នាវកោរាញឞ្រាសងើយនាវតឹមរាង្លាប់មហែ ១ តេឆាលោនិក 2

នាវពោល គុជានការតាប៝នតេឆាលោនិក

1 អើអ៝សនោតានាវញឆីង ខាន់អៃមៃនើមលែៈគឹតជេស ហេនហាន់អាខាន់អៃមៃនើសមោអោសជេងទើមទាម។* 2 ខាន់អៃមៃលែៈគឹតជេស ជេសហេនទើននាវជេរជ៝ត់ នាវឞូរាកឆ្វាយហេនតាប៝នផីលីប នើស កោរាញឞ្រាសអ៝ន់ហេនគែសនូយ្សនហ៝ម់ឞាញ់មឞើសងក៝ចនាវមហែមហានអ្វែសពាង់ត៝ត់មាខាន់អៃមៃដ៝ង់ ឞ៝លលាសគែសនាវតឹមរាទ៝ង់ទុតហោកាដោយ។* 3 ហេនគែសនូយ្សនហ៝ម់ឞាញ់ យ៝រលាសនាវអីហេននតុមនតីនៃនើស មោគែសរាលាម់ មោគែសបឹបើច មោគែសមរោសអោស។* 4 កោរាញឞ្រាសកើបហេនទី នទ្រីទឹងពាង់ញជុននាវជានការមឞើសងក៝ចនាវមហែមហានអ្វែសអ្យាអ៝ន់មាហេន ជេសរីហេនមឞើសងក៝ចតឹងនទើអីនៃដ៝ង់។ ហេនមោអោសមឞើសងក៝ចគៃមាឞូនុយ្សរានេ យើនមាហេនមឞើសងក៝ចគៃមាកោរាញឞ្រាសរានេ ជេសរីពាង់រាល៝ងនូយ្សនហ៝ម់ហេនដ៝ង់។ 5 ខាន់អៃមៃលែៈគឹតជេស ហេនមោព្រ៝តអោសមឞើសងើយលែៈអ្វែសរាលាវកែសអីរ ហេនមោព្រ៝តដ៝ង់មឞើសងើយគៃមាគែសឆ៝ៈទើនព្រាក់ឆ៝ៈទើនទ្រាប់នទើឞើសខាន់អៃមៃ។ គែសកោរាញឞ្រាសអីនាក់តើមឆៃ។* 6 ហេនមោដ៝ង់ជ៝យនាវរានេអីតាៈឞើសឞូនុយ្ស ឞ៝លលាសតាៈឞើសខាន់អៃមៃ មោលាសតាៈឞើសឞូនុយ្សអេងកាដោយ។ 7 ហេនជេងកោរាញអ៝សម៝នឞ្រាសក្រីស គែសនាវទើយដាៈខាន់អៃមៃ យើនមាហេនគុនទ្រែលខាន់អៃមៃមលែសរាមេនងាន់ តឹមឞានមាមេៈម៝ត់ក៝នឞេពាង់នើមដ៝ង់។ 8 យ៝រមាហេនគែសនូយ្សនហ៝ម់រ៝ង់មាខាន់អៃមៃទុតហោកើតនៃ ហេនអុចអ៝ន់មាខាន់អៃមៃមោអោសទើនមានាវមហែមហានអ្វែសកោរាញឞ្រាសទើម នអ៝ប់មានាវរេសហេននើមអ៝ន់មាខាន់អៃមៃជឹត យ៝រលាសហេនរ៝ង់ខាន់អៃមៃទុតហោងាន់។

9 អើអ៝សនោតានាវញឆីង ខាន់អៃមៃហោមកាសគឹតនោកហេនគុនទ្រែលខាន់អៃមៃនើស ហេនជានការជ៝ក់រាអាសងាន់ ជានការទឹងមាង់ទឹងនារ គៃមាលើយអ៝ន់ខាន់អៃមៃជេរកើលឆ្យាម់ហេន នោកហេនមឞើសងក៝ចនាវមហែមហានអ្វែសកោរាញឞ្រាសអ៝ន់មាខាន់អៃមៃ។* 10 ហេនគុនទ្រែលខាន់អៃមៃអីឞូនុយ្សញឆីងមាឞ្រាសយេឆូ មានាវក្ល៝ស មានាវឆ៝ង់ មោអោសគែសនាវមានទុយ្ស។ គែសខាន់អៃមៃ គែសកោរាញឞ្រាសអីនាក់តើមឆៃហេន។* 11 ខាន់អៃមៃលែៈគឹតដ៝ង់ ហេនលែៈជានមាទូហ្វេទូហ្វេខាន់អៃមៃនើសតឹមឞានមាឞឹជានមាក៝នងាន់។ 12 ហេននត្រោល នអ៝ប់មានហាវនូយ្សនហ៝ម់ខាន់អៃមៃ ជេសរីទាន់ខាន់អៃមៃហោងាន់ហោមគុរេសតឹមទីដាសនាវកោរាញឞ្រាសអុច។ ពាង់ក្វាល់ខាន់អៃមៃលាប់គុតានាវម៝ត់អ្វាញ់ពាង់នើម នទ្រែលមាគុតានាវច្រេកលើបពាង់នើម។

