तीमुथीयुस पौलुस ने लिखा हुआ दुसरा पत्र
तीमुथीयुस पौलुस लिखेल दुसरो पोत्रो
ओलखात
दुसरा तीमुथीयुस ने पुस्तेक प्रेरित पौलुसान चेलो तीमुथीयुस ने केरता दुसरो पोत्र हे। 2 तीमुथीयुस पौलुसान जीवणान सेवली टेम माय लेखाय जायेल एतो। 1:16 ज्यी टेम रोम माय ताह जेल माय कोंड दियेल एता। पौलुस तीमुथीयुसा हिऱ्यो मोजबुत समंद मेलीन एने कायेम ताह एक पोत्र निर्देश किरेल हे। फिलेपियो 2:22, 1 तीमुथीयुस 1:2–1:18
ज्यो पौलुसान चार पोत्राम रेन एक हे जाह मोंडली केणेन रेणदेन एगदा माणहाह संबोदित केराय जाथे। दिहऱ्यु तीन ओहल्यु पोत्रु 1 तीमुथीयुस, तीतुस एने फिलेमोन हेत्यु। ता टेमान दोवरान 2 तीमुथीयुस ने पोत्री लेखाय जायेल एती, जुलबुखे रोमन देसान विश्वासी माणहाह सेतावणे बाजरियेल एता। शायद ज्योस कारेण एतो काय पौलुस जेल माय ईतो एने तीमुथीयुसाह परिशानिन सामनो केरनेन केरता निर्देश आपतालो। 1 तीमुथीयुस ने रूप माय पौलुस तीमुथीयुसाह जुठा मास्तेर्यान बाराम चेतावणी आपेल। 1 तीमुथीयुस 1:16-18 एने तो तीमुथीयुसाह बी केणे काय ओंगाण केठीण टेम रेय। 3:1
रूपरेखा
1. पौलुस तीमुथीयुसाह शाबास आपेह एने पुशो ताह प्रोत्साहित किरेह। 1:1-18
2. तो तीमुथीयुसाह ओंगाण जाणेन केरता चुनोती आपेह। 2:1-13
3. तो ताह थोड़ाक सामान्य निर्देश आपेह। 2:14-26
4. ओवतो तो ताह बविष्यान गेटनान एने जापाप आपणेन खेरलो तरीको किथे। 3:1–4:8
5. पौलुस तीमुथीयुस ने केरता थोड्युक व्यक्तिगत टिप्पणि हिऱ्यो खेतेम किरेह। 4:9-22
1
नमस्कार
1 पौलुस ने उगे रेन मसी यीशु माय जो जेलेमक्यो जीवाय ने वायदो हे, तान बाराम गोसणा केरनेन केरता बोगवानान मोरजीन गेत प्रेरित हे, 2 ✡ 1:2 प्रेरितान काम 16:1मोंगाल्ला सोरा तीमुथीयुस ने नाव:
आबोख बोगवान एने मसी यीशुन उगे रेन तुवाह किव एने गीण एने सान्ती जुड़ते रेय।
दन्यवाद एने उत्साहित केरने
3 मी मारी विन्ता माय रात दिह तुवाह एर केरीन बोगवानान दन्यवाद केरथु, जान सेवा मी मारा डायडायान रिती पोर चोखाला मोना केरीन केरथु, 4 एने तार आहवान एर केरीन तुवाह मिलनेन जुलूम आसा केरथु, काय तुवाह देखीन खुसी माय बोराय जाव। 5 ✡ 1:5 प्रेरितान काम 16:1माहु तारा ता बिगेर कोपेट बोरहान एर आवीह, जो पेल तारी डावाली आहख लोइस एने तार आहख यूनीके माय एत्यु, माहु बुरहो हे काय तोस बुरहो तार माय बी हे। 6 ज्यानकेरता मी तुवाह एर केरावथो काय तु ता वरदानाह जीवतालो मेल जो तार उपेर मार आथ मेलनेन द्वारा बोगवान तुवाह आपेल हे। 7 काहाकाय बोगवान आमुह बिय ने नाह पुण ताकेत ने, मोंग ने एने दिरान जीव आपेल हे।
8 तानकेरता आमरा मालीकान हाजाली खोबरीन गोवाय केरीन, एने माहु रेन जो मसीन केयदी हे लाजवाहे मा, पुण ती ताकेत जी बोगवान तुवाह आपेल हे, तान गेत मार हिऱ्यो दुख उखलीन। 9 तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती। 10 पुण एवी आमरा सुटकारो केरन्या यीशु मसीन आवणेन द्वारे देखानो, जो मोतीन ताकेतीह खेतेम किऱ्यो एने जेलेमक्या जीवणान हाजाली खोबरीन द्वारा देखाड्यो। 11 ✡ 1:11 1 तीमुथीयुस 2:7तानकेरता मी हाजाली खोबरीन गोसणा केरनेन केरता बोगवान माहु प्रेरित, एने मास्तेर ठेरायेल हे। 12 ज्यानकेरता ज्यो दुख मी वेठथु, तीबी लाजवात नाह, काहाकाय मी जा पोर बुरहो किरेल हे, ताह मी जाणथो; एने माहु बुरहो हे काय तो मार ईसाह ते दिह वोर राखवाली केर सिकेह।* 1:12 तो माहु बोरहा केरीन सुरो बाणायो; नाहते मी तान बोरहा केरीन सुरो बोणनु। 13 जीहे काय तु मार फाय रेन होमलेल हे काय मालीक यीशु मसीन बुरहो, मोंग एने हाजाली हिकवोणान नमुनो बाणाव। 14 एने चोखाला जीवान द्वारे जो आमु माय बोह रेनोह, ज्यी हाजाल्यु वातुन राखवाली केर।
15 जा बुरहो केरनारे माणहे आसीया खेड़ा माय हेते, ता मार हेऱ्या रेन सेटा एय गीयाह, ज्यो तुवाह मालुम हे; जा माय फुगीलुस एने हिरमुगीनेस न्या हेते। 16 उनेसीफुरूसान गेराणा पोर मालीक गीण केरी, काहाकाय तो जुलूम वार माहु हुक पोचाड़ेल एने ताह मार बेड्या एने हाकुल माय बांदायेन लाज नाह आवीत। 17 पुण जेवी तो रोम माय आवो, ते जुलूम मेहनेत केरीन होदिन मार हिऱ्यो मिलानो। 18 ते दिह मालीक फाय रेन ताह गीण जुड़ी, ओहलो मालीक केरी; एने इफिसुस माय जो जो सेवान काम किरेल हे तु हास केरीन जाणेह।