1 Si ɑnyii nŋu, ǹ yɛ nyindɑ ɡɔ mɑ́ lelei Aɔ̃, í lɑ́ nɔ í nɛ njo. Iyi ǹ yɛ wee, ɑmɑlekɑ mɛɛje ɡɔ ŋɑ ɑ̀ wɑɑ mu ijuukpɑ̃ mɛɛje. Aŋɑi ɑ̀ jɛ ijuukpɑ̃i ɑnkɑ̃ɑnyi domi si bɛi idɔɔkɔ̃i Ilɑɑɔ̃ ɑ́ tɑ̃.

2 Ŋɔi ǹ yɛ tenku ɡɔ wɑ dɑɑnɑ bɛi diɡi í yɔɡɛɛ do inɑ. Nɔ ǹ yɛ inɛ ŋɑ iyi ɑ̀ jɛ iŋɑi sɑkou iɡũ do mii iyi ɑ̀ ɡbeu * mii iyi ɑ̀ ɡbeu idei mii iyi ɑ̀ ɡbe í jɔ iŋɑ sinteui wɑ fɑ̃ɑ (cɔ Kuyɛ 13:14) do lɑmbɑi iriɛ. Inɛ ŋɑu ɑ̀ wɑɑ leekĩ si ɑntɑi tenkuu ɑ̀ wɑɑ mu mɔɔlɔ ŋɑ iyi Ilɑɑɔ̃ í nɑ ŋɑ. 3 À wɑɑ kɔ̃ irii Moizi, woo ce icɛi Ilɑɑɔ̃u, do ti Anɡudɑ̃u † Irii Moizii do ti Anɡudɑ̃u Inɛ ɡɔ ŋɑ si kuyɛ nŋɑ, ɑ̀ yɑ ni iri ikɑ̃ ikɑ̃ minjii. Inɛ ɡɔ ŋɑ mɔ ɑ̀ yɑ ni iri ɑkɑ̃i iyi wɑ fɔ bɛi Ilɑɑɔ̃ í fɑɑbɑ wɑ nɑ sɑɑbui Jesu Kirisi bɛi í tɑko í fɑɑbɑ inɛi Izirɛli ŋɑu nɑ sɑɑbui Moizi., ɑ̀ wɑɑ ni,

5 Si ɑnyii nŋu, iyi ǹ cɔ ilu nɔ ǹ yɛ ɑ̀ cĩ kpɑsɛ̃i Ilɑɑɔ̃ iyi í wɑ lele, tenɡi bii í jɛ bi kuwɑi ɑkɑbuuɛu. 6 Amɑlekɑ mɛɛje ŋɑ iyi ɑ̀ wɑɑ mu ijuukpɑ̃ mɛɛje ŋɑu ɑ̀ fitɑ hɑi kpɑsɛ̃u. À wɑɑ dɑsi nyɑu fũfũ iyi wɑ dɑɑnɑ nɔ ɑ̀ wɑɑ dĩ sɑntikii wurɑ si kpɑkɑ nŋɑ. 7 Ŋɔi inɛ ɑkɑ̃i mii ilu hunde mɛɛ ŋɑu í nɑ ɑmɑlekɑ mɛɛje ŋɑu fɑtɑi wurɑ ɑrɑ mɛɛje iyi í kɔ̃ do idɔɔkɔ̃i Ilɑɑɔ̃, nŋu iyi í wɛɛ hee do ɑjɔ fei. 8 Nɔ kpɑsɛ̃u í kɔ̃ do cuɑ iyi wɑ nɑɑ hɑi si ɑmboei Ilɑɑɔ̃ do ɡbuɡbɑ̃ɛ. Inɛ ɡɔ kɑɑ nɔ ku yɔkɔ ku lɔ si inɔɛ hee ijuukpɑ̃i ɑmɑlekɑ mɛɛje ŋɑu koo kpɑò iri.