला, “ज्यी माणहान ताकेत नाह बोगवानान ताकेत हे जी मोठी केवाथे।” 11 तो ताह मोकता दिह्यान तान जादु केरीन बोंगलाड़ मीलेल ईतो, केरीन ता ताह जुलूम मानताला। 12 पुण जेवी ता फिलीपुसान खुबेर पोर बुरहो केऱ्या जो बोगवानान राज ने एने यीशु मसीन नावा माय हाजाली खुबेर होमलाड़तालो, ते एदमी एने बायकु बपतीस्मा लेणे बाज गीया। 13 तेवी शिमोन बी बुरहो केरीन बपतीस्मा लेन फिलीपुस हिऱ्यो रेणे बाज गीयो, तो मोट मोटली निसाणी एने चोमेत्कार ने काम एताला देखीन बोंगलाय जातालो।

14 जेवी यरूशलेम माय रेणारे प्रेरित होमल्या काय सामरी माणहे बोगवानान वचन मान लेदाह तेवी ता फाय पतरस एने योहानाह मोकल्या। 15 पतरस एने योहान ताहरी आवीन विश्वासीह चोखालो जीव जुड़ी केरीन विन्ता केऱ्या। 16 काहाकाय ताह वोर चोखालो जीव ताम रेन कुणा पोर बी उतरेल नाह एतो, ता ते फोक्‍तो मालीक यीशुन नावा माय बपतीस्मा लियेल एता। 17 तेवी पतरस एने योहान ता पोर आथ मेल्या, एने ताह चोखालो जीव जुड़नो।

18 जेवी प्रेरितान आथ मेलताच चोखालो जीव जुड़ेह। ज्यो देखीन शिमोन ता फाय पोयशा लावीन केयो, 19 “जा पोर बी मी आथ मेलु ताह चोखालो जीव जुड़ी ओहलो आदिकार माहु बी आपो।”

20 तेवी पतरस ताह केयो, “तारा पोयशा तार हेऱ्याच खेतेम एय, काहाकाय तु बोगवानान दानाह पोयशा आपीन वेचातो लेणेन विचार किरेल हे! 21 ज्यी वातीन नाह तारो ईसो हे नाह वाटो, काहाकाय तारो मोन बोगवानान ओंगाण हुतरो नाह। 22 तानकेरता तारी ज्यी खाराबी माय रेन मोन बोदलीन मालीका फाय विन्ता केर, एय सेकी ते तारा मोनान विचार माफ केराय जाती। 23 काहाकाय माहु मालुम हे काय तारो मोन माणायीन अन्याय माय फोस रेनोह।”

24 तेवी शिमोन ताह केयो, “तुमू कियेल त्यु वातुम रेन काल्ली बी वातु माहु पोर नाय आवणे जुवे, केरीन मार केरता बोगवाना फाय विन्ता किरो।”

25 ओवता पतरस एने योहान पुरावो दितेन एने मालीकान वचन होमलाड़ीन, यरूशलेम माय आव लागा, एने आवणे बुखेत सामरीयान जुलूम होवटा गावा माय हाजाली खुबेर होमलाड़ते गीया।

26 ओवतो बोगवानान एक हेरोगदुत फिलीपुसाह केयो, “दक्शिण उखेरली वाटे जा ज्यी यरूशलेम लागती गाजा माय जाथे, ती रेटान वाट हे।”† 8:26 दक्शिण; नाहते ठिक हिराण पोर ज्यी वाट आज काल वापेर नाह ईत; ज्यी उजाड़ीन वाट हे। 27 ओवतो फिलीपुस उठीन चाल दिनो, एने तेवी कुश देसान एक माणुह आवणे बाजरियेल ईतो, जो खोज्या एने कुशीन राणी कन्दाकेन मोंत्री एने खजानान मालीक ईतो, तो बोक्ती केरनेन केरता यरूशलेम आयेल ईतो। 28 एने तो तान तांगा माय बोहीन यशाया जाणाव केरनारान पुस्तेक वाचतेन जाणे बाजरियेल ईतो। 29 तेवी चोखालो जीव फिलीपुसाह केयो, “जा तांगा वाला हिऱ्यो चाल पोड़।” 30 फिलीपुस तान उगे दोवड़ीन गीयो। एने ताह यशाया जाणाव केरनारान पुस्तेक वाचतालो होमलीन ताह केयो, “जो तु वाचेह तो तुवाह सोमजेह काय?”

31 मोंत्री ताह केयो, “जाह वोर कुण बी माहु सोमजाड़ नाय देय ताह वोर मी किहीक सोमजु?” एने तो फिलीपुसाह विन्ता किऱ्यो काय चेड़ीन ता हिऱ्यो बोही। 32  ‡ 8:32 यशाया 53:7-8चोखाली पुस्तेक माय जो वचन वाचणे बाजरियेल ईतो, तो ज्यो एतो:

34 ज्यी वाती पोर रेन खोज्या फिलीपुसाह फुशो, “मी तुवाह विन्ता केरथु, तु माहु सोमजाड़ ज्यी वातु जाणाव केरनार कुणीन बाराम किथे, सोतान काय दिहरान बाराम?” 35 तेवी फिलीपुस ज्‍यीस पुस्तेकीन बागा माय रेन सुरवात केरीन ताह यीशुन हाजाली खुबेर होमलाड्यो। 36 ता वाटे जाता जाता एक पाण्यान जागे पोचना, तेवी खोज्या ताह केयो, “देख, न्या पाणी हे, एवी माहु बपतीस्मा लेणेन केरता काय रोक हे?” 37 फिलीपुस ताह केयो, “केदी तु पुरा मोना केरीन बुरहो किरेह ताहार लेय सिकेह,” तो ताह केयो, “मी बुरहो केरथु काय यीशु मसी बोगवानान बिटोख हे।”§ 8:37 ज्यो वचन थोड़ाक हस्त लेख माय नाह जुड़ेत

38 तेवी आदिकारी तांगो उबराखाड़ ने केयो, फिलीपुस एने खोज्या दुय पाण्याम गीया, एने फिलीपुस ताह बपतीस्मा आप्यो। 39 जेवी ता पाण्याम रेन निकलीन बाहेर आवा, तेवी मालीकान जीव फिलीपुसाह विस ली गीयो, एने खोज्या ताह पोशो नाह दिख्यो, एने तो मोंज केरतीन तान वाटे जात रिनो। 40 पुण फिलीपुस देख्यो काय मी अशदोद माय हे, एने जाह वोर केसरीया माय नाह पोचनो, ताह वोर एकेक हेयरा हेयराम हाजाली खुबेर होमलाड़ते गीयो।