19
ឞូតេៈទោយ្សងខឹតឞ្រាសយេឆូ
1 ជេសរីពីលាត លែវឞ្រាសយេឆូ លាប់តាត្រោមជៃ ដាៈតាហែនរាពាត់ពាង់មាម៝ង់រាឆែ។ 2 ផូងតាហែនឆ៝ៈរាតាវល៝កបារ់ជានមោកកាដាច់នទោតាឞោកឞ្រាសយេឆូ រី ជេសរីឆ៝ៈអាវចាង់ក្វ៝ង់អីតឹមឞានមាអាវកាដាច់ញឆ៝សអ៝ន់អោឞាល់ញឆ៝សដ៝ង់។ 3 ខាន់ពាង់ហាន់ទាច់តាឞ្រាសយេឆូ មឺចលាសមាពាង់៖ “អើកាដាច់ផូងអីឆ្រាអែល ហេនមឞាសមាមៃ” ជេសរីតាបអោឞាល់តាមុសមាត់។* ១៩:៣៖ យហ ១២:១៣ 4 ជេសរីពីលាត ហាន់លោសអាទីសម៝ប់តៃមពោលកោរាញផូងអីឆ្រាអែល ទូតឹជឹត លាសមាខាន់ពាង់៖ “អ្យា គ៝ប់លែវពាង់មាខាន់មៃ គៃមាអ៝ន់ខាន់មៃគឹត គ៝ប់មោអោសឆៃពាង់គែសនាវតីសមាតេៈទោយ្សពាង់ជឹត”។* ១៩:៤៖ យហ ១៨:៣៨ 5 នោកនៃឞ្រាសយេឆូ លោសអាទីសដ៝ង់ នអ៝ប់មានទោមោកកាដាច់ជានមាល៝ក នទ្រែលមាញឆ៝សអាវចាង់។ ពីលាត លាស៖ “អ្យា អ្វាញ់ហ៝ម់ឞូនុយ្សអ្យា!” 6 ត៝ត់មាមពោលកោរាញជានឞ្រាស នទ្រែលមាមពោលតាហែនញីសជានឞ្រាសឆៃឞ្រាសយេឆូ ខាន់ពាង់នតែរទ្រើវ៖ “ងខឹតពាង់តាឆីតឹមរាកាង់! ងខឹតពាង់តាឆីតឹមរាកាង់!” ពីលាត លាស៖ “ខាន់មៃឆ៝ៈពាង់ ងខឹតអេងពាង់តាឆីតឹមរាកាង់ យ៝រលាសគ៝ប់មោអោសឆៃពាង់គែសនាវតីស”។* ១៩:៦៖ យហ ១៨:៣១ 7 មពោលកោរាញផូងអីឆ្រាអែល លាសមាពីលាត ៖ “ផូងហេនគែសនាវវៃ តឹងមានាវវៃហេនឞូនុយ្សអីនៃអ្យាត់មាងខឹតលើយ យ៝រលាសពាង់កើបអេងឆាក់ពាង់នើមលាសក៝នកោរាញឞ្រាស”។* ១៩:៧៖ យហ ៥:១៨; កល ២៤:១៦ 8 ត៝ត់ពីលាត តាង់កើតនៃ ពាង់លើហោក្លាច។ 9 ជេសរីពីលាត ព្លឹលាប់តៃតាត្រោមជៃ អោបឞ្រាសយេឆូ ៖ “មៃឞើសតាៈ?” យើនមាឞ្រាសយេឆូ មោអើសអោស។ 10 ពីលាត លាសឞ្រាសយេឆូ ៖ “ម៝សមៃមោអុចអើសមាគ៝ប់មេស? មៃមោគឹតគ៝ប់គែសនាវទើយ? អុចបើកមៃកាដោយ មោលាសអុចងខឹតមៃតាឆីតឹមរាកាង់កាដោយ”។ 11 ឞ្រាសយេឆូ លាសមាពីលាត ៖ “លាសមោគែសនាវទើយតាៈឞើសកោរាញឞ្រាសអ៝ន់មាមៃ មៃមោអោសគែសនាវទើយមាគ៝ប់ កើតនទ្រីឞូនុយ្សអីញជុនគ៝ប់មាមៃ ខាន់ពាង់គែសនាវតីសជ្រូរាលាវមៃងាន់”។* ១៩:១១៖ យហ ៣:២៧; ការ ២:២៣
