120
1 Egu lalo-hisihisi ai Iehova na tai henia,
baine haere henigu totona.
2 Nato: Iehova e,
koikoi bibinadia bona hedibagani maladia amo ba hamaurigu.
3 Hedibaḡani malana e, dahaka baine henimu?
ede ma baine kara henimu toma?
4 Tuari tauna ena diba mai matadia,
roteme*“Roteme” na au ta ladana Heberu gado ai. audia e aramu gidadia.
5 Madi ihabaigu, Mesek ai na noho hedoamu,
Kedara kalagadia bogaragidiai na nohomu.
6 Egu noho vada eme daudau herea,
maino e inai heniamu taudia bogaragidiai.
7 Lau na maino na uramu,
a na herevamu negadia ai,
idia na tuari e uramu.