10
ឞ្រាសយេឆូ អ៝ន់នាវទើយមាមពោលកោរាញអ៝សម៝ន
(មក ៣:១៣-១៩; លក ៦:១២-១៦)
1 ជេសរីឞ្រាសយេឆូ ក្វាល់ ១២ នុយ្សមពោលកោរាញអ៝សម៝នពាង់ នហ៝មាពាង់អ៝ន់នាវទើយមាខាន់ពាង់ ទើយមព្រើសឞ្រាសអ្យើសលោសឞើសឞូនុយ្ស នទ្រែលមាទើយជានឞាសទឹងលែៈនាវជីអាប់នតីលដ៝ង់។ 2 ១២ នុយ្សមពោលកោរាញអ៝សម៝ននៃ តានៃគែសល៝រឞូ ឆីមោន អីឞូក្វាល់ពេត្រោស ដ៝ង់ ជេសរីគែសអ៝សពាង់អ៝ន់ទ្រេ គែសយាកើ នទ្រែលមាអ៝សពាង់យោហាន អីក៝នឆេបេដេ * ១០:២៖ មថ ១៦:១៨ 3 គែសផីលីប គែសបារថោលោមេ គែសថោមាស គែសមាថាយ អីឞូនុយ្សក៝ប់ឆ៝ៈព្រាក់ប៝នលានមាអ៝ន់កោរាញម៝ត់អ្វាញ់ គែសយាកើ អីក៝នអាល់ផាយ គែសថាដេ * ១០:៣៖ មថ ៩:៩ 4 គែសឆីមោន អីឞូនុយ្សផូងកានាអាន * ១០:៤៖ ឞូនុយ្សអីឞូក្វាល់«ផូង កានាអាន »ខាន់ពាង់ផូង អីឆ្រាអែល ដ៝ង់ អុចមព្រើសផូង រោម ទូឞើសឞ្រីផូង អីឆ្រាអែល ។ ឞូក្វាល់លាសខាន់ពាង់«គើយ្ស»ដ៝ង់។ នទ្រែលមាគែសយូដាស-អីឆាការីយោត ឞូនុយ្សអីលែវឞូហាន់ញុបឞ្រាសយេឆូ ។* ១០:៤៖ មថ ២៦:៤៧-៥០
ឞ្រាសយេឆូ អ៝ន់មពោលកោរាញអ៝សម៝នពាង់ហាន់មឞើសងក៝ចនាវមហែមហានអ្វែស
5 ជេសរីឞ្រាសយេឆូ ដាៈ ១២ នុយ្សមពោលកោរាញអ៝សម៝នអីនៃហាន់តាប៝នអេងៗ នហ៝មានតិញមាខាន់ពាង់៖ “ខាន់មៃលើយហាន់អោសតាផូងអីមោទីផូងអីឆ្រាអែល លើយអោសលាប់តាប៝នឞ្រីឆាមារី 6 យើនមាអ៝ន់ខាន់មៃហាន់តាផូងអីឆ្រាអែល ទើម ខាន់ពាង់តឹមឞានមាផូងឞែឞ្យាប់លែៈហ្យើត។* ១០:៦៖ មថ ១៥:២៤ 7 អ៝ន់ខាន់មៃមឞើសងក៝ច៖ «នាវកោរាញឞ្រាសម៝ត់អ្វាញ់លែៈឞើយត៝ត់»។* ១០:៧៖ មថ ៤:១៧, ២៣ 8 អ៝ន់ខាន់មៃជានឞាសឞូនុយ្សជីក្វែត ឞូនុយ្សខឹតជានអ៝ន់ទ៝ក់រេស ឞូនុយ្សផុងឆាជានអ៝ន់ឞាសអ៝ន់ក្ល៝ស នទ្រែលមាមព្រើសឞ្រាសអ្យើសអ៝ន់ទូលោសឞើសឞូនុយ្ស។ លើយអោសឆ៝ៈខ្លៃឞើសឞូ យ៝រលាសនាវទើយខាន់មៃនើសគែសទើមដ៝ង់។* ១០:៨៖ មក ១៦:១៧-១៨ 9 មោអ៝ន់អោសញអោតព្រាក់ ឞ៝លលាសដេៈកាដោយ† ១០:៩៖ មោលាស «មាយ្ស ព្រាក់ ល៝យ្សកោង»។ តានោកនៃឞូជានព្រាក់កាក់មាមាយ្ស មាព្រាក់ មាល៝យ្សកោង។ មាល៝យ្សកោងគែសនាវខ្លៃដេៈតាន៝ម់ឞូ។តាទុងខាន់មៃ។ 10 លើយចែងទុងទោលខាន់មៃឞ្រោៈប៝នអេងៗ លើយអោសញអោតលែវខ៝អាវនតោជ៝តអាអេងជឹតទើនអីគែសញឆ៝សតាឆាក់រីហ៝ៈ លើយញអោតម៝ង់ជ្រា។ យ៝រលាសទីមាឞូនុយ្សអីជានការមាកោរាញឞ្រាសឆ៝ៈទើននទើអុចតានាវរេសពាង់តាៈឞើសឞូនុយ្សអីពាង់កើលនៃ។* ១០:១០៖ ១កោ ៩:៤, ១៤; ១តម ៥:១៨ 11 នោកខាន់មៃលាប់តាប៝នក្វ៝ង់ មោលាសប៝នជេៈ អ៝ន់ខាន់មៃជ៝យឞូនុយ្សអីទីមាខាន់មៃគុនទ្រែល ជេសរីគុតាជៃពាង់នហ៝មាត៝ត់នារខាន់មៃលោសឞើសនតុកនៃ។ 12 នោកខាន់មៃលាប់តាជៃឞូនុយ្សអីនៃ អ៝ន់ខាន់មៃលាស៖ «អ៝ន់គែសនាវដាប់មពាន់មាខាន់អៃមៃ‡ ១០:១២៖ ផូង អីឆ្រាអែល វៃអោបនាវអ្វែសលាង់កើតនអៃ។»។ 13 លាសតាជៃអីនៃទីឆ៝ៈទើននាវដាប់មពាន់អីនៃ កោរាញឞ្រាសមរាអ៝ន់កើតនៃងាន់រ៝។ លាសមោទីឆ៝ៈទើន កោរាញឞ្រាសមោអ៝ន់អោស យើនមាខាន់មៃហោមគែសនាវដាប់មពាន់។ 14 លាសឞូមោអោសរ៝មខាន់មៃ មោអ្យាត់អោសនាវខាន់មៃ នោកខាន់មៃលោសឞើសប៝នឞើសជៃនៃ អ៝ន់រាតោសនែសមោយឞើសជ៝ង់ខាន់មៃនើម គៃមាញហើលាសឞូនុយ្សអីនៃកោរាញឞ្រាសតេៈទោយ្ស។* ១០:១៤៖ ការ ១៣:៥១; ១៨:៦ 15 គ៝ប់លាសនហេលនានេៈងាន់មាខាន់មៃ ឞូនុយ្សតាឞ្រីប៝នឆោដុម ប៝នកោមោរា អីជានតីសទុតហោកាល់អែនើស នទ្រីទឹងកោរាញឞ្រាសទែលើសហេងខាន់ពាង់មាអុញឞើសកាលើត្រោក ខាន់ពាង់អីនៃហោមអែគែសទោយ្សថើលមាដាសឞូនុយ្សតាប៝នអីនៃ តានារកោរាញឞ្រាសផាតទោយ្សលាមនែសនតូ”។* ១០:១៥៖ នន ១៩:២៤-២៥
នាវរេសរាញាល់
(មក ១៣:៩-១៣; លក ២១:១២-១៧)
16 “គ៝ប់ដាៈខាន់មៃហាន់តាប៝នផូងអីឆ្រាអែល តឹមឞានមាដាៈឞែឞ្យាប់គុតាងក្លាងផូងឆ៝ឞ្រី។ លាសនទ្រីអ៝ន់ខាន់មៃឞ្លាវញជ្រាង់តឹមឞានមាឞេស មលែសតឹមឞានមាព្លុកជេងឆ្យុមទូនតីលអីមោជានតីស។* ១០:១៦៖ រម ១៦:១៩; អេផ ៥:១៥ 17 អ៝ន់ឞ្លាវញជ្រាង់មាឞូនុយ្ស