12 នតើមឞើសនោកនៃ ពីលាត ជ៝យនាវគៃមាអុចបើកឞ្រាសយេឆូ ដ៝ង់ យើនមាមពោលកោរាញផូងអីឆ្រាអែល នតែរទ្រើវ៖ “លាសមៃបើកឞូនុយ្សអីនៃ មៃមោអោសទូនតោរនាវមាកោរាញកាដាច់ឆេឆារ * ១៩:១២៖ «ឆេឆារ » គែសនាវខ្លៃលាស៖ «កោរាញកាដាច់» តានាវងើយលាតាង់ អីនាវងើយផូងរោម ។ មោអោសទីមឹតជាង់នទ្រែលកោរាញកាដាច់ឆេឆារ យ៝រលាសឞូម៝សកើបអេងឆាក់ពាង់នើមលាសកាដាច់ ពាង់អីនៃឞូនុយ្សរាលាង់មាកោរាញកាដាច់ឆេឆារ !”* ១៩:១២៖ លក ២៣:២; ការ ១៧:៧ 13 ត៝ត់ពីលាត តាង់នាវនៃ ពាង់លែវឞ្រាសយេឆូ លោសអាទីស គុតារានើលផាតទោយ្ស តានតុកនៃឞូរាញាលាស៖ «នតុកលាក់លុ» នាវងើយហេឞ្រើ លាស៖ «គាបាថា »។ 14 នារនៃឞូនទ្រាប់នាវញេតបុននហ៝ត ក្លាប់លាសងក្លាងឞោកនារ។ ពីលាត លាសមាមពោលកោរាញផូងអីឆ្រាអែល ៖ “អ្យា! កាដាច់ខាន់មៃ”។ 15 យើនមាខាន់ពាង់នតែរលាស៖ “ងខឹតលើយពាង់! ងខឹតលើយពាង់! ងខឹតពាង់តាឆីតឹមរាកាង់!” ពីលាត អោបខាន់ពាង់៖ “ខាន់មៃអុចអ៝ន់គ៝ប់ងខឹតកាដាច់ខាន់មៃតាឆីតឹមរាកាង់ឞើស?” មពោលកោរាញជានឞ្រាសលាស៖ “រាលាវឞើសកោរាញកាដាច់ឆេឆារ ហេនមោហោមអោសគែសកាដាច់អេង”។ 16 ជេសរីពីលាត អ៝ន់ឞ្រាសយេឆូ មាឞូ អ៝ន់ផូងតាហែនងខឹតពាង់តាឆីតឹមរាកាង់ ជេសរីផូងតាហែនលែវឞ្រាសយេឆូ លោសឞើសនៃ។
ឞូព៝ង់ឞ្រាសយេឆូ តាឆីតឹមរាកាង់
(មថ ២៧:៣២-៤៤; មក ១៥:២១-៣២; លក ២៣:២៦-៤៣)
17 ជេសរីឞ្រាសយេឆូ លោសឞើសប៝នតូយឆីតឹមរាកាង់ ហាន់តានតុកឞូរាញាលាស៖ «នតុកនតីងឞោក» នាវងើយហេឞ្រើ លាស៖ «កោលកោថា »។ 18 ឞូងខឹតឞ្រាសយេឆូ តាឆីតឹមរាកាង់តានតុកនៃ គែសឞារហៃឞូនុយ្សទោយ្សឞូងខឹតនទ្រែលពាង់តានៃដ៝ង់ ទូហ្វេឞើសច្យៅទូហ្វេឞើសមា ពាង់ងក្លាងងគូល។ 19 ជេសរីពីលាត អ៝ន់ឞូញចីសនាវមឞើសតាទូរាលាតកាដារព្លាតាឆីតឹមរាកាង់នៃ តានៃគែសនាវលាស៖ «អ្យាយេឆូ តាៈឞើសប៝ននាឆារែត ពាង់កាដាច់ផូងអីឆ្រាអែល »។ 20 តានាវញចីសអីនៃ គែសនាវងើយហេឞ្រើ នាវងើយលាតាង់ នទ្រែលមានាវងើយគ្រែក ។ គែសផូងអីឆ្រាអែល អ៝ក់អ្វាញ់នាវញចីសអីនៃ យ៝រលាសនតុកឞូងខឹតឞ្រាសយេឆូ ទាច់កេងប៝នក្វ៝ង់យេរូឆាលឹម ។* ១៩:២០៖ ហេឞ ១៣:១២-១៣ 21 មពោលកោរាញជានឞ្រាសហាន់ម៝ប់ពីលាត មឞើសមាពាង់៖ “មៃលើយអោសញចីស៖ «ពាង់កាដាច់ផូងអីឆ្រាអែល »។ ទាន់មៃញចីស៖ «ពាង់លាស៖ «គ៝ប់កាដាច់ផូងអីឆ្រាអែល »»”។ 22 ពីលាត លាស៖ “ម៝សនទើគ៝ប់ញចីស គ៝ប់ញចីសលែៈជេសទាទេ!” 