1  2:1 2:5 Jo wan, wu anaa aneehn nyoge maa athow yi wong Juog coon umodho, ke nying anyoohne giihu 2  2:2 6:12; Jon 12:31; 14:30; Tiihy 26:18; 1Jon 2:16 ge na beehdu yihdh gen. Yihdh nihn nu cwihnyu anaa alogu ne yug kwaad giih reje yug yaa beed wiih piny kane kedea upiihu ne yiih giih ruohdh atiihb reje ge beehda ruohdh yaa adhahl lum Juog. 3  2:3 5:6, 8; Rom 1:28; Klo 3:6 Wo cang, wo anaa ke roomo ke yaa nu dhahl Juog ge na beehdo ke dhe yoohn giih adhemuohm ge yuohd cwihnyo rog gen. Noono upiiho ne log cwihnyo ne tiihy giih daahd guohbo maa giih mooge me paro ke cwihnyo. Caahn e ke nying cahd dhaano utaahngo ge yuohd yi tiihy giih me reje, e kare anudo urahny cwihny Juoge rogo wa kaa arahny cwihnye rog nyoge mooge. 4  2:4 Rom 8:39; 9:16; Jeam 5:11 Abea Juog beehda ngaa me duu cwihny caahn duohng yihre kedea nhyaahro gihn anhyaare won ngo duohng ne cohg. 5  2:5 2:8; Rom 3:24; 6:13; Klo 2:13 Noono e Juog e naa acub kuowo yihro ke dhe yoohn Jeacuu keehd maa anahgo yaa anyoohne maa athow yi wong Juog me Juog anaa adhahlo. Beehda muuny Juog en naa boadh wun. 6  2:6 1:3; Klo 2:12; 3:1 Yi nweehd gihn anweehdo keehd Jeacuu Kriihjto e wo ameehg Juoge cahro keehd Jeacuu beere wo nii ruohdh keehde Paar Maalo. 7  2:7 1:7; Rom 5:20 Gihn nu atiihy Juoge beere deeh muuny anaa acube yihro ke beey mare ke nying Jeacuu Kriihjto ngo nyoadhe nyoadho yihdh nihn poohd ne wong maalo. 8  2:8 Mat 20:15; Jon 4:10; Tiihy 15:11; Gal 2:16 Bang gihn muuny Juog e naa aboadh wun naa ayiihu, gihn moogo tooro maa aboadh wun. Padh gihn maa a'aay ke bangu e naa aboadh wun abea beehda muuny Juog cog en naa aboadh wun. 9  2:9 Rom 3:28; 1Kor 1:31; 2Tim 1:9; Tii 3:5 Caahn e keá ngaa beel kejea yihre ne gihre maa ayuge ne boadh wahye. 10  2:10 Tii 2:14 Juog Aciehg en naa acag won kedea uyuge won wa gihn kedea unweehdo keehd Jeacuu Kriihjto beere giih me beeye ge ne tiihyo. Giih beeye beehda Juog e naa agwiir gen yihro coon ne tiihyo.

11  * 2:11-13 Rom 11:17† 2:11 5:8Athoam: Gal 5:6; Pihp 3:3 Wu beehda nyoge me padh Judea kii nyoohdo. Yaa Judea, ge thoam ne nyoadh ngo kejea ge akwany Juoge ne joe, wu cuohn gene cuohno ne nyoge me kwihy Juog bang gihn wu be thoam. Abea thoam beehda tiihy dhaano utaahngo. Paru wudhu ke dhe yoohn kaa anaa abeehdu kii ngo coon. 12  ‡ 2:12 Rom 9:4; 1Kor 15:19; Klo 1:21-22; 1Th 4:13Wu kuu anaa akwany Juoge: 2:19 Coon ngo anaa akwihyu kejea Jeacuu beehda ngaa. Wu kuu anahg nyoge maa akwany Juoge ne joe, e naa gihn anahgu aleye noono. Gihr nyingu anaa atooro yi gihn ayug Juoge yihr joe wa kaa anaa acege ngo piny yihr gen. Wu abeehdo wiih piny e gihn me beer me gaahnu tooro kedea e Juog kwihyu. 13  § 2:13 Abaahro ke Juog, akahl bang Juog 2:17; 3:6; 1:7; Gal 1:4 Abea awaahn ni ke dhe yoohn Jeacuu Kriihjto, e wu ge anaa abaahro ke Juog wu ameehg rem Jeacuu naa awuoj pinye nweehd ke Juog udoohngu ne nyoge maa akahl bang Juog.

14-15  * 2:14 Doohr: 2:16; 4:3; Klo 1:20Nyethen dhaano acielo: 1:23; Rom 10:12; 1Kor 12:13; Gal 3:28 2:15 2Kor 5:17; Klo 2:14 Beehda Jeacuu ke ngude en naa adoohr won naa ayuge Judea kedea yaa padh Judea ne nyethen dhaano acielo. Thone ngahy yaadh maa ariihw e naa araany mahn gihn anaa keew Judea keehd yaa padh Judea kedea beehda en thiow e naa ayug loohnge giih tiihy Judea keehd gen utoor gihr nying gene. Ayuge wa gihn nu beere Judea kedea yaa padh Judea ge udoohng wa dhaano acielo me nyaahn maa anweehd keehde. E naa dhe yoohn adoohre nyoge noono. 16  2:16 1:23; Rom 5:10; Klo 1:20-22 Ke dhe yoohn thon Jeacuu ngahy yaadh maa ariihw e naa araanye mahn gihn anaa keew gen kedea ke dhe yoohn thone thiow e naa ayuge gen wa dhaano acielo me nyaahn kedea uduue gen bang Juog. 17  2:17 Tiihy 2:39 Noono upuohny Jeacuue nyoge cang ke Ciig Beer, ge rubo ke nying doohr. Ngo apuohnye yihru wu yaa padh Judea ge abaahro ke Juog kedea yihr Judea ge acahngo ke Juog. 18  2:18 3:12; Rom 5:2 Kedea beehda ke nying gihn atiihy Jeacuue e ne meehg won cang, Ujudea kedea ngaa me padh Ujudea, beehn nyum Juog Wuur ke dhe yoohn Wahy Juog gihn acielo.

19  2:19 2:12; 3:6; Judea 12:22-23 Ke nying gihn nu, e wu yaa padh Judea wu padh aleye keehdo. Awaahn ni wun maa Judea, ge yaa akwany Juoge ne joe, wu adoohng ne yaa tien paajo acielo kedea maa wu adoohng ne yaa dhe wod Paar Juog. 20  2:20 Mat 16:18; 1Kor 3:10-11; Any 21:14 Wu thiow, wu neehn kaaw amag wiih wod keehd gen kedea Jeacuu Kriihjto e naa meehn kaaw. Wod ngo anahg jo oohr maa yaa agamloohngjuog ge naa kaawe giih athob mag wiih wod keehd gen. 21  2:21 1Kor 3:16 Kaano arumo e Jeacuu e ne mag wiih wod ne geero udoohnge ne gihn maa acub yihr Juog. 22  2:22 1Pii 2:5 Wu thiow ke dhe yoohn anweehd gihru ke Jeacuu wu uroomo ke kaaw amag wiih wod ka beed Wahy Juoge.