2
1 2:1 Epi 4:25; Jeam 1:21; 4:11 Noono wiiu yug giih me reje kedea wiiu giih toohd maa giih waane. Wiiu nyahg kedea wiiu waaj nyoge. 2-3 2:2 1Kor 3:2 Awaahn ni ngo aniidu e ka beer Jeacuue ke wun. Nea wa maano keá wiiu tiihy giih adhemuohm kedea wiiu giih acamo. Nea wa maano kea nahge ke giih Paar Juog ge ne cubu yi cwihnyu wa mar nyethiin ge cub cwihnye rih caag men. Tiihyu giih nu bang udoongu yi lum Juog.
4 Awaahn ni beehnu bang ngaa neehn meehn wod gihn anaa akweer yaa geere keehde maa abeehn Juoge ngo ne kwanyo bang gihn e naa anhyaar Juoge. 5 2:5 2:9; Rom 12:1; Epi 2:21-22 Wu thiow, wu neehn meehn wod gihn ugeer Wahy Juoge wod Juog keehd gen. Wu akwanye beere wu udoohng ne yaa lam me Wahy Juog e naa akwany wun yihr Juog. Noono e giih lamu ge nhyaar Juoge nhyaaro ke nying Jeacuu Kriihjto. 6 2:6 Rom 9:33 Ngo agweed yi kitaab Juog naa,
“Beeh niidu kaa akwanya meehn wod maa anhyaara
me maga wiih wod keehde.
Wod gihn ageera yi geen Jaayon.* 2:6 Beehda Jeruucalem e gihn nu cuohn ne Jaayon, Yicaaya 40:6-8
Ngaa yiih luma
cwihnye buu udaag yi gihn utiihya yihre.”
7 2:7 Mat 21:42; Tiihy 4:11 Yihru wu yaa ayiiho, ngaan akwanya ngo anhyaaru abea yihr yaa kuu ayiiho,
“E naa kaaw gihn akweer yaa geere keehde e adoohng ne meehn gihn amag
wiih wod keehde.”
8 2:8 Rom 9:33 Thiow agweed yi kitaab Juog naa,
“Ngaan akwany Juoge
e nuu unahg leen cwahny nyoge keehde
ge umeehg gen pahdho.”
Yaan nu ge nyoge maa acwahnyo bang gihn lum Juog kuu ayiih gene kedea e naa gihn agweehg Juoge ke nying gen.
9 2:9 1:2; Tiihy 26:18; Rom 5:17; 2Kor 4:6; Epi 5:8; Tii 2:14; Judea 13:12; 1Pii 2:5; Any 1:6; 20:4 Abea maru wu beehda nyoge me Juog e naa akwany wun. Wu beehda yaa lam me tiihyo yihr Ruohdh. Wu nyoge maa acub rogu yihr Juog, wu beehda joe. Noono, e kare nud yihru unyoadhu kaa akahl Juoge wun oogo yi muudho kedea ukedhe wun yi daahr gihre me cang ne wij wij kedea wu ukwany ne rob giih beeye ge atiihye. 10 2:10 Rom 9:25 Umodho coon wu kuu anahg yaa Juog abea awaahn ni wu beehda joe. Coon Juog cwihnye kuu anaa aduue caahn ke nyingu abea awaahn ni ngo ayoadu kejea cwihnye aduue caahn ke nyingu.
11 2:11 1:1, 17; Rom 7:15, 17-23; Gal 5:17; Judea 13:14 Wu goma me nhyaara nhyaaro keraahyo, wu neehn aleye me beed wiih waahdh me piny me beedu tooro. Naa anahgu nyoge me wa gihn nu kea cwihnyu keá yuohd rog giih nhyaar dhaano utaahnge ge yihr gen ne mahn keehd wahy dhaano. 12 2:12 Mat 5:16; 2Kor 5:10 Beehdu beer mee kiin yaa kuu ayiiho keehd maano koohb gene kejea wu tiihy giih me reje, bang gihn cahng ungey gene gihn beer ge atiihyu, e Juog uleej gene cahng beehn Jeacuue ne liew won.
