2
जीवतालो दिगोड़ एने तान निवाड़ेल माणहे
1 तानकेरता आखो खाराबपोणा एने दुसमोनी एने कोपेट एने कुयराय एने चिहटाह निकाल दिवो। 2 नोवालो सोरो पायदा ईयेल ने गेत चोखो जीवावाला दुदान आसा किरो, काहाकाय तान उगे रेन सुटकारो जुड़नेन केरता वोड़ते जावो, 3 जीहे काय वचन किथे काय तुमू आपाप जाण जायेल हेते काय मालीक कोलोक हाजो हे।
4 एवी ता जीवताला देगड़ा फाय जाईन जाह माणहे ते ठोकराव दियेल एता, पुण तो बोगवानान नेजरी माय निवाड़ेल एने किमतीदार हे, 5 तुमू बी खुद जीवताला देगड़ान गेत जीवान गेर बोणती जातेह, ज्यानकेरता काय चाकर्यान चोखालो सोमाज बोणीन, ओहला जीवावाली बोली चेड़ावो जो यीशु मसीन द्वारा बोगवानाह पोटी। 6 काहाकाय चोखाली पुस्तेक माय लिखेल हे:
“दिखो, मी सियोन माय एक निवाड़ेल आदार ने दिगोड़,
मतलब कोपरान एक किमतीदार दिगोड़ बोहाड़थो,
एने जो ता पोर बुरहो किरेह, तो केदी लाजवाय नाय।”
7 केरीन तुमूह बुरहो केरनारान केरता तो दिगोड़ किमतीदार हे,
“पुण जा बुरहो नाह केरते तानकेरता जा देगड़ाह मिस्तऱ्या कायस कामान नाह सोमजीन काड़ दियेल,
तोस कोपरान दिगोड़ बोण गीयो,”
8 एने दिहरा पुस्तेक माय ज्यो बी लिखेल हे:
“ज्यो तु दिगोड़ हे जो माणहाह ठेच पोचाड़नेन कारेण बोणी,
ज्यो दिगोड़ माणहाह ठोकेर खावाड़ीन पाड़ी, एने ता ठोकेर खाती,”
काहाकाय ता बोगवानान वचन पोर बुरहो नाह केरती। एने ज्यीस तान केरता बोगवानान मोरजी एती।
9 ✡ 2:9 तीतुस 2:14पुण तुमू ते एक निवाड़ेल वोस, एने राजकिय चाकर्यान सोमाज, एने चोखाला माणहे, एने बोगवानान सोतान माणहे हेते, ज्यानकेरता काय जो तुमूह आदारलाम रेन तान मोटला उजालाम हादेल हे, तान गुण देखाड़ो। 10 तुमू ते पेल बोगवानान माणहे नाह एता पुण एवी बोगवानान माणहे हेते; तुमूह गीण जुड़ेल नाह एती, पुण एवी तुमू पोर गीण एनीह।
बोगवानान सेवक
11 एय मोंगाल्ला, मी तुमूह विन्ता केरथु काय तुमू सोताह पाराया एने एंजाणल्या सोमजीन ता सारिरीक मोरजीह रेन सेटा रिवो, जो जीव कायेम तुमरे विरोद लेड़ाय केरती रिथे। 12 बिगेर यहुदिन विची माय आपणो बोलनो चालनो हाजो बाणावीन मीलो, ज्यानकेरता काय ज्यु वातु माय ता खाराब काम केरनारे सोमजीन तुमरी चिहटा केरतेह, त्युस वातु माय तुमरा हाजाला कामाह देखीन नियावान दिह बोगवानान बोड़ाय केरी।
13 मालीकान केरता माणहे ठेरायेल एक एक जाण आदिकारीन ताबाम रिवो। 14 राजान ताबाम रिवो। तु मुठलो आदिकारी हे, एने आदिकारीन ताबाम रिवो, ताह बोगवान खाराब काम केरनाराह डेंड आपणे एने बोलो काम केरनाराह साबासकी आपणेन केरता मुकलेल हे। 15 काहाकाय बोगवानान मोरजी ज्यी हे काय तुमू हाजो काम केरीन विणएकलीन वातु बोलनारा फोगा माणहान मुय बोंद केर दिहो। 16 सुटेल माणहान गेत जीवणो जीवो, पुण तुमरा सुटकारान वापेर खाराब वात्युह लीकाड़नेन केरता मा किरो; पुण सोताह बोगवानान सेवक सोमजीन चालो। 17 आखान मान मीलो, बायबांडलाह मोंग किरो, बोगवानाह बिवो, राजान मान मीलो।
मसीन दुखान किस्सो
18 एय पावोर, तुमू बिते लेन तुमरा मालीकान ताबाम रिवो, जा हाजा एने गेरीब हेते तास ने नाह, पुण जा वातड़ा मोनावाला हेते तान बी ताबाम रिवो। 19 जेवी एगदो गेलेत एतालोन बोगवानान केरता दुख विठेह ताहार तो हाजो हे। 20 जेवी तुमू पाप केरतेह एने तुमरी हेऱ्यो खाराब वेवार ईथे, तेवी केदी तुमू ताह सेहेन केर लेतेह ताहार ज्या माय बोड़ाय केरनेन काय वात हे? पुण केदी तुमू हाजो काम केरीन दुख वेठतेह एने दिर देरतेह, ताहार ज्यो बोगवानाह पुटीह। 21 एने तुमू ज्यास ने केरता हादाड़ाय जायेल हेते, काहाकाय मसी बी तुमरी केरता दुख वेठीन तुमूह एक हाजी निसाणी आप जायेल हे काय तुमू बी तान पायरा पोर पाय मेलीन चाले। 22 तो पाप नाह किऱ्यो, एने तान मुयाम रेन कोपेट ने काल्ली वात नाह निकेलनी। 23 यीशु जुलनो होमलीन जुलतालो नाह, एने दुख वेठते लेन कुणीह बी दोमकी नाह देतालो, पुण सोताह बोगवान जो नियाव केरनार हे ता पोर तुमरी आसा बोणावीन मीलो। ✡ 2:23 यशाया 53:5 24 यीशु खुद आपणा पापाह तान सेरीर पोर लेएन खुरूसखाम पोर चेड़ गीयो, ज्यानकेरता काय आपणा पापान केरता मोरी एने नियाव केरनारान केरता जीवे: तान मार खाणे से तुमू हुदरी जायेल हेते। ✡ 2:24 यशाया 53:6 25 काहाकाय तुमू पेल मेंड्रान गेत बोटेकताला, पुण एवी तुमरा जीवान राखवाल्या एने गोवाल्या फाय पोशा वोलीन आयेल हेते।