យ៝រលាសឞូមរាញុបញជុនខាន់មៃអ៝ន់មាមពោលកោរាញជានការផូងអីឆ្រាអែល ជេសរីឞូមរារាពាត់ខាន់មៃមាម៝ង់រាឆែតាត្រោមញីសរាបុនខាន់ពាង់។* ១០:១៧៖ ការ ៥:៤០; ៧:៥៧-៥៨; ២កោ ១១:២៤ 18 ឞូមរាញជុនខាន់មៃអ៝ន់មាកោរាញក្វ៝ង់ នទ្រែលមាញជុនខាន់មៃមាកាដាច់ គៃមាផាតទោយ្សខាន់មៃអាចមាតឹងគ៝ប់។ ជេសរីខាន់មៃទើយងក៝ចនាវញឆីងមាគ៝ប់អ៝ន់មាខាន់ពាង់ អ៝ន់មាផូងអីមោទីផូងអីឆ្រាអែល ដ៝ង់។* ១០:១៨៖ ការ ២៥:២៣; ២៧:២៤ 19 នោកឞូញុបញជុនខាន់មៃ លើយអោសខាន់មៃរាវៃនាវមឞើសងើយមាឞូ យ៝រលាសកោរាញឞ្រាសឆើមអ៝ន់នាវមឞើសងើយមាខាន់មៃតានោកនៃ។* ១០:១៩-២០៖ យហ ១៥:២៦; ការ ៤:៨, ១៣; ១កោ ២:៤ 20 មោទីខាន់មៃនើមអោសមឞើសងើយ ឞ្រាសហ្វេងអ្វែសអីហ្វេងកោរាញឞ្រាសឞឹខាន់មៃនើមឆើមងើយអ៝ន់មាខាន់មៃ។ 21 អ៝សមានោ ឞឹមាក៝នមរាតឹមរាលាម់ញុបញជុនអ៝ន់ឞូងខឹត នទ្រែលមាអីក៝នៗលែវឞាល់តឹមរាទ៝ង់ដាសមេៈឞឹ នហ៝មាញជុនអ៝ន់ឞូងខឹតលើយដ៝ង់។ 22 យ៝រមាខាន់មៃញឆីងមាគ៝ប់ នទ្រីទឹងអ៝ក់ឞូនុយ្សមរាឞ្យាញ់មាខាន់មៃ។ យើនមាឞូម៝សអីទើយអ៝ត់នហ៝មាត៝ត់លោច កោរាញឞ្រាសមរារាក្លាយ្សពាង់អីនៃ។* ១០:២២៖ មថ ៥:១១-១២; យហ ១៥:១៨-១៩ 23 លាសឞូជានជេរខាន់មៃតាទូប៝ន អ៝ន់ខាន់មៃញច្វាត់ទូតាប៝នអេងជឹត។ គ៝ប់លាសនហេលនានេៈងាន់មាខាន់មៃ ខាន់មៃហាន់អេហ៝ៈអោសលាមប៝នទឹងលែៈតាឞ្រីអីឆ្រាអែល គ៝ប់អីក៝នឞូនុយ្សតាៈឞើសកោរាញឞ្រាសព្លឹលែៈត៝ត់§ ១០:២៣៖ «គ៝ប់អី ក៝នឞូនុយ្ស...ព្លឹលែៈត៝ត់» នាវអីនៃទើយវ៝ត់ព្វាន់នតីល ១. ងើយមានារ ឞ្រាសយេឆូ ទ៝ក់រេស ២. ងើយមានារ ឞ្រាសយេឆូ អ៝ន់ឞ្រាសហ្វេងអ្វែសគុតាផូងអ៝សម៝ន(ការ ២:១-៤) ៣. ងើយមានារកោរាញឞ្រាសតេៈទោយ្សឞ្រី យូដា អ៝ន់ផូង រោម ងគ្រ៝សលើយប៝ន យេរូឆាលឹម តានាម់ ៧០ ៤. ងើយមារានោកងគ្លែៈទុតនែសនតូ។”។* ១០:២៣៖ ការ ៨:១; មថ ១៦:២៨
