1 Khosoih ham Onias kah hingcimnah neh halangnah te a ngaih pawt dongah olkhueng te rhep a vai tih khopuei cim neh a kaepvai tah ngaimongnah he paa tlaih pawh. 2 Te dongah manghai amamih long pataeng khohmuen te a hinyanah tih kutdoe then neh bawkim te a thangpom uh. 3 Asia manghai Seleucus long pataeng thothuengnah bibi te aka tukkai dongah hnonah ham boeih te amah kah mangmu dongkah ni a yueh tih a hnonah.

4 Tedae Bejamin koca kah hlang pakhat a ming ah Simon tah bawkim kah rhoiboei la om tih khopuei hnoyoih hmuen taemrhainah dongah ah khosoih ham rhoek taengah a kovai pawh. 5 Anih loh Onias te a noeng pawt vaengah tah Tarsus kah Apollonius taengla cet. Apollonius he tah Phonicia neh Coelesyria kah a khoboei tue vaengkah coeng ni. 6 Te phoeiah Jesrusalem ah thakvoh te khaw tih, tangka ciim tae lek pawt khaw, te tangka a tarhing thui thai lek pawt pawt khaw, te kah tangka te hmueihhlutnah dongkah a thum pawt khaw, manghai kat taemrhainah dongah khueh koinih a coeng thainah kawng te khaw a thui pah.

7 Apollolonius neh manghaia hum uh vaengah te tah a taengah a thui pa bangla patoeng a puen pah. Te dongah manghai loh amah kah olka dongah hutnah aka khueh Heliodorud te a tuek. Te phoeiah khueh tawn kawng a yaak te boeih puen pah ham ol a paek. 8 Te dongah Heliodorus tah a yincaehnah te koe a tong tih, Coelesria neh Phoenicia te hip hamla cet. Tedae anih te manghai kah poeknah te thoeng sak ham ni a caeh.

9 Jerusalem a pha vaengah tah khopuei kah khosoih rhoek loh omngaih la a doe uh. Te vaengah a caehnah a kawng te phoeih a phoe tih a hmuethma a tak la metla a om te khaw koep a dawt.

10 Te vaengah khosoih loh tangka aka cuem rhoek te tah nuhmai neh cadah rhoek kah, 11 tangka a ngen tah Tobias capa Hyrcanus kah ni. Anih te a paihmuen khaw hlang rhoi la a om khaw, tangka a pum boeih la cak talen ya li, su ya hnih a om khaw, Simo hlang rhalawt loh ol laithae a thui te khaw, a thui pah. 12 Te phoeiah pilnam loh hmuencim ah a khueh he a thae la hnonah a coeng pawt khaw, diklai pum loh a hinyahnah bawkim poeih tarha a coeng pawt khaw rhep a thui pah.

13 Tedae Heliodorus loh manghai kah olpaek a om coeng dongah, “Metla olka om cakhaw manghai kah thakvoh khuila kun saeh,” a ti. 14 Te dongah tangka te sawt hamla khohnin a khueh tih cet.

Te vaengah khopuei pum te a ngaihmang te a phoeng mai moenih. 15 Khosoih rhoek khaw phuekhlak uh tih a khosoih himbai neh hmueihtuk hmaiah a bakuep doela vaan te a khue uh. A thakvok neh a olkhueng bangla a paek tangka te cuem hmuet la a khoem ham thangthui uh. 16 Khosoih kah a muei a hmuh uh vaengah a lungkoe hlut a toeh bangla a tloh pa uh. A maelhmai neh a suisak khaw thovael uh tih a hinglu khaw patang uh. 17 Hlang soah mueirhih neh pumrho thuennah loh a pha. A thinko khuiah tlo la a kaem te aka hmui boeih taengah phaeng tueng. 18 Hmuencim te yah a phueih hamla a om coeng dogah pilnam khaw rhaengpuei kah huithuinah khueh ham, yutet la a im lamloh koe suntla uh. 19 Huta rhoek loh a sukbam ah tlamhnin a yen uh tih longpuei ah kuk uh. Huta ca rhoek a ngen tah im ah om tih vongka ah pai uh. A ngen tah vongka ah pai tih a ngen tah bangbuet ah moe uh. 20 Vaan la kut a phuel uh tih huithuinah boeih a khueh uh. 21 Pilnam boeih loh a bakuep uh tih khosoih rhoek loh patang a khang te lungma a ming uh.