Wuoru Ruohdh Paajo
13 2:13-14 Rom 13:1-7; Tii 3:1 Wuoru ruohdhe giih wiih piny kan ke nying Jeacuu Ruohdho, wuoru ruohdh duohng yi paajo. 14 Thiow wuoru kwaad yaa acub ruohdh duohnge piny nyum nyoge ne kihm yaa ayug giih me reje, maa ne muohj koohdh yaa yug giih beey. 15 2:15 3:16 Beehda Juog e ne daahd wun utiihyu gihn me beer beere yaa kwihj luube ge be rubo rogu. 16 2:16 1Kor 6:11, 19-20; Gal 5:13 Beehdu ke beehd nyoge me padh baahng, abea kwaad beehd nu keá logu ne dhe yooh me koolu giih reje ge yugu. Wu dhiil nahg baahng giih Juog. 17 2:17 1:22; 3:16; Mat 22:21; Gal 6:10; Pihp 2:12 Nyoge keá dhahlu kedea nhyaaru wadu ge ayiiho, wuoru Juog kedea wuoru ruohdh gihn amag paajo.
18 2:18–3:7 Epi 5:21–6:9 2:18 Epi 6:5-8 Wu baahng wuoru yaa tiihyu yihr gen kedea tiihyu gihn teed gene yihru. Wu keá lihng luub yaa beey cog, lihngu luub yaa reje thiow. 19 2:19-20 5:12 Ngo beehda gihn me beer uyoad gihn me raaj ke nying gihn me beer maa atiihj bang gihn ngahyu gihn daahd Juoge. 20 2:20 4:14 Gihn me beer me yoadu tooro ne guum apoohdo gihr gihn me raaj e ayug dhaane. Abea Juog wu udooje ne guum giih raahm me gihn me raaj maa ayugu tooro. 21 2:21 Mat 16:24; 20:26-28; Jon 13:15; Rom 15:5 Wu acuohn kaa nying gihn ni: Ngad Boadh nyoge ke ngude abang uguume giih me reje ke nyingu kedea wu naa awiie piny ne yaa ukwany yihdh buy tiene. 22 2:22 Jon 8:46; Judea 4:15 Adhemuohm maa atiihy Jeacuue atooro kedea toohd maa arobe atooro. 23 2:23 3:9; Mat 26:55-56, 67; 27:14, 27-31 Naa abeehn nyoge uyeny gene ngo e dhee kuu ne kweg uluunye kedea naa ayoade giih raahm kuohm e ngaa maa acehme tooro. Ree acube yihr Juog ngaa be luuo ke lug tiel. 24 2:24 Rom 6:2, 11; Klo 2:14; Judea 9:28 E ke ngude adhemuohme giihu ge atihnge ke en e ngo ne rih yaadh maa ariihw, beere giih adhemuohm be cahgo ke tiihyo unahge giih beeye ge ne tiihyo. Kuohn ka me ledhe giihe ge naa athiehdh won. 25 2:25 Mat 9:36; Jon 10:16; Judea 13:20 Bang gihn wu ake roomo wa roohme maa arwaahnyo, abea awaahn ni wu aduu bang ngad kwaah ge koar wun.
2:1 2:1 Epi 4:25; Jeam 1:21; 4:11
2:2-3 2:2 1Kor 3:2
2:5 2:5 2:9; Rom 12:1; Epi 2:21-22
2:6 2:6 Rom 9:33
*2:6 2:6 Beehda Jeruucalem e gihn nu cuohn ne Jaayon, Yicaaya 40:6-8
2:7 2:7 Mat 21:42; Tiihy 4:11
2:8 2:8 Rom 9:33
2:9 2:9 1:2; Tiihy 26:18; Rom 5:17; 2Kor 4:6; Epi 5:8; Tii 2:14; Judea 13:12; 1Pii 2:5; Any 1:6; 20:4
2:10 2:10 Rom 9:25
2:11 2:11 1:1, 17; Rom 7:15, 17-23; Gal 5:17; Judea 13:14
2:12 2:12 Mat 5:16; 2Kor 5:10
2:13 2:13-14 Rom 13:1-7; Tii 3:1
2:15 2:15 3:16
2:16 2:16 1Kor 6:11, 19-20; Gal 5:13
2:17 2:17 1:22; 3:16; Mat 22:21; Gal 6:10; Pihp 2:12
2:18 2:18–3:7 Epi 5:21–6:9
2:18 2:18 Epi 6:5-8
2:19 2:19-20 5:12
2:20 2:20 4:14
2:21 2:21 Mat 16:24; 20:26-28; Jon 13:15; Rom 15:5
2:22 2:22 Jon 8:46; Judea 4:15
2:23 2:23 3:9; Mat 26:55-56, 67; 27:14, 27-31
2:24 2:24 Rom 6:2, 11; Klo 2:14; Judea 9:28
2:25 2:25 Mat 9:36; Jon 10:16; Judea 13:20