1 Abhantʉ bhamu bhakhafuma ku Yudeeya, bhakhabhala mu Antiokiya. Bhakhanda kʉmanyɨzya bhe bhitishile kʉtɨ, “Ɨnga mutatahiliilwe* 15:1 Mutatahiliilwe Ku Bhayahuudi ɨnga ʉmwana ʉmʉsakhaala apaapwa, isiku ɨlya naane kufuma apaapwe, bhakhabhoolaga ɨgoola ɨlya kʉmwanya kʉ wʉsakhaala kʉlolesya ulufingo kwa Mʉlʉngʉ. Bhaazya Wandɨlo 17:9-14. kʉlandatana na minho ge ʉMoose atʉlesheeye, mʉtangakhola kʉwaaga uwuposhi.” 2 Izwi lɨnɨɨlyo lɨkhapela amadalɨ nhaani, we ʉPaʉlo nʉ Balɨnaaba bhakʉzaabhana nabho. Kʉwʉmalɨlɨshɨlo, abhantʉ abha shɨbhanza ɨsha pa Antiokiya bhakhafumwa ʉwaamʉlo kʉtɨ bhamu bhabhale ku Yelusaleemu peeka nʉ Paʉlo nʉ Balɨnaaba, ɨnga bhalaabhe amasundo ku bhasundikwa na kʉ bhasongo abha shɨbhanza ku mazwi ganaago. 3 Pe bhanaabho abhantʉ abha shɨbhanza ɨsha pa Antiokiya bhakhabhasonteelezya. ɄPaʉlo na bhamwabho bhakhashɨla mʉ nsɨ ɨya mu Foinike, na mu Samaliya, bhakhabhabhʉzyaga bhe bhitishile she abhantʉ bhe te Bhayahuudi bhamwitishile uYeesu. Zɨnɨɨzyo ɨnongwa zɨkhabhakhobhosya nhaani bhe bhitishile bhonti.

4 ɄPaʉlo na bhamwabho, we bhaafikha mu Yelusaleemu, abhasundikwa, abhasongo na bhantʉ abha shɨbhanza bhakhabhaposheela akhinza. ɄPaʉlo na bhamwabho bhakhabhabhʉʉzya gonti ge ʉMʉlʉngʉ abhombile kʉshɨlɨla kʉkwabho. 5 Ɨleelo bhe bhítishile bhamu abha shɨpʉga sha Bhafalisaayi bhakhɨmɨɨlɨla, bhakhatɨ, “Bhoope bhe te Bhayahuudi bhakwanzɨwa kʉtɨ bhatahiliwaaje, khabhɨlɨ bhalajɨzwe kʉtɨ bhatinikhaje ɨndajɨzyo zyonti ɨzya Moose.”

6 Pe abhasundikwa na bhasongo abha shɨbhanza bhakhabhɨɨkha ʉlʉkhomaano ʉlwa kʉpanzanya, kʉtɨ bhenyeelezye akhinza izwi lɨnɨɨlyo. 7 We abhantʉ ɨbho bhazaabhana kʉ khabhalɨlo akhatali, uPeeteli akhɨmɨɨlɨla, akhabhabhʉʉzya akhatɨ, “Bhanholo bhaanɨ mʉ lwɨtɨkho, ɨmwe mumanyile kʉtɨ akhabhalɨlo khamu khe kháshilile ʉMʉlʉngʉ ánsebhile kufuma mumwinyu, kʉtɨ ɨndʉmbɨɨlɨle iNtumi iNyinza kʉ bhe te Bhayahuudi bhɨmvwe kʉshɨlɨla kʉkwanɨ, na kʉmwɨtɨkha ʉMwene uYeesu Kilisiti. 8 ɄMʉlʉngʉ we amanyile zyonti zye zɨlɨ mʉ mooyo ga bhantʉ, alolesiizye kʉtɨ abhitishile bhe te Bhayahuudi kwɨ dala ɨlya kʉʉbhapa uMupepu uMufinjile, anza she átupiiye nɨɨtwe. 9 Pe wʉtalɨɨpo ʉwʉgabhʉlanyo we ʉMʉlʉngʉ abhombile kʉkwɨtʉ na kʉ bhɨɨbho, lyoli bhoope abhazelufwizye amooyo gaabho kwɨ dala lɨnɨɨlyo ɨlya kʉmwɨtɨkha ʉMwene uYeesu. 10 Ishi! Nongwa yooni ye mʉkʉmʉlɨnga ʉMʉlʉngʉ we mʉkʉbhapɨmbɨzya abhalandati umuzigo wunuuwu ʉwa kʉlandata ɨndajɨzyo, we abhamaama bhɨɨtʉ nɨɨtwe tʉneetwe wátutolile! 11 Ɨtwe tʉkwɨtɨkha kʉtɨ ku wiila wa Mwene wɨɨtʉ uYeesu mwe tʉkʉtʉʉlwa, anza she bhoope bhakʉtʉʉlwa.”