13 កើតនទ្រីទឹងហេនលាសអ្វែសមាកោរាញឞ្រាសបាបើងាន់ យ៝រលាសនោកហេនលែវនាវមហែមហានអ្វែសមឞើសងក៝ចអ៝ន់មាខាន់អៃមៃនើស ខាន់អៃមៃឆ៝ៈទើនរ៝ មោអោសកើបនាវអីនៃជេងនាវងើយឞូនុយ្ស ខាន់អៃមៃកើបនាវអីនៃជេងនាវងើយកោរាញឞ្រាសងាន់។ ទីងាន់ជេងនាវងើយកោរាញឞ្រាសនើមអីអ៝ន់គែសនូយ្សនហ៝ម់លើមាអ្វែសមាឞូនុយ្សអីញឆីងមាពាង់។* 14 អើអ៝សនោតានាវញឆីង ខាន់អៃមៃលែៈជេងតឹមឞានមាផូងអេងៗអីញឆីងមាកោរាញឞ្រាសតាឞ្រីយូដា អីផូងគុនទ្រែលឞ្រាសក្រីសយេឆូ យ៝រលាសខាន់អៃមៃគែសនាវជេរជ៝ត់តាៈឞើសឞាល់មពោលខាន់អៃមៃនើមជានអ្យើសមាខាន់អៃមៃ កើតផូងអេងៗអីញឆីងមាកោរាញឞ្រាសតាឞ្រីយូដា គែសឆ៝ៈទើននាវជេរជ៝ត់តាៈឞើសឞាល់មពោលខាន់ពាង់នើមអីផូងអីឆ្រាអែល ជានអ្យើសមាខាន់ពាង់។* 15 ផូងអីឆ្រាអែល ជានអ្យើសអីនៃលែៈងខឹតលើយកោរាញយេឆូ នទ្រែលមាលែៈងខឹតលើយមពោលឞូនុយ្សនតើយ្សនាវងើយកោរាញឞ្រាសកាល់អែនើស ជេសរីមព្រើសហេនដ៝ង់។ ទឹងលែៈខាន់ពាង់អីនៃមោអោសជានមអាកមាកោរាញឞ្រាស ជេសរីជេងផូងតឹមរាទ៝ង់មាទឹងលែៈឞូនុយ្សដ៝ង់!* 16 ខាន់ពាង់ឞ្វៃហេនមោអ៝ន់អោសមឞើសងក៝ចនាវមហែមហានអ្វែសត៝ត់មាផូងអីមោទីផូងអីឆ្រាអែល គៃមាគែសនាវរាក្លាយ្ស។ ខាន់ពាង់ជានកើតនៃនាវតីសខាន់ពាង់លើមាហោអ៝ក់ត៝ត់មាទីកោរាញឞ្រាសតេៈទោយ្ស យើនមានាវកោរាញឞ្រាសតេៈទោយ្សត៝ត់តាខាន់ពាង់អីនៃងាន់រ៝។*

នាវពោល អុចហាន់តាប៝នតេឆាលោនិក

17 អើអ៝សនោតានាវញឆីង ឞ៝លលាសរាង្លៃឆាក់ឞ៝ន់តឹមបាសងាយទូប្ល៝ត់ យើនមានូយ្សនហ៝ម់ហោមតឹមទាច់ដាសខាន់អៃមៃមរ៝។ ហេនអុចងាន់គៃមាឆៃមុសមាត់ខាន់អៃមៃ យ៝រលាសហេនក្ល៝ង់ខាន់អៃមៃហោងាន់។* 18 កើតនទ្រីទឹងហេនហោងាន់អុចហាន់អាខាន់អៃមៃ គ៝ប់នើមពោល អីអ្យាឞារពែតឹងាន់អុចហាន់អាខាន់អៃមៃ តីសមាឆាតាង់ អីកោរាញមពោលឞ្រាសអ្យើសងកីងមោអ៝ន់ហាន់អោស។ 19 ឞើសតាៈនាវរានើមហេន នាវរាម់មអាកហេន នាវរានេអេងឆាក់*ហេនតាឞើសនាប់ឞ្រាសយេឆូ អីកោរាញឞ៝ន់ត៝ត់ពាង់វាច់តៃ? តាៈឞើសខាន់អៃមៃ។ នទ្រីហេនអុចហាន់តាខាន់អៃមៃ។* 20 យ៝រមាខាន់អៃមៃហេនគែសនាវរានេ ហេនគែសនាវរាម់មអាក។

*2:1 ២:១៖ ១តេ ១:៥

*2:2 ២:២៖ ការ ១៦:១៦-២៤

*2:3 ២:៣-៤៖ ២កោ ៤:១-២

*2:5 ២:៥៖ ២តេ ៣:៨

*2:9 ២:៩៖ ការ ១៨:៣; ២តេ ៣:៧-៩

*2:10 ២:១០-១២៖ រម ១២:១-២; អេផ ៤:១-៣២

*2:13 ២:១៣៖ កាល ១:១១-១២

*2:14 ២:១៤៖ ការ ១៧:៤-៩

*2:15 ២:១៥៖ មថ ២៣:៣៧; ការ ៧:៥២; រម ១១:២៨

*2:16 ២:១៦៖ ការ ១៣:៤៤-៤៥; ១៤:២

*2:17 ២:១៧-១៨៖ ១តេ ៣:១០; រម ១:១៣

*2:19 ២:១៩៖ «នាវរានេអេងឆាក់» មោលាស «មោកកាដាច់មារានេអេងឆាក់»។

*2:19 ២:១៩-២០៖ ផល ២:១៦; ៤:១