24 “មោគែសអោសផូងនតីគឹតរាលាវមានើមនតី មោគែសអោសទឹកក្វ៝ង់រាលាវមាកោរាញពាង់នើម។ 25 លាសផូងនតីលែៈឞ្លាវតឹមឞានមានើមនតីខាន់ពាង់ លាសទឹកលែៈតឹមឞានមាកោរាញពាង់នើម លាសនទ្រីលែៈគាប់ហើយ្ស។ លាសឞូនុយ្សតើមជៃឞូក្វាល់៖ «បេលឆេបូល »* ១០:២៥៖ « បេលឆេបូល »រាញាទូនតីល ឆាតាង់ អីកោរាញមពោលឞ្រាសអ្យើស។ លាសនទ្រីទឹងលែៈឞូនុយ្សអីគុតាជៃពាង់នៃ រាលាវមានៃជឹតអ្យើសឞូក្វាល់ខាន់ពាង់”។* ១០:២៥៖ មថ ៩:៣៤; ១២:២៤
លើយតាក្លាចឞូនុយ្ស
26 “លើយអោសក្លាចផូងអីជានជេរនៃ យ៝រលាសគែសទូនារជឹតនាប់តៃកោរាញឞ្រាសមរាអ៝ន់ឞូឆៃទឹងលែៈនទើអីឞូនុយ្សហោមមពោន។ កោរាញឞ្រាសអ៝ន់ឞូគឹតទាទេដ៝ង់ ទឹងលែៈនទើអីឞូនុយ្សមោអុចអ៝ន់ឞូគឹត។ 27 លាសនទ្រីម៝សនទើគ៝ប់លាសខាន់មៃតានតុកង៝ អ៝ន់ខាន់មៃមឞើសងក៝ចហ៝ម់តានតុកអាង។ ម៝សនទើគ៝ប់ងើយឆ្វីសតាតោរខាន់មៃ អ៝ន់មឞើសងក៝ចហ៝ម់តាកាលើច៝រជៃគៃមាអ៝ក់ឞូនុយ្សតាង់។ 28 លើយក្លាចអោសមានើមទើយងខឹតរាង្លៃឆាក់ទើម យើនមាមោទើយអោសងខឹតហ្វេង អ៝ន់ខាន់មៃក្លាចកោរាញឞ្រាសហ៝ៈ យ៝រលាសពាង់ទើយអ៝ន់ហ្វេង នទ្រែលមារាង្លៃឆាក់លើសញអ្យើសតានទ្រូងអុញ។* ១០:២៨៖ នម ៥៦:៤; ហេឞ ១០:៣១ 29 ឞូវៃតាច់ឞារមល៝ម់ឆ្យុមរាលែវខ្លៃទូមល៝ម់កាក់ជេៈ† ១០:២៩៖ «ទូមល៝ម់កាក់ជេៈ» មោលាស «ទូ អាឆារីអ៝ន់ »។ ព្រាក់ ១៦ មល៝ម់ អាឆារីអ៝ន់ តឹមឞានមាងខោមឞូជានការទូនារ។ យើនមាឞ៝លលាសថ៝កកើតនៃ លាសកោរាញឞ្រាសឞឹខាន់មៃមោអ៝ន់ មោគែសអោសទូមល៝ម់ឆ្យុមរាលែវតុបតានែស។ 30 ឞ៝លលាសទឹងលែៈឆ៝ក់តាឞោកខាន់មៃនើម កោរាញឞ្រាសលែៈជេសកើបទឹងលែៈដ៝ង់។ 31 កើតនទ្រីលើយក្លាចអោស យ៝រលាសកោរាញឞ្រាសកើបខាន់មៃខ្លៃងាន់រាលាវមាឆ្យុមរាលែវទូផូងជឹត”។* ១០:៣១៖ មថ ៦:២៦
នាវឞូមឞើសងក៝ចឞ្រាសយេឆូ
32 “ឞូម៝សអីមឞើសមាឞូលាសពាង់តឹងគ៝ប់គ៝ប់មរាមឞើសពាង់អីនៃជេងអ៝សម៝នគ៝ប់តាឞើសនាប់មាត់ឞឹគ៝ប់តាកាលើត្រោក។ 33 យើនមាឞូម៝សអីរាលាច់មាឞូលាសមោតឹងគ៝ប់គ៝ប់មោដ៝ង់មឞើសពាង់អីនៃជេងអ៝សម៝នគ៝ប់តាឞើសនាប់មាត់ឞឹគ៝ប់តាកាលើត្រោក”។