12 Pe abhantʉ bhonti bhe bháamɨle mwɨ balaaza liila bhakhapʉʉma, bhakhabhatejeelezya ʉPaʉlo nʉ Balɨnaaba we bhakʉbhabhʉʉzya she ʉMʉlʉngʉ akhabhombaga kʉshɨlɨla kʉkwabho amayele nɨ vɨlolesyo ivwinji kʉ bhe te Bhayahuudi. 13 We bhaamala kʉlonga, ʉYaakobo woope akhaamʉla akhatɨ, “Bhanholo bhaanɨ mʉ lwɨtɨkho, mʉtejeelezye! 14 USiimoni† 15:14 USiimoni Ɨtaawa ɨlyamwabho bhakhatɨnjɨ uPeeteli. atʉbhʉʉzya she ʉMʉlʉngʉ ábhayɨmbɨɨye bhe te Bhayahuudi palʉsalo, akhabhasebha bhamu bhabhe bhantʉ bhaakwe. 15 Zɨnɨɨzyo zɨkwɨtɨnhana na zye zisimbiilwe mu vitaabu vwa bhakuwi kʉtɨ,

19 ɄYaakobo akhajendeelela kʉlonga kʉtɨ, “Pe shɨnɨɨsho, bhe te Bhayahuudi bhe bhakʉpɨndʉkha kʉbha bhantʉ bha Mʉlʉngʉ, ɨne ɨnkʉlola tʉtakhondeeye kʉtɨ tʉbhayɨmvwaje. 20 Lyoli tʉkhondeeye kʉtɨ tubhasimbile ɨkalaata ɨlya kʉbhabhʉʉzya kʉtɨ, bhatalyanje ɨnyama inhandamanu zye bhafumwizye ku lupuuto ʉlwa vifwani vwa bhamʉlʉngʉ, bhatabhombaje uwubhembu, bhatalyanje ɨnyama zye bhanionjile,§ 15:20 Ɨnyama zye bhanionjile ABhayahuudi bháamɨle nɨ ndajɨzyo kʉtɨ bhe bhakʉgoga ɨvwʉma, bhabhoolaje, amabhanda gitikhaje. Bhaazya Bhalaawi 17:13-14. awe kulya amabhanda. 21 Kʉnongwa ye kufuma khalɨ, bhakhalʉmbɨlɨlaga ɨndajɨzyo zya Moose mʉ nhaaya zyonti, khabhɨlɨ bhakhabhazyaga mu masinagoogi insiku zyonti ɨzyɨ Sabaato.”

22 Pe abhasundikwa, abhasongo, nɨ shɨbhanza shonti ɨsha pa Yelusaleemu bhakhafumwa ʉwaamʉlo peeka, kʉtɨ bhasebhe bhamu mʉ bhanaabho bhe bhatɨbhale peeka nʉ Paʉlo nʉ Balɨnaaba ku Antiokiya. Bhakhasebha abhantʉ bhabhɨlɨ, bhe bháamɨle bhalongozi bhamwabho, weeka áamɨle wʉ Yʉʉda, we bhakhatɨnjɨ ʉBalɨsaaba, ʉwamwabho áamɨle wʉ Sɨɨla. 23 Bhakhabhasonteelezya nɨ kalaata lye lɨkʉtɨ:

30 We bhalagana na bhaala bhe bhábhasonteleziizye, ʉPaʉlo na bhamwabho bhakhabhala ku Antiokiya. Bhakhabhabhʉngaanya abhantʉ abha shɨbhanza, bhakhaabhapa ɨkalaata liila. 31 Umuntu we abhabhaazɨzya bhe bhitishile, lɨkhabhakhobhosya ʉmwoyo na kʉbhasansamʉsya. 32 ɄYʉʉda nʉ Sɨɨla bhe bhoope bháamɨle bhakuwi, bhakhabhabhʉʉzya abhamwabho mʉ lwɨtɨkho ɨnongwa inyinji ɨzya kʉbhakhobhosya ʉmwoyo, na kʉbhagomwa. 33 We bhɨɨkhala kʉʉkwo kʉ khabhalɨlo, abhamwabho bhakhabhɨtɨshɨzya kʉtɨ bhagalʉkhaje. Bhakhabhabhʉʉzya bhakhatɨ, “Galukhaji ku wutengaanu kʉ bhaala bhe bhabhasonteleziizye.” [ 34 Ɨleelo ʉSɨɨla akhalola kʉtɨ khinza asyale kukuula.]* 15:34 Umusitaali uwu wʉtalɨɨpo mu wusimbe wumo ʉwɨ maandɨ ʉwa Shiyunaani. 35 ɄPaʉlo nʉ Balɨnaaba bhakhasyala ku Antiokiya, abheene na bhantʉ abhanjɨ abhinji bhakhamanyɨzyaga na kʉlʉmbɨɨlɨla intumi zya Mwene uYeesu.

36 Akhabhalɨlo we khaashɨla, ʉPaʉlo akhamʉbhʉʉzya ʉBalɨnaaba akhatɨ, “Tʉgalʉshe mʉ nhaaya ziila zye twaalʉmbɨlɨɨye intumi zya Mwene uYeesu, kʉtɨ twenyeelezye amajendeelelo ga bhanholo bhɨɨtʉ.” 37 ɄBalɨnaaba akhanzaga kʉtɨ bhabhale peeka nu Yookhani we bhakhatɨnjɨ uMaalika. 38 Ɨleelo ʉPaʉlo akhalola te khinza kʉtɨ bhabhale peeka nu Maalika, kʉnongwa ye ʉweene ábhaleshile mu Pamfiliya, akhasiita kʉjendeelela kʉbhomba ɨmbombo peeka nabho. 39 Pe kukhafumila amadalɨ nhaani, bhakhalenhaana. ɄBalɨnaaba akhamwega uMaalika, bhakhapanda imeeli bhakhabhala peeka mu Kipulo. 40 We abhamwabho mʉ lwɨtɨkho bhamʉlaabha ʉMwene uYeesu ajendeelele kuumupa uwiila waakwe, ʉPaʉlo akhamwega ʉSɨɨla, akhasogola. 41 Akhashɨla mʉ nsɨ ɨya mu Siiliya, nɨ ya mu Kilikiya, akhavɨgomwaga ɨvɨbhanza.