23 ជេសផូងតាហែនព៝ង់ឞ្រាសយេឆូ នៃ ខាន់ពាង់ឆ៝ៈឞ៝កអាវឞ្រាសយេឆូ តឹមពាៈព្វាន់នុយ្ស ទូហ្វេង្វាយទូហ្វេង្វាយ យើនមាអាវជ៝ងឞ្រាសយេឆូ នៃ ឞូតាញមាទូឞ្លាសឞ៝កទើមមោគែសជឹងអោសនតើមឞើសលើត៝ត់អាទ៝ង់។ 24 កើតនទ្រីទឹងខាន់ពាង់តឹមលាសនទ្រាង់ខាន់ពាង់នើម៖ “អាវជ៝ងអីអ្យាឞ៝ន់លើយងខេកអោស អ៝ន់ឞ៝ន់ញុបនទើញច្រ៝សហ៝ៈ គៃមាគឹតឞូម៝សគែសអាវអ្យា”។ ផូងតាហែនជានកើតនៃជេងតឹមទីដាសមានាវកោរាញឞ្រាសងើយលែៈញចីស៖
«ឞូឆ៝ៈឞ៝កអាវគ៝ប់តឹមពាៈឞាល់
ជេសរីអាវក្វ៝ង់គ៝ប់ឞូញុបនទើញច្រ៝ស»† ១៩:២៤៖ នម ២២:១៨។
នទ្រីផូងតាហែនជាន។
25 តានតុកនៃគែសមេៈឞ្រាសយេឆូ អ៝សមេៈឞ្រាសយេឆូ មារី អីអូរក្លោពាស នទ្រែលមាមារី អីតាៈឞើសប៝នមាដាលា ទ៝ក់កេងឆីតឹមរាកាង់ឞ្រាសយេឆូ នៃ។* ១៩:២៥៖ មក ១៥:៤០-៤១; លក ៨:២-៣ 26 ឞ្រាសយេឆូ ឆៃមេៈពាង់ នទ្រែលមាទូហ្វេអ៝សម៝នពាង់រ៝ង់គុទាច់កេងនៃ ពាង់លាសមាមេៈពាង់៖ “អើមេៈ! នៃក៝នអៃ”។* ១៩:២៦៖ យហ ១៣:២៣ 27 ជេសរីពាង់លាសមាអ៝សម៝នពាង់នៃ៖ “នៃមេៈមៃ”។ នតើមឞើសនៃ អ៝សម៝នអីនៃឆ៝ៈមេៈឞ្រាសយេឆូ គុនទ្រែលពាង់នើម។
ឞ្រាសយេឆូ តាច់នហ៝ម់
(មថ ២៧:៤៥-៥៦; មក ១៥:៣៣-៤១; លក ២៣:៤៤-៤៨)
28 ជេសឞើសនៃឞ្រាសយេឆូ លែៈគឹតទឹងលែៈនទើពាង់ជានរឹងលែៈផ្យៅ ជេសរីឞ្រាសយេឆូ លាស៖ “គ៝ប់ជីហីរទាក” គៃមាតឹមទីដាសនាវលែៈគែសញចីសតានាវកោរាញឞ្រាសងើយ។* ១៩:២៨៖ នម ២២:១៥; ៦៩:២១ 29 តានតុកនៃគែសទូមល៝ម់យាង់ជេៈ ងគ៝រ់ទាកឆ្រាត† ១៩:២៩៖ «ទាកឆ្រាត» មោលាស «នទ្រាញ់អ្យាស»។ នទ្រាញ់ព្លៃយុងយារប៝នលាសមោកុបអ៝ន់អ្វែស នទ្រាញ់ព្លៃយុងយារប៝នអីនៃជេងឆ្រាតមោហោមកាស នោកឞ្រាសយេឆូ ឞូតាច់ថ៝ក។ឞេង។ ឞូឆ៝ៈនទើតឹមឞានមាឞ៝កយុកតាទាកឆ្រាតនៃ ជេសរីពូតតាចោងងគីងឆីហីឆោប មឞ្ល៝ប់តាមឞូងឞ្រាសយេឆូ ។ 30 ជេសឞ្រាសយេឆូ ញេតទាកឆ្រាតនៃ ពាង់លាស៖ “លែៈនទើគ៝ប់លែៈជានជេសលែៈផ្យៅ”។ ជេសរីពាង់កុញឞោកតាច់នហ៝ម់‡ ១៩:៣០៖ មោលាស «កុញឞោកជាវហ្វេងពាង់នើម»។។ 31 នារនៃជេងនារឞូនទ្រាប់មានារឆាបាត់ អីនាររាលូផូងអីឆ្រាអែល ។ មពោលកោរាញផូងអីឆ្រាអែល ហាន់ម៝ប់ពីលាត ទាន់ពាង់ដាៈឞូនទែសលើយជ៝ង់មពោលអីលែៈឞូព៝ង់តាឆីតឹមរាកាង់នៃ គៃមាខឹតរ៝ ជេសខាន់ពាង់ខឹត ញជុរលើយឆាក់ខាន់ពាង់ឞើសលើឆីតឹមរាកាង់រ៝។ ខាន់ពាង់មោអុចអោសអ៝ន់ឞូនុយ្សហោមតាឆីតឹមរាកាង់តានារឆាបាត់ យ៝រលាសនារឆាបាត់ អីនៃក្វ៝ង់ ជេងញេតបុននហ៝តដ៝ង់។* ១៩:៣១៖ នវ ២១:២២-២៣ 32 ជេសរីផូងតាហែនហាន់មឞាងនទែសលើយជ៝ង់ឞូនុយ្សទោយ្សត៝ល់ង្វាយ នទ្រែលមាឞូនុយ្សទោយ្សត៝ល់ឞារឞូងខឹតនទ្រែលឞ្រាសយេឆូ ។ 33 ត៝ត់តាឞ្រាសយេឆូ នៃ ខាន់ពាង់ឆៃពាង់លែៈខឹត កើតនទ្រីខាន់ពាង់មោហោមអោសមឞាងនទែសជ៝ង់ពាង់។ 34 យើនមាគែសទូហ្វេតាហែនឆ៝ៈតាកនត៝ប់តាពុងទាកឞ្រាសយេឆូ នៃ ជេសរីលោសហ៝ចមហាម នទ្រែលមាទាករ៝។* ១៩:៣៤៖ យហ ២០:២៥ 35 គែសទូហ្វេអ៝សម៝នលែៈឆៃនាវនៃ ពាង់មឞើសងក៝ចនាវអីនៃ គៃមាអ៝ន់ខាន់អៃមៃរ៝ៈឆ៝ម់បុតអ្យាញឆីងមាឞ្រាសយេឆូ ដ៝ង់។ នាវពាង់មឞើសងក៝ចជេងនាវងាន់ ពាង់លែៈគឹតឆាក់ពាង់នើមមឞើសងក៝ចនាវងាន់។* ១៩:៣៥៖ យហ ២១:២៤ 36 នាវអីនៃជេងតឹមទីដាសមានាវកោរាញឞ្រាសងើយលែៈញចីស៖ «នតីងពាង់ឞូមោមរានទែសទូមល៝ម់»† ១៩:៣៦៖ នង ១២:៤៦; នក ៩:១២; នម ៣៤:២០។ 37 ជេសរីតានាវកោរាញឞ្រាសងើយតានតុកអេងគែសញចីសកើតនអា៖ «ខាន់ពាង់មរាអ្វាញ់ឞូនុយ្សខាន់ពាង់នត៝ប់រាហ៝នៃ»† ១៩:៣៧៖ ឆាក ១២:១០។* ១៩:៣៧៖ នតម ១:៧
38 ជេសឞើសនៃគែសទូហ្វេឞូក្លោរាញាយោឆែប តាៈឞើសប៝នអារីមាថេ ពាង់អ៝សម៝នឞ្រាសយេឆូ ដ៝ង់ យើនមាពាង់មោអោសអ៝ន់ឞូគឹត យ៝រលាសក្លាចមាមពោលកោរាញផូងអីឆ្រាអែល ។ ពាង់ហាន់ម៝ប់ពីលាត គៃមាទាន់ឆ៝ៈឆាក់ឞ្រាសយេឆូ ។ ពីលាត អ៝ន់ ជេសរីពាង់ហាន់ឆ៝ៈឆាក់ឞ្រាសយេឆូ រ៝។* ១៩:៣៨៖ យហ ៩:២២; ១២:៤២ 39 