1  Halo uh lah. BOEIPA taengah tamhoe uh sih lamtah mamih kah daemnah lungpang ham yuhui uh sih.

2  Amah mikhmuh ah uemonah neh kun uh sih lamtah laa neh amah taengah yuhui uh sih.

3  BOEIPA tah boeilen Pathen neh pathen boeih sokah boeilen Manghai la om.

4  Diklai kah a dungnah te a kut ah om tih tlang som rhoek khaw amah hut ni.

5  Tuitunli te amah hut tih amah ham ni a saii. Laikoeng khaw amah kut loh a hlinsai.

6  Halo uh lah bakop uh sih lamtah bawk uh lah sih. Mamih aka saii BOEIPA hmai ah yoethen uem uh sih.

7  Heb 3. 7-11. Heb 3. 15; 4. 7. Tihnin a ol te na yaak uh atah amah te mamih kah Pathen la om coeng tih mamih khaw a rhamtlim kah pilnam neh a kut khuikah boiva la n'omuh.

8  Sung 17. 1-7; Lam 20. 2-13. Khosoek kah Meribah neh Massah tue vaengkah bangla na thinko te mangkhak sak boeh.

9  Teah te na pa rhoek loh kai n'noemcai uh tih ka bisai a hmuh uh lalah kai n'loepdak uh.

10  Thawnpuei taengah kum likip ka ko-oek tih, “Pilnam he a thinko kho a hmang tih ka longpuei ming uh pawh,” ka ti coeng.

11  Lam 14. 20-23; Olr 1. 34-36; Heb 4. 3,5; Olr 12. 9,10. Te dongah kai kah duemnah khuila a kun uh pawt ham ka thintoek neh ka toemngam thil.