5
នាវរេសគុតានាវអាង
1 លាសនទ្រីអ៝ន់ខាន់អៃមៃជានតឹងកោរាញឞ្រាសទែជាន យ៝រលាសខាន់អៃមៃជេងក៝នអីកោរាញឞ្រាសនើមរ៝ង់។* ៥:១៖ រម ៨:១៤-១៥ 2 គុហ៝ម់តានាវរ៝ង់មាឞូតានាវគុងាវខាន់អៃមៃ កើតឞ្រាសក្រីស លែៈរ៝ង់មាឞ៝ន់ ជេសរីពាង់ជាវឆាក់ពាង់នើមមាខឹតគៃមារាក្លាយ្សឞ៝ន់។ នាវជាវឆាក់អីនៃតឹមឞានមានទើជានឞ្រាសមាកោរាញឞ្រាសអីអ៝ន់កោរាញឞ្រាសរាម់ហោងាន់។ 3 យ៝រមាខាន់អៃមៃលែៈជេងផូងប៝នលានកោរាញឞ្រាសជេស តាផូងខាន់អៃមៃលើយអោសអ៝ន់គែសនាវតឹមទ៝ង់ នាវបឹបើចខើសក្លែរអាប់នតីល មោលាសនូយ្សនហ៝ម់រាវានកើញគែសមាទ្រាប់នទើ។ មានមាងើយទើមមានទើអីនៃ ហោមមោទីមាផូងប៝នលានកោរាញឞ្រាសដ៝ង់។* ៥:៣-៥៖ កោល ៣:៥-៦ 4 ជេសរីលើយមឞើសងើយនទើអ្យើសអីជានអ៝ន់ឞូគែសនាវដីតព្រេង លើយងើយនាវងខើង លើយងើយព៝ល់លាៈលេង។ ទឹងលែៈនាវអីនៃមោអ្វែសអោស។ អ៝ន់មឞើសងើយអីលាសអ្វែសមាកោរាញឞ្រាសហ៝ៈ។* ៥:៤៖ អេផ ៤:២៩ 5 អ៝ន់ខាន់អៃមៃគឹតនហេលនានេៈ ឞូនុយ្សអីតឹមទ៝ង់ ឞូនុយ្សអីជាននាវបឹបើច ឞូនុយ្សអីនៃមោទើយអោសលាប់តានាវឞ្រាសក្រីស ម៝ត់អ្វាញ់តានាវកោរាញឞ្រាសម៝ត់អ្វាញ់។ ឞូនុយ្សអីកើញទ្រាប់នទើហោអីរមោទើយលាប់កើតនៃដ៝ង់។ នាវកើញទ្រាប់នទើតឹមឞានមាយើកមឞាសមាឞ្រាសអេងដ៝ង់។* ៥:៥៖ ១កោ ៦:៩-១១; ១តម ៦:៩-១០ 6 គែសឞូនុយ្សលាស៖ “នាវអីនៃមោច្រាវអោស”។ លើយអោសអ៝ន់ឞូនុយ្សអីនៃនទើមខាន់អៃមៃមានាវងើយលាៈលេងនាវងើយអីមោគែសនាវខ្លៃ យ៝រលាសកោរាញឞ្រាសជីនូយ្សតេៈទោយ្សងាន់រ៝មាឞូនុយ្សអីជាននទើអីនៃអីតឹមរាទ៝ង់ដាសពាង់។* ៥:៦-៧៖ ផល ៣:១៧-២០ 7 លាសនទ្រីលើយអោសតឹមរាង្លាប់នទ្រែលឞូនុយ្សកើតអីនៃ។
8 ឞើសនតើមនើសខាន់អៃមៃអេហ៝ៈគឹតនាល់កោរាញឞ្រាស ជេងតឹមឞានមាគុតានាវង៝។ យើនមាអាបៃអ្យាខាន់អៃមៃលែៈតឹងកោរាញយេឆូ ជេងតឹមឞានមាលែៈគុតានាវអាង។ លាសនទ្រីអ៝ន់ខាន់អៃមៃគុងាវជេងតឹមទីមាឞូនុយ្សអីលែៈគែសជេសនាវអាងតានូយ្សនហ៝ម់ពាង់នើម។* ៥:៨៖ ១តេ ៥:៥ 9 ជេសរីតាៈឞើសគែសនាវអាងអីនៃ ឞូនុយ្សគុងាវឞ្លាវជានអាប់នតីលនទើអ្វែស ជានឆ៝ង់ នទ្រែលមាងើយនាវងាន់។* ៥:៩-១១៖ ១តេ ៥:១៩-២២; ២កោ ៦:១៤ 10 អ៝ន់ខាន់អៃមៃញឆ្រោយ្សនតីនទើអីអ៝ន់កោរាញឞ្រាសរាម់។ 