22 Tangka tung te a khoem tih a sueng hamla a tung te khoembael saeh tila tlungthang Boeipa te a khue uh. 23 Heliodorus khaw ko a tam bangla cet. 24 Tedae thakvoh taeng te a taengom ne a pha rhoi. Tlungluen mueihla neh cungkuem kah anaa aka khueh tah aka tlung soeh Heliodurus te a hui taengah a phoe pa khung daeng. Pathen kah thaomnah loh a tuuk dongah amih te rhihnah neh a mae hma uh. 25 Amih taengah kamrhui rhimom neh, mangrhang dongkah aka ngol kah a tlung hala la Heliodorus te a cuk thil tih a hmai khomae anih te a cawt. Marhang dongkah aka ngol te a pumcu neh kutpom te khaw sui kak la tueng. 26 Cadong rhoi khaw anih taengah, thaom tloe la, thenrhuep thangpom la, rhimom himbai neh a thoeng pah. A kaep ah rhirha pai rhoi tih annih te taemtaem a boh rhoi dongah a pum dongah phing hluktuk la a tloh pah. 27 Cirhong la tlup a bung vaengah tah anih te a hmuep loh muelh a thing. Te dongah a paco uh phoeiah pa dongah a yalh sak uh. 28 Ani loh thakvoh te a taengom boeih neh takuektakuek a paa dae amah khaw a bom uh thai mueh la a khuen uh. Pathen kah thaomnah tlungluen te a ming uh.

29 Pathen kah khabannah a om coeng dongah olmueh la rha uh tih yalh coeng. A hoeihnah ham ngaiuepnah khaw tal coeng. 30 Te vaengah a hmuen cim hamla kopoekrhai aka saii Boeipa te a koeh uh. Kolkalh rhuet ah rhihnah neh pangngawlnah aka bae bawkim te khaw tlungthang Boeipa a phoe coeng dongah omngaihnah, kohoennah neh bae.

31 Heliodorus kah a paya a ngen long tah a mal hong neh aka yalh Heliodorus te hingnah koep a dangnah ham Khohni te khue mai laeh tila Onias te koe a hloep uh. 32 Te dongah khosoih ham rhoek long khaw, Judah rhoek loh Helidorus soah boethae a saii uh uh a thailatnah a tila poek ve ti khaw a rhih uh. 33 Te dongah khosoih ham loh dawthnah a saii pah. Te vaengah amah cadong rhoi te Heliodorus taengah a phoe vaengkah himbai te phek a bai rhoi te a pai pah. Te dongah, “khosoih ham Onias ngaithuen neh. Boeipa ham nih na hingnah te nang taengah m'paek. 34 Na hmuh bangla anih he vaan loh a ngawn coeng. Pathen kah thaomnah rhimom te pinam pum taengah yaak sak,” a ti nah tih vik hma rhoi.

35 Te phoeiah Heliodorus loh Boeipa taengah hmueih a nawn tih a hingnah tah Khangkung kah ni tila olcaeng a lenkoek neh a toem a ngam. 36 Amih neh rhep a hmuh coeng dongah sosang Pathen kah khoboe kawng te hlang boeih taengah laipai la a khueh. Onias te a phih phoeih a caem neh manghai taengla mael.

37 Manghai loh Jerusalem ah caem la tueih ham tah mebang hlang lae tueih ah a then eh? tila a dawt hatah, 38 na rhal neh a uknah dongah boekoek a om atah anih te tueih. Anih a toel vetih a hing pueng atah na taengla ha mael bitni. Kekah hmuen ah ke Pathen kah thaomnah om dae lah ko. 39 Amah te vaan ah om coeng tih a hmuen cim te a dawn hueltue dongah bomnah a paek. Te dongah hmuencim aka phae ham aka cet tah a ngawn tih a phae,” a ti nah. 40 He tah Heliodorun kawng neh, a thakvoh a khoembael nah cil ni.