पतरस लिखा हुआ पहला पत्र
पतरस लिखेल पेल्लो पोत्रो
ओलखात
पेल्ला पतरसान पोत्री प्रेरित पतरसान द्वारा लेखाय जायेल एती। पतरस ज्यो केयीन तान पोत्र सुरू किरेह काय तो कुण ईतो एने कुणीन केरता तो लेखणे बाजरिनोह। पतरस ता आखा बुरहो केरनारा माणहाह पोत्रान निसाण देखाड्यो जा ताह “एंजाण्या” केया 1:11:17 एने 2:11 ता तान वाचणारान इहकेरीन जुलूम वार संदर्बित किरेल हे, काहाकाय ता आलेग आलेग देसा माय वेराय रियेल एता। काहाकाय ज्यो पोत्र पौलुसान इफिसीयोन पोत्रीन गेत हे, कोलाक माणहे मानतेह काय मसीन जेल्मान 65 वोरह्या पासाण इफिसीयोन पोत्रीन पासाण पेल्ली पोत्री लेखाय जायेल। पतरस रोम माय रेन ज्यो पोत्र लिखेल ईतो जाह तो बाबुल केयो। 5:13
पतरस किथे, “ज्या पोत्राह तो तुमूह ओंगाण केरने एने ज्यो मोजबुत केरनेन केरता लिखेल हे काय ज्यी बोगवानान खेरली गीण हे।” 5:121 पतरस 2:11–3:7इफिसीयो 5:18–6:9 एने कुलीसियो 3:18–4:6 विचीम जुलूम हारको हे। ज्यु तीन बागा माय कुटूमान नातो एने आदिकाराह पालेन केरनेन बाराम निसाण जुड़ेह। तो दुखाऱ्याह दुखाम मोजबुत रेणेन केरता तियार केरने काहाकाय सेवल्यो टेम आहने हे। 4:1
रूपरेखा
1. पतरस सोतान ओलखात किरेह एने वाचणाराह किथे। 1:1-2
2. उवतो तो सुटकारान केरता बोगवानान दन्यवाद किरेह काय ता आखा सोमजी लेय काय ज्यान मतलब तान जीवणान केरता काय हे। 1:3–2:10
3. तान बाद तो बुरहो केरनाराह निसाण आपेह काय दुनिया माय हास केरीन रेणु हे एने एदमी एने बायकु एने पावोर एने मालीकान विचीम बात बातीन नाताह देखाड़ीह। 2:11–4:11
4. तान पासाण पतरस नाराज एणे बुखेत ताह मोजबुत खुस किरेह। 4:12–5:11
5. तो सेवली वार तान पोत्रीह लेखणे बोंद किरेह। 5:12-14
1
नमस्कार
1 पतरसान उगे रेन जो यीशु मसीन प्रेरित हे, जा बोगवानान निवाड़ेल हेते, पुन्तुस, गलातीया, कप्पदुकिया, आसीया एने बेतनिया माय पोरदेसी एन रेतेह, 2 तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय,
तुमूह गीण एने सान्ती जुलूम काय जुलूम जुड़ते रेय।
एक जीवताली आसा
3 आमरो मालीक यीशु मसीन आबाख बोगवानान बोड़ाय एय, जो यीशु मसीह मुरेल माय रेन जीव उठाड़ीन, तान मोटली गीण केरीन आपुह जीवताली आसान केरता नोवालो जेल्मो आपेल हे। 4 काय ता आदिकाराह सापड़ावे जो बोगवाना फाय रेन जुड़ेह, जो खेतेम नाह एणार सोतो, हाजो एने जेलेमक्यो हे तो तुमरी केरता हेरगा माय मीलेल हे; 5 तुमरी राखवाली बोगवानान ताकेत ने द्वारे बोरहा केरीन ता सुटकारान केरता जो सेवल्या टेम माय देखाण्यो हे। 6 तानकेरता तुमू जुलूम खुस हेते, एने जोरेवरी हे काय तुमूह एवी थोड़ाक दिह्यान केरता बात बातीन पारेख ने वोजेसे दुख बोगणे पोड़ी; 7 ज्यो ज्यानकेरता एनो काय तुमरो बुरहो पारखाय जाए, चोखालो निकले, एने मोजबुत रेय जिहकेरीन खेतेम एणार होनान पारेख आक्ठा केरीन केरनु ता होनाह रेन बी जादा किमतीदार बुरहो हे, तो यीशु मसीन आवणेन टेम पोर ईजुत एने बोड़ाय एने आदर ने कारेण ठेराय। 8 तुमू ताह नाह देख्या, तीबी तुमू ताह मोंग केरतेह, एने एवी ता पोर बिगेर देखीन बी बुरहो केरीन ओहला खुस एने खुसी एतेह काय केणेन बाहेर एने बोड़ाय केरीन बोरायेल हे; 9 एने तुमरा बोरहान फोल मतलब जीवान सुटकारो सापड़ावतेह।