តឹមងខាសមពោលអាចមានាវញឆីង
34 “លើយមឹនអោសគ៝ប់វាច់តានែសនតូអ្យាលែវនាវដាប់មពាន់។ គ៝ប់វាច់តាអ្យាតឹមឞានមាញអោតដាវ លែវនាវតឹមរាទ៝ង់។ 35 គ៝ប់វាច់អ៝ន់៖
«ក៝នឞូក្លោតឹមងខាសដាសឞឹពាង់
ក៝នឞូអូរតឹមងខាសដាសមេៈពាង់
មាន់អ៝ន់តឹមងខាសដាសមេៈព៝ពាង់នើមដ៝ង់។* ១០:៣៥៖ មថ ១០:២១; ២៤:១០
36 ឞូនុយ្សគុនទ្រែលទូជៃ ជេងតឹមរាលាង់នទ្រាង់ខាន់ពាង់នើម»† ១០:៣៦៖ មកា ៧:៦”។
អ៝សម៝នឞ្រាសយេឆូ នហេលនានេៈ
37 “ឞូម៝សរ៝ង់មាមេៈឞឹពាង់នើមអ៝ក់រាលាវមារ៝ង់គ៝ប់ ពាង់អីនៃមោអោសទីជេងអ៝សម៝នគ៝ប់។ ឞូម៝សរ៝ង់មាក៝នឞូអូរក៝នឞូក្លោពាង់នើមអ៝ក់រាលាវមារ៝ង់គ៝ប់ ពាង់អីនៃមោដ៝ង់ទីជេងអ៝សម៝នគ៝ប់។* ១០:៣៧៖ មថ ៨:២១-២២; នវ ៣៣:៩ 38 ឞូម៝សមោតូយឆីតឹមរាកាង់ពាង់នើមឞ្រោៈតឹងគ៝ប់ ជេងគែសនាវខ្លៃមោអ្យាត់ទឹងលែៈនាវកោរាញឞ្រាសដាៈ ឞ៝លលាសត៝ត់ខឹតឆាក់កាដោយ ពាង់អីនៃមោអោសទីជេងអ៝សម៝នគ៝ប់។* ១០:៣៨-៣៩៖ មថ ១៦:២៤-២៥ 39 ជេសរីឞូម៝សព្រាប់រាវានមានាវរេសឆាក់ពាង់នើម ពាង់តៃខឹតនហ៝រ៝ យើនមាឞូម៝សខឹតអាចមាតឹងគ៝ប់ ពាង់តៃរេសនហ៝រ៝”។
នាវងខោមមាផូងអីរ៝មអ៝សម៝នឞ្រាសយេឆូ
40 “ឞូម៝សរ៝មខាន់មៃ តឹមឞានមាពាង់រ៝មគ៝ប់ ឞូម៝សរ៝មគ៝ប់តឹមឞានមាពាង់រ៝មកោរាញឞ្រាសតើមញជ្វាល់គ៝ប់ដ៝ង់។* ១០:៤០៖ មថ ១៨:៥; កាល ៤:១៤ 41 ឞូម៝សរ៝មទូហ្វេឞូនុយ្សនតើយ្សនាវងើយកោរាញឞ្រាស អាចមាពាង់ជេងឞូនុយ្សនតើយ្សនាវងើយកោរាញឞ្រាស ឞូនុយ្សអីនៃគែសនទើងខោមតឹមឞានមាឞូនុយ្សនតើយ្សនាវងើយកោរាញឞ្រាសដ៝ង់។ ឞូម៝សរ៝មទូហ្វេឞូនុយ្សឆ៝ង់ អាចមាពាង់ជេងឞូនុយ្សឆ៝ង់ ឞូនុយ្សអីនៃគែសនទើងខោមតឹមឞានមាឞូនុយ្សឆ៝ង់ដ៝ង់។ 42 ឞូម៝សអ៝ន់ទាកនអីកទូកែវមាទូហ្វេឞូជេៈ អាចមាឞូជេៈអីនៃជេងអ៝សម៝នគ៝ប់គ៝ប់លាសនហេលនានេៈងាន់មាខាន់មៃ នាវងខោមមាឞូនុយ្សអីនៃមោរ៝សអោស”។* ១០:៤២៖ មថ ២៥:៤០
*10:2 ១០:២៖ មថ ១៦:១៨
*10:3 ១០:៣៖ មថ ៩:៩
