1 Ot intullongku bo osaʼn anghel un lan-osog un lampeɏpuʼd langit un ilooglela chakeɏʼn kaweɏ ya tebik chi abut un lappun kiged chi kachaɏomla. 2-3 Ot chilokmaala dragon, hachiʼn uɏog si awi un kalanchaʼn Satalas, ot kilawaɏala. Ot imbyellun chi hachiʼn anghel siya si abut un lappun kiged chi kachaɏomla, ot inchakigla ya ingkanyachula taplu achipunla kasin sallutan cha tagu utla pita inggala lumaus chi sillibuʼn tawon. Ked lu magamput chi sillibun tawon, masapuɏʼn kasin mibukat ngim sin-akitan.

4 Ot si hachi, intullongku cha uchum un aammuyan cha ari ked cha hachiʼn ummaammuy, laidchencha si kalobbongan un manguis. Ya intullongku bo kalichodwan cha lapatoy gapu si langibyegbyeg-ancha si ugud Apudyus ya katuttuwaan mipanggop kan Jesus. Chicha bo cha achipun lalayaw si hachiʼn kaog-ogyat un ayam ya silan-ayam un issu-issula, ya achipuncha bo impameɏka kicheycha ya imacha si meɏkala. Ked losancha ummuli latagu ya lakaturaycha kan Jesu Kristu si sillibuʼn tawon. 5 Ked liya chamuʼn umuliyan cha langkakatoy mataguwan. Ngim cha uchum un langkakatoy, achipuncha umuli matagu inggala magamput chi sillibuʼn tawon. 6 Pian cha taguʼn mipati umuli si chamuʼn umuliyan cha tagu mataguwan, ti lappun kilabyelin chi mikadwaʼn otoy kan chicha. Ked chicha mansimbi un isun chi pachi kan Apudyus ya Jesu Kristu, ya makaturaycha bo kan siya si sillibuʼn tawon.

7 Ked lu magamput chi hachiʼn sillibuʼn tawon, mibukat si Satalas si libyabyaɏuchela, 8 lumawa ta umoyla allilawon cha nasyun si intilun chi lubung. Ked mantitimpuyugola chicha losan, un maawagen Gog ya Magog, ya isagalala chicha un makagubyat, ked lappun makabilang si kilaachucha ti isun chi kilaachun cha legen si teɏanteg chi byeybyey. 9 Ot liwaɏascha losan si allaʼn lubung, ot ilalikumcha kummampuwan cha tagun Apudyus ya ulay chi hachiʼn ili un patungedla ay-ayaton. Ngim si hachi, awed chi apuy un lampeɏpuʼd langit ot soggola chicha losan. 10 Ot si Satalas un langallilaw kan chicha, libyellu si amod un apuy un gumilegileb un asupli un siya bo libyelluwan chi hachiʼn kaog-ogyat un ayam ya hachiʼn pilakalong-egla un silan-propeta. Ked mapaligatancha si ileɏgew ya lilabi si ing-inggala.

11 Oli pun intullongku bo chakeɏ ya mamputilak un aammuyan chi ari ked awed bo umaammuy. Ot lammaeg chi laumas chi allaʼn pita ya langit un lappun kasinla main-an. 12-13 Oli pun bo intullongku cha losan un langkakatoy un tagu un lipasangu si hachiʼn umaammuy, ked wechewed cha langangatu ya labyabya, ya ulay bo cha hachiʼn langkakatoy si byeybyey, ked lummoswacha losan, ya ulay bo cha losan un langkakatoy un illinggew ud Hades un inggewan cha latoy. Ked summisikedcha si sangwalan chi hachiʼn ummaammuy, ot labuktan chi liblu un liigiliyan cha losan un killingwan cha tagu. Ya labuktan bo osaʼn liblu un liigiliyan cha ngachen cha losan un makatagu kan Apudyus si ing-inggala. Ot lakuis losan cha hachiʼn ummuli latagu, ked laibyeseɏ si killingwacha si katattagucha, un liigili si hachiʼn liblu. 14 Ot losan cha hachiʼn latoy un lampeɏpuʼd Hades, libyellucha si hachiʼn apuy un gumilegileb un isun chi byeybyey. Hachiʼn apuy un byeybyey, hachi mikadwa un otoy un siya misilaan kan Apudyus si ing-inggala. 15 Ti cha losan un tagu un lappun ngachenla si hachiʼn liblu un liigiliyan cha losan un makatagu kan Apudyus, chicha mibyellu si hachiʼn apuy un isun chi byeybyey.