1 Lapalos ked, chingngeɏk chi mantobyeg un ginga un lampeɏpu si templo un langibyega kan cha pituʼn angheles, un kalala, “Chowot ingkayu isuyat ud pita cha halat un ligat un awed si pituʼn chuyugyu un laplu si sangan Apudyus.” 2 Ot ummoy chi ummulaʼn anghel insuyat si pita hachiʼn inggew si chuyugla. Ot cha losan un lameɏkaan si meɏkan chi kaog-ogyat un ayam ya cha lalaychayaw si hachiʼn silan-ayam un issu-issula ked laamin cha lagagateɏ si mambyangtit ya amod chi sigebla.

3 Ot ummoy bo mikadwaʼn anghel insuyat si byeybyey chi ingew si chuyugla, ot lambyalin isun chi cheɏong, ked cha losan un inggew si byeybyey, laamincha langkakatoy.

4 Ot ummoy bo mikatluʼn anghel insuyat si losan un chewwang ya chegsi inggew si chuyugla. Ot lambyalin chaɏa cha chelum. 5 Ot si hachi, chingngeɏk chi imbyegan chi anghel un simbiyang si chelum, un kalala,

7 Oli pun, chingngeɏk bo summongbyat un lampeɏpu si altar, un kalala,

8 Ot ummoy bo chi mikapat un anghel insuyat chi inggew si chuyugla si ilit. Ot lapalubusan un ummamod chi atungla ot soggola cha tagu. 9 Ngim ulay lu lasgobcha, eɏ-eɏwagencha si Apudyus un Mallakabyelin gapu si ligatcha, ked achipuncha ibyabyawi cha byasuɏcha ya achipuncha chayawon chi kilangatun Apudyus.

10 Ot ummoy bo chi mikalimaʼn anghel insuyat chi inggew si chuyugla si ummaammuyan chi hachiʼn lanturay un kaog-ogyat un ayam. Ot patunged gummikbot cha losan un iturayala, ya kotbyen cha tagu chilacha si ligatcha. 11 Ngim lappun langibyabyawi kan chicha si lawwing un pin-acha killingwa, ya eɏ-eɏwagencha si Apudyus ud langit gapu si sigebcha ya gagateɏcha.

12 Ot ummoy bo chi mikalom un anghel insuyat chi inggew si chuyugla si chakeɏʼn chewwang un ha ngachenla Euphrates. Ot laksit chi hachiʼn chewwang taplu ayon cha ari un mampeɏpu si sumileɏan ilit. 13 Ot hachi langitullongak si tiɏuʼn aɏan un isun chi tukak chi kopyacha. Ha osa, lummoswa si tupok chi hachiʼn dragon, ked ha osa, lummoswa si hachiʼn kaog-ogyat un ayam, ked ha mikatlu, lummoswa si tupok chi hachiʼn silan-propeta un pillakalong-eg chi hachiʼn ayam. 14 Cha hachiʼn tiɏuʼn aɏan ked makwacha cha lakaskaschaaw, ked umoycha chagupon cha losan un ari si lubung ta losancha gubyaton si Apudyus un Mallakabyelin. Ngim si hachiʼn eɏgew, hachi mangɏogen Apudyus kan cha losan un kabusuɏla.

15-16 Ha lugeɏ un langumungan cha hachiʼn aɏan kan cha kaari-ari, hachi kalanchaʼn Armageddon si Hinebrew un ugud. Ked hachi mangibyeg-an Jesu Kristu un kalala, “Tatanchaalanyu allayaʼn ibyegak, ti lappun mapuutanyu si mangulilak ti isun chi mangkokopyan chi man-aakaw un achipun maammuwan ked magalatong! Ked pian chi taguʼn lakasagala un manguuway kan sakon, un isun cha lansisillup ya achipun lasuyop, ti achipun maochesan ya lumawa un mampatpatiwayway un siya mabibìilala.”

17 Ot ummoy bo chi mikapituʼn anghel insuyat chi inggew si chuyugla si angin. Ot awed chi mantobyeg un ginga un lampeɏpu si ummaammuyan Apudyus si templo, un kalala, “Lagamput!” 18 Ot kummilakilat ya awed chi amod un atingeɏ ya kummuchukuchuɏ, ya chummitachita un lappun miyisuwala lalipud si lakwaan cha tagu si allaʼn pita. Lappun miyisuwan chi kilakoscheɏla! 19 Ot langkatlu lapotlak chi lanchinchilameg un ili un Babylon, ked layam-an losan cha mangkakachakkeɏʼn ili si lubung. Ot simsimmok Apudyus ud Babylon un lanchinchilameg un ili si lalusaala un isun chi impailumla latatasan mampiit un byeyasla ked lappun labunbun-an ulay sintodtod gapu si amod un sangala. 20 Ot lebut cha losan un pita un langgagawa si byeybyey, ya laumas cha losan un bibbilig. 21 Ya ummuchen si mangkachakkeɏʼn chuwaɏu ked umoy si limampuɏun kilu kachegsonla, ot lituklogcha kan cha tagu. Ot eɏ-eɏwagen cha tagu si Apudyus gapu si kaog-ogyat un chuwaɏu ya amod un ligat.