11 លើយជាននទើអ្យើសនទ្រែលឞូនុយ្សអីហោមតឹមឞានមាគុតានាវង៝ យ៝រលាសតាៈឞើសនាវង៝អីនៃមោគែសអោសនទើគែសខ្លៃ។ អ្យាត់មាអ៝ន់ឞូគឹតនទើអ្យើសអីពាង់ជាន។ 12 ម៝សនទើឞូនុយ្សអីនៃជានមានាវនទ៝ប់មពោន នាវអីនៃមានមាឞូឆ៝ៈងើយទើមហោមអែគែសនាវបឹបើចដ៝ង់។* ៥:១២-១៤៖ យហ ៣:១៩-២១; រម ១៣:១២-១៤ 13 ទឹងលែៈនទើអីគែសតាអាង ឞូគឹតឆៃនហេលនានេៈងាន់* ៥:១៣៖ «ទឹងលែៈនទើអីគែសតាអាង ឞូគឹតឆៃនហេលនានេៈងាន់» មោលាស «យើនមាលាសមឞើសមាឞូនាវឞូនុយ្សអីនៃជាន ឞូគឹតនាវខាន់ពាង់នៃអ្យើសងាន់»។ 14 យ៝រលាសនាវអាងអ៝ន់ឞូទើយឆៃទឹងលែៈនទើ។ កើតនទ្រីទឹងគែសលាសកើតនអា៖
«ខាន់អៃមៃអីលែៈហាក់ឞិច កាសរាងាល់ហ៝ម់!
អ៝ន់ទ៝ក់ឞើសផូងឞូនុយ្សខឹតហ៝ម់ នតៃទឹងឞ្រាសក្រីស អាងញច្រាតតាខាន់អៃមៃ† ៥:១៤៖ គែសនាវខ្លៃលាស៖ «ខាន់អៃមៃអីមោគឹតឆាក់ខាន់អៃមៃនើមតីស អ៝ន់គឹតឆាក់គែសតីសហ៝ម់! ខាន់អៃមៃតឹមឞានមាហាក់ឞិច លាសនទ្រីកាសរាងាល់ហ៝ម់! អ៝ន់ញឆីងមាឞ្រាសក្រីស ជេងតឹមឞានមាឞូនុយ្សខឹតលែៈទ៝ក់រេសតៃ។ លាសនទ្រីឞ្រាសក្រីស មរាអ៝ន់ខាន់អៃមៃវ៝ត់នាវងាន់កោរាញឞ្រាស តឹមឞានមានទើអាងអ៝ន់ឞូឆៃម៝សនទើគែសតានាវង៝»។»‡ ៥:១៤៖ មោគឹតនហេលឞើសតាៈតាត្រ៝ងអ្យា គែសឞូនុយ្សអាបាៈលាសតាៈឞើស អេឆា ២៦:១៩; អេឆា ៦០:១។ គែសឞូនុយ្សអាបាៈលាស តាៈឞើសទូនាវមព្រើតារានោកនៃ។។* ៥:១៤៖ យហ ៨:១២
15 លាសនទ្រីអ៝ន់ខាន់អៃមៃញជ្រាង់ហ៝ម់នាវគុងាវខាន់អៃមៃ។ លើយអោសជានតឹមឞានមាឞូនុយ្សរាលូកម៝ល់។ អ៝ន់ជានតឹមឞានមាឞូនុយ្សអីគែសនាវមឹនគឹតឞ្លាវហ៝ៈ។ 16 អ៝ន់គុនទ្រាប់ឆាក់នឹងមាជាននទើអ្វែសជាននទើអីកោរាញឞ្រាសអុច យ៝រលាសរានោកអ្យាអ្យើសមហឹកងាន់។* ៥:១៦៖ កោល ៤:៥ 17 លាសនទ្រីលើយអោសជានឞូនុយ្សរាលូកម៝ល់ អ៝ន់ខាន់អៃមៃគឹតវ៝ត់នទើអីកោរាញឞ្រាសនើមអុចច្រាវ។ 18 លើយអោសអុចមានទ្រាញ់អ៝ក់ លើយអោសញុលនទ្រាញ់ យ៝រលាសញុលលែវឞូនុយ្សជានអ្យើស។ យើនមាអុចឞ្រាសហ្វេងអ្វែសគុទាច់គៃមាលែវខាន់អៃមៃនឹងហ៝ៈ។ 19 នោកគុនទ្រែលឞាល់អ៝ន់ខាន់អៃមៃមព្រើមានាវមព្រើអើមតាៈឞើសនាវកោរាញឞ្រាសងើយ មានាវមព្រើរានេកោរាញឞ្រាស នទ្រែលមានាវមព្រើអីតាៈឞើសឞ្រាសហ្វេងអ្វែស។ អ៝ន់មព្រើ នទ្រែលមារានេកោរាញឞ្រាសអ៝ន់លែៈនូយ្សនហ៝ម់។* ៥:១៩-២០៖ កោល ៣:១៦-១៧ 20 អ៝ន់លាសអ្វែសនឹងមាកោរាញឞ្រាសឞឹមាទឹងលែៈនទើតារាញាឞ្រាសយេឆូក្រីស អីកោរាញឞ៝ន់នើម។