*10:4 ១០:៤៖ ឞូនុយ្សអីឞូក្វាល់«ផូង កានាអាន »ខាន់ពាង់ផូង អីឆ្រាអែល ដ៝ង់ អុចមព្រើសផូង រោម ទូឞើសឞ្រីផូង អីឆ្រាអែល ។ ឞូក្វាល់លាសខាន់ពាង់«គើយ្ស»ដ៝ង់។
*10:4 ១០:៤៖ មថ ២៦:៤៧-៥០
*10:6 ១០:៦៖ មថ ១៥:២៤
*10:7 ១០:៧៖ មថ ៤:១៧, ២៣
*10:8 ១០:៨៖ មក ១៦:១៧-១៨
†10:9 ១០:៩៖ មោលាស «មាយ្ស ព្រាក់ ល៝យ្សកោង»។ តានោកនៃឞូជានព្រាក់កាក់មាមាយ្ស មាព្រាក់ មាល៝យ្សកោង។ មាល៝យ្សកោងគែសនាវខ្លៃដេៈតាន៝ម់ឞូ។
*10:10 ១០:១០៖ ១កោ ៩:៤, ១៤; ១តម ៥:១៨
‡10:12 ១០:១២៖ ផូង អីឆ្រាអែល វៃអោបនាវអ្វែសលាង់កើតនអៃ។
*10:14 ១០:១៤៖ ការ ១៣:៥១; ១៨:៦
*10:15 ១០:១៥៖ នន ១៩:២៤-២៥
*10:16 ១០:១៦៖ រម ១៦:១៩; អេផ ៥:១៥
*10:17 ១០:១៧៖ ការ ៥:៤០; ៧:៥៧-៥៨; ២កោ ១១:២៤
*10:18 ១០:១៨៖ ការ ២៥:២៣; ២៧:២៤
*10:19 ១០:១៩-២០៖ យហ ១៥:២៦; ការ ៤:៨, ១៣; ១កោ ២:៤
*10:22 ១០:២២៖ មថ ៥:១១-១២; យហ ១៥:១៨-១៩
§10:23 ១០:២៣៖ «គ៝ប់អី ក៝នឞូនុយ្ស...ព្លឹលែៈត៝ត់» នាវអីនៃទើយវ៝ត់ព្វាន់នតីល ១. ងើយមានារ ឞ្រាសយេឆូ ទ៝ក់រេស ២. ងើយមានារ ឞ្រាសយេឆូ អ៝ន់ឞ្រាសហ្វេងអ្វែសគុតាផូងអ៝សម៝ន(ការ ២:១-៤) ៣. ងើយមានារកោរាញឞ្រាសតេៈទោយ្សឞ្រី យូដា អ៝ន់ផូង រោម ងគ្រ៝សលើយប៝ន យេរូឆាលឹម តានាម់ ៧០ ៤. ងើយមារានោកងគ្លែៈទុតនែសនតូ។
*10:23 ១០:២៣៖ ការ ៨:១; មថ ១៦:២៨
*10:25 ១០:២៥៖ « បេលឆេបូល »រាញាទូនតីល ឆាតាង់ អីកោរាញមពោលឞ្រាសអ្យើស។
*10:25 ១០:២៥៖ មថ ៩:៣៤; ១២:២៤
*10:28 ១០:២៨៖ នម ៥៦:៤; ហេឞ ១០:៣១
†10:29 ១០:២៩៖ «ទូមល៝ម់កាក់ជេៈ» មោលាស «ទូ អាឆារីអ៝ន់ »។ ព្រាក់ ១៦ មល៝ម់ អាឆារីអ៝ន់ តឹមឞានមាងខោមឞូជានការទូនារ។
*10:31 ១០:៣១៖ មថ ៦:២៦
*10:35 ១០:៣៥៖ មថ ១០:២១; ២៤:១០
†10:36 ១០:៣៦៖ មកា ៧:៦
*10:37 ១០:៣៧៖ មថ ៨:២១-២២; នវ ៣៣:៩
*10:38 ១០:៣៨-៣៩៖ មថ ១៦:២៤-២៥
*10:40 ១០:៤០៖ មថ ១៨:៥; កាល ៤:១៤
*10:42 ១០:៤២៖ មថ ២៥:៤០