10 ज्यास सुटकारान बाराम ता जाणाव केरनारे जुलूम हास केरीन होद लागाड्या, जा ता गीणान बाराम जो तुमरी पोर एण्यो एतो, जाणाव किरेल एता। 11 * 1:11 तो टेम केवी एय एने तो टेम किहीक आवी; तो कुण एय एने काहरी एय।ता जाणाव केरनारे मसी पोर आवण्या दुखान टेमाम एने ती बोड़ाय जी ज्या दुखान पासाण देखाय ज्यान होद मसीन जीवा केरीन केऱ्या जो ता माय एतो। 12 बोगवान ता जाणाव केरनाराह देखाड्यो काय ता सोतान नाह पुण तुमरी सेवान केरता ज्यु वातु केऱ्या केरताला, जान खुबेर एवी तुमूह तान द्वारा जुड़नी जा चोखाला जीवान उगे रेन, जो हेरगाम रेन मोकलाय गीयो, तुमूह हाजाली खुबेर होमलाड्या; एने ज्यु वातुह हेरोगदुत बी हास केरीन देखणेन आसा मेलतेह।
चोखालो जीवन जीवणेन हादावणी
13 तानकेरता आपणी आपणी एकलीन कोमेर बांदिन, एने होमालीन रेन ती गीणीन पुरी आसा मीलो, जो यीशु मसीह आवण्या टेमा माय तुमूह जुड़न्यो हे। 14 वात मान्नारा सोरान गेत आपणी विणएकलीन टेमान जुनाला मोरजीन होस मा बुणो। 15 पुण जोहलो तुमरो हादणार चोखालो हे, तिहेच केरीन तुमू बी तुमरा आखा बोलना चालना माय चोखाला बुणो। 16 काहाकाय लिखेल हे, “चोखाला बुणो, काहाकाय मी चोखालो हे।” 17 एने जेवी तुमू “एय आबा” केयीन ताह विन्ता केरतेह, जो बिगेर बेदबाव आखान कामान गेत नियाव किरेह, ताहार तुमू देरती पोर रेणेन बुखेत बिते लेन जीवो। 18 काहाकाय तुमू जाणतेह काय तुमरो खाराब बोलनो चालनो जो डायडाया रेन चालते आवणे बाजरेनोह, ताकेरीन तुमरो सुटकारो होना चांदी मतलब खेतेम एणार चिजीन द्वारा नाह एनो; 19 पुण निर्दोस एने विणढाग्यो गीदल्यो, मतलब मसीन किमतीदार लुयीन उगे रेन ईयेल। 20 बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो। 21 तान द्वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।
22 जेवी तुमू बायबांडलान केरता बिगेर कोपेट मोंग ने केरता खेरायीह पालेन केरीन तुमरा मोनाह चोखा किरेल हेते, ते पुरो मोन लागाड़ीन एका दिहरा हेऱ्या जादा मोंग किरो।† 1:22 तुमरा पुरा मोना केरीन; थोड़ाक लेख माय चोखा मोना केरीन लिखेल हे। 23 काहाकाय तुमू खेतेम एण्यो नाह, पुण खेतेम नाह एणार बिजा केरीन बोगवानान जीवतालो एने कायेम रेणार वचनान द्वारा नोवालो जेल्मो सापड़ायेल हेते।✡ 1:23 यशाया 40:6,7 24 काहाकाय पुस्तेक माय लिखेल हे:
“आखा माणहे खेड़ान गेत हेते,
एने तान आखी होबा खेड़ान फुलान गेत हे,
खेड़ हुक जाथे, एने फुल ओदरी जाथे।✡ 1:24 यशाया 40:8
25 पुण मालीकान वचन कायेम टिकीन रीथे।”
एने ज्योस हाजाली खोबरीन वचन हे, जो तुमूह होमलाड़ेल एतो।