ល៝ង់នីកោដេម ឞូនុយ្សហាន់ម៝ប់ឞ្រាសយេឆូ តានោកមាង់នើស ពាង់ហាន់នទ្រែលដ៝ង់។ ពាង់ញអោតនតាក់ឆីបោកាស រាញាមឹរ លាយដាសរានីសឆីបោកាស រាញាអាលោអេ ក្លាប់លាសគែស ៣០ កីលោគ្រាម។ * ១៩:៣៩៖ យហ ៣:១-២១ 40 ជេសរីឞារហៃខាន់ពាង់នៃ ញជុរឆាក់ឞ្រាសយេឆូ ពូតពាង់មាឞ៝កងលាង នទ្រែលមានទើបោកាសតាឆាក់ពាង់នៃ អីនៃតឹងនាវវៃត៝ប់ខឹតផូងអីឆ្រាអែល នៃនើស។ 41 តានតុកឞូងខឹតឞ្រាសយេឆូ តាឆីតឹមរាកាង់នៃ គែសទូលោកមីរ តាមីរនៃគែសទូមល៝ម់នតូមោចហោមមហែ អេហ៝ៈគែសឞូត៝ប់ឞូនុយ្សអោស។ 42 ម៝ងនៃលែៈកេងមាង់ឞើយមាលាប់នារឆាបាត់ អីនាររាលូផូងអីឆ្រាអែល § ១៩:៤២៖ ផូងអីឆ្រាអែល កើបនាវត៝ប់ឞូនុយ្សជេងទូនតីលការមោទីជានតានារឆាបាត់ ដ៝ង់។។ ជេសរីឞារហៃខាន់ពាង់គើញមាត៝ប់ឞ្រាសយេឆូ តានតូមោចអីនៃ យ៝រលាសនតូមោចអីនៃទាច់កេងនៃ។
*19:3 ១៩:៣៖ យហ ១២:១៣
*19:4 ១៩:៤៖ យហ ១៨:៣៨
*19:6 ១៩:៦៖ យហ ១៨:៣១
*19:7 ១៩:៧៖ យហ ៥:១៨; កល ២៤:១៦
*19:11 ១៩:១១៖ យហ ៣:២៧; ការ ២:២៣
*19:12 ១៩:១២៖ «ឆេឆារ » គែសនាវខ្លៃលាស៖ «កោរាញកាដាច់» តានាវងើយលាតាង់ អីនាវងើយផូងរោម ។
*19:12 ១៩:១២៖ លក ២៣:២; ការ ១៧:៧
*19:20 ១៩:២០៖ ហេឞ ១៣:១២-១៣
†19:24 ១៩:២៤៖ នម ២២:១៨
*19:25 ១៩:២៥៖ មក ១៥:៤០-៤១; លក ៨:២-៣
*19:26 ១៩:២៦៖ យហ ១៣:២៣
*19:28 ១៩:២៨៖ នម ២២:១៥; ៦៩:២១
†19:29 ១៩:២៩៖ «ទាកឆ្រាត» មោលាស «នទ្រាញ់អ្យាស»។ នទ្រាញ់ព្លៃយុងយារប៝នលាសមោកុបអ៝ន់អ្វែស នទ្រាញ់ព្លៃយុងយារប៝នអីនៃជេងឆ្រាតមោហោមកាស នោកឞ្រាសយេឆូ ឞូតាច់ថ៝ក។
‡19:30 ១៩:៣០៖ មោលាស «កុញឞោកជាវហ្វេងពាង់នើម»។
*19:31 ១៩:៣១៖ នវ ២១:២២-២៣
*19:34 ១៩:៣៤៖ យហ ២០:២៥
*19:35 ១៩:៣៥៖ យហ ២១:២៤
†19:36 ១៩:៣៦៖ នង ១២:៤៦; នក ៩:១២; នម ៣៤:២០
†19:37 ១៩:៣៧៖ ឆាក ១២:១០
*19:37 ១៩:៣៧៖ នតម ១:៧
*19:38 ១៩:៣៨៖ យហ ៩:២២; ១២:៤២
*19:39 ១៩:៣៩៖ យហ ៣:១-២១
§19:42 ១៩:៤២៖ ផូងអីឆ្រាអែល កើបនាវត៝ប់ឞូនុយ្សជេងទូនតីលការមោទីជានតានារឆាបាត់ ដ៝ង់។