នាវគុងាវអូរឆាយ
21 យ៝រមាខាន់អៃមៃអីតឹមរាង្លាប់ដាសឞ្រាសក្រីស អ៝ន់ខាន់អៃមៃតឹមអ្យាត់នទ្រាង់ខាន់អៃមៃនើមដ៝ង់។* ៥:២១៖ មថ ២០:២៦-២៨ 22 អើរោសមែអីលែៈគែសឆាយ អ៝ន់អ្យាត់មាឆាយខាន់អៃនើម តឹមឞានមាអ្យាត់ដាសកោរាញយេឆូ ដ៝ង់* ៥:២២-២៤៖ កោល ៣:១៨; ១ពេ ៣:១-៦ 23 យ៝រលាសឆាយជេងតឹមឞានមាឞោកមាអូរ កើតឞ្រាសក្រីស ជេងតឹមឞានមាឞោកមាផូងអីញឆីងមាពាង់នើម។ ជេសរីពាង់នើមរាក្លាយ្សផូងអីនៃ។* ៥:២៣៖ អេផ ១:២២ 24 ផូងញឆីងអ្យាត់ឞ្រាសក្រីស កើតនទ្រីដ៝ង់អ៝ន់អូរអ្យាត់មាឆាយពាង់នើមតាអាប់នតីលនទើ។
25 អើផូងអ៝សនោតានាវញឆីងអីលែៈគែសអូរ អ៝ន់ខាន់មៃរ៝ង់មាអូរខាន់មៃនើម តឹមឞានមាឞ្រាសក្រីស លែៈរ៝ង់មាផូងញឆីងមាពាង់ដ៝ង់ នហ៝មាពាង់ជាវឆាក់ខឹតអ៝ន់មាផូងអីនៃ 26 គៃមាជានអ៝ន់ផូងញឆីងជេងក្ល៝សអ្វែស។ ពាង់ងគ្រ៝សលើយនាវតីសឞ៝ន់ ជានអ៝ន់ឞ៝ន់ក្ល៝សមានាវពាង់ងើយ តឹមឞានមាឞូរាវឆាក់មាទាក§ ៥:២៦៖ «តឹមឞានមាឞូរាវឆាក់មាទាក» មោលាស «មានាវបាប់តែមយុកមាទាក»។។* ៥:២៦-២៧៖ អេផ ១:៤; ២កោ ១១:២; កោល ១:២២ 27 កើតនទ្រីឞ្រាសក្រីស អុចញហើរផូងញឆីងមាពាង់នើម ជេងផូងអីអ្វែសច្រេកលើប អីមោគែសនាវរាមាវ អីមោគែសនាវនតាក់ អីមោគែសអោសអ្យើសទូនតីល លែៈក្ល៝សអ្វែសទាទេជេស មោហោមគែសអោសនាវមានទុយ្ស។ 28 កើតនទ្រីដ៝ង់អ្យាត់មាឆាយរ៝ង់មាអូរកើតពាង់រ៝ង់មាឆាក់ពាង់នើមដ៝ង់។ ឞូម៝សអីរ៝ង់មាអូរ ពាង់អីនៃលែៈរ៝ង់មាឆាក់ពាង់នើមដ៝ង់។* ៥:២៨-៣៣៖ កោល ៣:១៩; ១តេ ៤:៤; ១ពេ ៣:៧ 29 មោគែសអោសឞូនុយ្សមោអុចម៝ត់ញឆ្យាម់ឆាក់ពាង់នើម យើនមាពាង់អុចងាន់ម៝ត់ញឆ្យាម់ឆាក់ពាង់នើមអ៝ន់អ្វែស កើតមាឞ្រាសក្រីស ម៝ត់ញឆ្យាម់ផូងញឆីង។ 30 ទឹងលែៈឞ៝ន់ជេងតឹមឞានមានទើអេងៗតាឆាក់ជាន់ឞ្រាសក្រីស * ៥:៣០៖ ឆ៝ម់បុតអើមអីញចីសមាតីអាបាៈគែសនត៝បលាស៖ «ជេងតឹមឞានមាមលៃ នទ្រែលមាជេងតឹមឞានមានតីងពាង់នើម»។។* ៥:៣០៖ ១កោ ១២:១២ 31 លែៈគែសញចីសតានាវកោរាញឞ្រាសងើយ៖ «យ៝រមានាវអីនៃឞូក្លោលោសទូឞើសមេៈឞឹ ហាន់គុអាអូរ ជេសរីខាន់ពាង់ឞារហៃអូរឆាយជេងទូរាង្លៃឆាក់»† ៥:៣១៖ នន ២:២៤។ 32 នាវខ្លៃមានាវអីនៃហោមគែសនាវនទ៝ប់មពោនជ្រូងាន់ គ៝ប់មឞើសទើមមានាវខ្លៃមពែសមាឞ្រាសក្រីស នទ្រែលមាផូងអីញឆីងមាពាង់។* ៥:៣២៖ នតម ១៩:៧ 33 យើនមាអ្យាត់មាទឹងលែៈខាន់មៃរ៝ង់មាអូរខាន់មៃនើម កើតរ៝ង់មាឆាក់ខាន់មៃនើម ជេសរីអ្យាត់មាទឹងលែៈរោសមែអីគែសឆាយអ៝ន់ឞ្លាវយើកមាឆាយខាន់អៃនើមដ៝ង់។
*5:1 ៥:១៖ រម ៨:១៤-១៥
*5:3 ៥:៣-៥៖ កោល ៣:៥-៦
*5:4 ៥:៤៖ អេផ ៤:២៩
*5:5 ៥:៥៖ ១កោ ៦:៩-១១; ១តម ៦:៩-១០
*5:6 ៥:៦-៧៖ ផល ៣:១៧-២០
*5:8 ៥:៨៖ ១តេ ៥:៥
*5:9 ៥:៩-១១៖ ១តេ ៥:១៩-២២; ២កោ ៦:១៤
*5:12 ៥:១២-១៤៖ យហ ៣:១៩-២១; រម ១៣:១២-១៤
*5:13 ៥:១៣៖ «ទឹងលែៈនទើអីគែសតាអាង ឞូគឹតឆៃនហេលនានេៈងាន់» មោលាស «យើនមាលាសមឞើសមាឞូនាវឞូនុយ្សអីនៃជាន ឞូគឹតនាវខាន់ពាង់នៃអ្យើសងាន់»។
†5:14 ៥:១៤៖ គែសនាវខ្លៃលាស៖ «ខាន់អៃមៃអីមោគឹតឆាក់ខាន់អៃមៃនើមតីស អ៝ន់គឹតឆាក់គែសតីសហ៝ម់! ខាន់អៃមៃតឹមឞានមាហាក់ឞិច លាសនទ្រីកាសរាងាល់ហ៝ម់! អ៝ន់ញឆីងមាឞ្រាសក្រីស ជេងតឹមឞានមាឞូនុយ្សខឹតលែៈទ៝ក់រេសតៃ។ លាសនទ្រីឞ្រាសក្រីស មរាអ៝ន់ខាន់អៃមៃវ៝ត់នាវងាន់កោរាញឞ្រាស តឹមឞានមានទើអាងអ៝ន់ឞូឆៃម៝សនទើគែសតានាវង៝»។
‡5:14 ៥:១៤៖ មោគឹតនហេលឞើសតាៈតាត្រ៝ងអ្យា គែសឞូនុយ្សអាបាៈលាសតាៈឞើស អេឆា ២៦:១៩; អេឆា ៦០:១។ គែសឞូនុយ្សអាបាៈលាស តាៈឞើសទូនាវមព្រើតារានោកនៃ។
*5:14 ៥:១៤៖ យហ ៨:១២
*5:16 ៥:១៦៖ កោល ៤:៥
*5:19 ៥:១៩-២០៖ កោល ៣:១៦-១៧
*5:21 ៥:២១៖ មថ ២០:២៦-២៨
*5:22 ៥:២២-២៤៖ កោល ៣:១៨; ១ពេ ៣:១-៦
*5:23 ៥:២៣៖ អេផ ១:២២
§5:26 ៥:២៦៖ «តឹមឞានមាឞូរាវឆាក់មាទាក» មោលាស «មានាវបាប់តែមយុកមាទាក»។
*5:26 ៥:២៦-២៧៖ អេផ ១:៤; ២កោ ១១:២; កោល ១:២២
*5:28 ៥:២៨-៣៣៖ កោល ៣:១៩; ១តេ ៤:៤; ១ពេ ៣:៧
*5:30 ៥:៣០៖ ឆ៝ម់បុតអើមអីញចីសមាតីអាបាៈគែសនត៝បលាស៖ «ជេងតឹមឞានមាមលៃ នទ្រែលមាជេងតឹមឞានមានតីងពាង់នើម»។
*5:30 ៥:៣០៖ ១កោ ១២:១២
†5:31 ៥:៣១៖ នន ២:២៤
*5:32 ៥:៣២៖ នតម ១៩:៧